HEBREW 12:2 - DAÜLANGPÜ LAIHING (BSI)

² Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

HEBREW 12:2 Referans Kwoze

MIKA 7:7

Shejao ngei payü, Shembüpa kü monglemei nyuhen, Ngei yemleipü ngelei Kahvang omdanei nyuhen. Ngelei Kahvangi ngei phoppü kü jangphahen.

1 PETER 3:18

Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

EPHESIA 5:2

hatü Khristai jen kü bampü keiha, hatü Kahvang kü vong meipü jakpü büpa laophü nyingi jen shing shuohpü keiha ammi bampü yangnyu nyutuh.

PHILIPPI 1:6

Üpai am touei doumei chongpang, hapa Jisu Khristalei nyih thahshi kü temhen shei ngei monglempü nyüpeih.

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

JOHAN 6:40

Üami Ha ee, hatü büpa kü hinglemnya, vanyangyem danghen, hatü dohpü nyih kü ngei yangei leishihhen hapayü ngelei Opai-i mongpü nyüke.”

1 PETER 3:22

Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.

PHONGSHANTHÜ DOU 5:31

Israel kü mong leppü shuohhen, hatü mang tükpü danghühen shingvaishi Kahvangi laophülei lakdah philei Mübü hatü Yemleipüba kei longei anshihteke.

LUK SHAHSHA APPÜ 24:26

Messiah-i hathü shangpong heühen hatü büpalei müknyinshekhang kü shühen nadang nenyuhampü hiang?” shei e.

ISAIAH 53:3

Büpayü hangkuthüi ne-ienelemi yaktük; mongong hatü shangpongpü shennyak hük. Üpaiyao büpa kü nevei-i peüi laophülei dhe jolangkem, peüi büpa yaktük, hatü jeni büpa kü lümeivaüei nedeih.

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

JUD SHAHSHA APPÜ 1:21

Kahvang bampü kü am nyutuh; vanyangyem lemei müpü jenei Shembüpa Jisu Khristalei phahji kü shesha lemei veituh.

HEBREW 8:1

Shaang hami epü shah shongnyüyü hapa hih: Vangsholei Lenangpalei ong uoshing kü jenei ngongchong lakdah philei uoshi nyüpeih;

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

PHILIPPI 3:20

Shejao jenei bühü heanü vangsholei nyüke, hatü jeni haleipü Yemleibüpa hük, Shembüpa Jisu Khristai omdannyüke.

MARK 14:36

Büpai, “Abba, Opa, nüng shingvaishi lemphü aokbenüng; hapa shangpong yungshong ngei kübü chailangshih; shejao ngei mongpü nevai, nüngi mongpükei vaituh” shei e.

ISAIAH 8:17

Jakob am shem kübü dhe jolangpü Shembüpa kü ngei omdanhen hih; ngei büpa kü hinglemhen hih.

SHAKEI VAMPÜ 2:8

Smyrna kübü attoi leipü phongshan kü nyangtuh: Hathüyü chongpangpü hatü dohpü, üpa di hatü yangei lei, büpalei shahthü:

HEBREW 13:13

Shejema jenao baümtap haolei daishah hatü büpai nenpü shangpong koshah.

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

JOHAN 13:3

chepai büpalei lak kü lemphü shuohteke, hatü büpa Kahvang leipü pei, hatü Kahvang touei daihen shei Jisui nyingei,

LUK SHAHSHA APPÜ 17:5

Phongshanthüi Shembüpa kü “Hamphong kü hinglempü nyeishi longhüshih” shei e.

MARK 9:24

Lomi ha naüei chepai lenei, “Ngei hinglemnyeih! Ngei hingnelempü kü sheühshih” shei e.

HEBREW 12:3

Am nenyiuhen hatü mong nemahhen shingvaishi laophü khüei mangthü leipü ten peü nenaokpüba deih-ei dangtuh.

EPHESIA 2:16

hatü shophang homei dehilao dihüei khong nyiphen Kahvang mü mongjemhüpeih.

PHONGSHANTHÜ DOU 5:41

Jomphong shahtap leipü vamei daishingkü jom mongong; mehenangkü hapa men nangkü ne-ienelem ponghahhen shangpeih shei deih.

JOHAN 12:32

Mechem ngei hapa kahdoknyü kübü shangei anlanghen, ngei laophü touei nanglak peü yahlanghen” shei e.

MENVIH KESHO 138:8

Shembüpai ngei shingvaishi büpalei mükhong jiühühen; nüngi bampü den kü nyunyeih, Oh Shembüpa; nüngei laki lingpü douthü nüngi tebetükma.

1 PETER 1:11

Khrista shangponghen hatü hapheikü müshi müknyinshekhanghen nang jomi tetshingkü jom kü nyupü Khristalei Laanghai hupü hapa hepak hatü laphen yemei danghen kheteke.

HEBREW 10:14

Mehenangkü moila shan hük shuohpai daütükpüthü den shing changhüshahüteke.

JOHAN 12:24

Hingmei ngei am kü enyeih, hahkuk hük kahdokei vüei mangdi thahshi hahkuk lakshing nyunyeih, shejao ha dijema, hapai betjük longi jüknyeih.

JOHAN 8:56

Ammei pa Abrahami ngelei nyih deih-ei mongongpeih, hatü büpai ha eetü mongongteke” shei e.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

LUK SHAHSHA APPÜ 23:11

Herodi dangkao büpalei veshanthü mü büpa nyonghü, hatü yaüeilungei e; hapheikü büpai büpa kü bhagthuh meipü hük thuhhütü Pilat touei nyokei shom.

MATHI 20:28

mehenangkü Shennyak Hayao chongphohahhen shingvaishi nevai, shejao chongphohen, hatü longshi shing angei leihen nangkü laophülei yangnyu bhei shuohhen yiüpeih.”

MATHI 16:21

Hahepak kü pangei Jisui büpalei nanglomthü kü büpa Jerusalemei daihen, hatü behethü, ngongpathü hatü shahkung nyuhbüthülei lakmongei longi shangponghen, hatü jühen hatü nyih jempabü kü yangei leihen shei ehen chongpang.

ZEKHARIAH 12:10

Ngei David am phang hatü Jerusalem kü nyupüthü kü phahji laangha hatü phoppü laangha shuohhen; mechem jomi jomei laki jütükpü eehen, halom didaipü kü theppükei, hatü hashongpa jaangdaipü kü youngpükei jom shahyaki thephühen.

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

SHAKEI VAMPÜ 1:17

Mechem ngei büpa eepa, mahng kei ngei büpalei la tüngei doei shük. Shejao büpai ngei kü büpalei lakdah-i düktü, “Nüng tenyem; ngeiyü chongpangpü hatü dohpü;

SHAKEI VAMPÜ 1:11

“Nüngi mehe eenya, ha lai hük kü nyangtü attoi nyet, Ephesia, Smyrna, Pergamum, Thiatira, Sardis, Philadelphia hatü Laodikea touei shomtuh” shei eyei dan.

HEBREW 7:19

(mehenangkü shahkungnyüi meheyao changpüshapü neleihüang); hatü phihükei meipüba monglem hük vamteke, hapa homei jen Kahvang yopailei peinyüpeih.

HEBREW 1:13

Shejao mepa vangsho phongshanthü kü büpai, “Ngei nüngei vepathü nüngei la shoupshing mangleihü thahshi ngelei lakdah philei uotuh” shei epa?

PHONGSHANTHÜ DOU 2:36

Hanangkü Israel phang peüi ha lekei nyingtuh: Ammi shophang kü aptükpü hapa Jisu-ü Kahvangi Shembüpa hatü Messiah leihüpeih.

MARK 9:12

Büpai jomphong kü, “Hingmei Elijah shong peikahen, hatü büpai lemphü temhen. Shejema mekei etü Shennyak Ha longi shangponghen hatü nyonghühen shei lai kü nyangpa?

MENVIH KESHO 110:1

Shembüpai ngelei Shembüpa kü, “Ngei nüngei vepathü nüngei la phangei mangshouptük thahshi ngelei lakdah philei uotuh” shei e.

SHAKEI VAMPÜ 1:8

Üpa nyüpa, üpa nyutepa, hatü Jeiyongpa üpa peikahen nyu, büpai, “Ngeiyü Alpha hatü Omega” shei Shembüpa Kahvangi enyüke.

HEBREW 11:36

Lebüthüyü ne-ienelempü, üphahpü hatü nyiamvüi shatü khoklatei tuhhahpü pongteke.

HEBREW 10:33

Chemjemü nanglakthüi am kü ngaiheyei naamteke hatü shüveiteke; hatü lebü hepak kü hapakei aihük mü ponghahpüthü kü ammi sheühteke.

MARK 16:19

Shembüpa Jisui jom mü eteipheikü vangsholei anlang, hatü Kahvangei lakdah philei uo.

PHONGSHANTHÜ DOU 3:15

hatü ammi yangnyu Lingbü jütükpeih, shejao Kahvangi büpa yangei leishihpeih.

1 KORINT 1:18

Mehenangkü shophang jung shahjangmeiyü mah-ei nyupüthü shingvaishi ngashah, shejao jen yangei nyupüthü shingvaishi hapayü Kahvangei ngan nyüke.

1 KORINT 1:23

shejao hami Khrista shophang kü appü jung chongvenpeyü Jehoda am shing huluh yaong, hatü Kung am shing ngashah leidaiteke,

JAKOB 2:1

Ngelei jeihinaü hatü nyahinaüthü, ammi baong hanei noyaki hingmei ammi jenei müknyinshekhangpü Shembüpa Jisu Khrista kü hinglemnyu je?

BHEI-IE 21:9

Hanangkü Mosai melangnyiam yah-ei biü hük ling, hatü lüng kü hapa japtü haongteke. Mechem shennyak hanei kü biüi kaokhenshang, hapa melangnyiami lingpü biü kü veiteke, hatü meidaihamteke.

MARK 15:28

(“Büpayü shahkung mangpüthü mü chemi ie” shei Laihingi epü ha dhaümteke.)