HEBREW 11:7 - DAÜLANGPÜ LAIHING (BSI)

⁷ Hinglempai Noah-i ne-eejao peikahen vongshüh nang Kahvangi shahvüng shuohpü nangkü hapa shahvüng kü dhüm shuoh-ei jom shem yanghen jahas hük ling; ha homei büpai kahdoknyü nyonghü hatü hinglempai daülangshemshepülei mükjüp leiteke.

HEBREW 11:7 Referans Kwoze

KAHBHAO 6:13

Hanangkü Kahvangi Noah kü, “Ngei hapa hangkuthü mahtükkemhen hih; mehenangkü kahdoknyü kü hathü homei jüteishangteipai madaiteke. Ngei hingmei hangku hatü kahdoknyü nyiphen dohtükhen.

1 PETER 3:20

Hathüyü Noah-i jahas lingpü nyihthü kü Kahvangi nenteiaokei danpü hepak kü ven nedanpüthülei laanghathü nyüke; hapa kü maani mon– shennyak shet mon yung kübü yangteke.

EZEKIEL 14:14

halei Noah, Daniel hatü Job hathü paoh nyupü vailangmao jom hinglempai jom mon yanghen, shei Shembüpa Kahvangi enyüke.

ROM SHAHSHA APPÜ 4:13

Mehenangkü büpai kahdoknyü mükjüp danghen shei lahpeyü Abraham kü nevaijü büpalei hühihathü kü shahkung homei nepei, shejao hinglempü daülangshemshepü homei pei.

LUK SHAHSHA APPÜ 17:26

Noahlei nyihthü kü nyupü keiha, Shennyak Halei nyihthü kao nyukahen.

PHILIPPI 3:9

hatü shahkungnyü leipü peipü ngelei daülangshemshepü nevai, shejao Khrista kü hinglempü homei hinglempü kü laphentü vampü Kahvang leipü daülangshemshepü kü nyuei ngei büpa kü eehen.

GALATIA 5:5

Mehenangkü Laangha homei hinglempai jeni daülangshemshepü monglem omdanei nyunyeih.

EZEKIEL 14:20

Noah, Daniel hatü Job hathü halei nyupü paoh vailangmao, jom daülangshemshepai jom mon yangpü mü lenei jomei hapeüthüao neyangaokhen shei Shembüpa Kahvangi enyüke.

HEBREW 5:7

Kahdoknyülei Jisu yangnyu nyushi dipü kübü büpa yangaokhen Kahvang kü wong mü lenei mükphi yenei phopei yüteke, hatü büpai dhüm shuoh-ei yüpü homei büpa kü jangteke.

ROM SHAHSHA APPÜ 3:22

Hapayü vaipüthü peü kü Jisu Khrista kü hinglempü homei peipü daülangshemshepü nyüke. Mehenangkü baong hanpü neshiü;

ROM SHAHSHA APPÜ 1:17

Mehenangkü shahjang meipü kü Kahvang daülangshemshepü shakei vamteke; hapayü pangpü kübü dohpü ngoishi hinglempü homei daülangshemshepü; hapakei nyangei nyüke: “Daülangpüthü hinglempai mon nyuhen.”

MATHI 3:7

Shejao mechem büpai Pharisee hatü Sadduke am longi yung kü hünghen peijapü eepa, büpai jomphong kü, “Amphong biüei hapeüthü! Ngoikahen mongshih kübü nyaidaihen mü amphong kü üpai lihen shahvüng yahphopa?

KANDOK 27:12

Kenhingpüthüi vongshüh eeyei jodainyeih, shejao neliha hei-üng daiyei ponghahnyeih.

KAHBHAO 7:23

Kahdok shak kü yemmü nyupü hangkuli, yemhamakha, ouhiyüh peü thitei yaktük. Shejao büpa mü jahas mongei nyupüthü mon yangteke.

2 PETER 3:6

Hapa yungi hapa hepak kübü kahdoknyü bünghiyang longpai mahhüteke.

2 PETER 2:5

hatü Kahvang nenyingpü kahdoknyü kü bünghiyang yah-ei peishingkü daülangshemshepü shahjang kobü Noah mü jom nyet mon yangtü büpai aivang kahdoknyü dangkao yangei netuhjema;

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

HEBREW 11:1

Shaang hinglempeyü jeni monglempü douthü lekpü, ne-eepü douthü mongkü pongpü nyüke.

ROM SHAHSHA APPÜ 10:6

Shejao hinglempü leipü peipü daülangshemshepai enyüke, “Ammei mongei, ‘Vangsholei üpa aonghen?’ shei te-e” (lappai, Khrista müei yiükahen),

ROM SHAHSHA APPÜ 4:11

Büpa shao-üng mangjapi nyushi hinglempai dangpü daülangshemshepü füoshang vaishi japhen nyangeihepü dangpeih. Hapalei mükhongü üami nejapjapi hinglem, hatü üam kü daülangshemshepü shei ieyeilem, hathü peüei pa leihen,

MATHI 24:38

Mehenangkü hathü nyih kü Noah-i jahaslei mangshü thahshi bünghiyang lemshekü hah-ei yingei yiükyah lashomei nyuteke,

MATHI 24:25

Yeihshi ngei am kü ha etepih, nyingtuh.

KAHBHAO 19:14

Hanangkü Lot daiyei yiük phepüthü kü, “Shülangi hapa shing kübü lüdaishah; mehenangkü Shembüpai hapa chingnyü mahtükhenja” shei e. Shejao yiükhathülei bahathüi nyienei enyeih shei deih.

KAHBHAO 7:5

Shembüpai eshuohpü peü Noah-i dük.

KAHBHAO 6:9

Hathüyü Noahlei hühihathü: Noah-ü daülangshemshepü shennyak nyu, hatü büpa hepak kü hangku khongkü eela neshiüpü yangnyu, hatü büpa Kahvang mü kam.

ROM SHAHSHA APPÜ 9:30

Shejema jeni mehe ehen? Kung am üami daülangshemshepü yemei nedai, hathüi hinglempai daülangshemshepü dangteke;

KANDOK 22:3

Kenhingpü shennyaki vongshüh eenyüpeih, hatü joshing yemnyüpeih, shejao ngapa hüki hei-üng daiyei vongshüh pongnyeih.

MATHI 24:15

Hanangkü Daniel thibüi epü keiha mechem amphongi daülangpü shingei nyembenüng jiühitnalai yaongshi eehenshang (iepüthüi ha nyinghahtuh),

KAHBHAO 8:16

“Nüng, anyüha, hapeüthü hatü hathülei nyühathü peü jahas mongeipü vamkei.

KAHBHAO 6:22

Kahvangi epükei Noah-i lemphü dük.

EZEKIEL 33:5

Mehenangkü büpai amit ngeü danpheikü nehakapü nangkü mahjema, büpalei iy büpalei shangjing kü kohen. Büpai paoh shahvüng kü hakalangmeyü büpa yangdaihah shepeih.

MATHI 2:12

Hatü Kahvangi mangh mü Herod ongpa touei nyokei neleihen shahvüng shuohtükpü nangkü jom lebü lemei jomei kahdok yemei leidai.

HEBREW 8:5

Jomi daülangpü shingei khümnyüke, hayü vangsholei nyupü dükhiling lajei nyuh-ei düknyüke. Hanangkü Mosai ashakshem vehen nyushingkü hapakei shahvüng shuohteke, “Kahshangei nüng kü hupü düklem kei linghen kentuh.”

HEBREW 12:25

Nüng kü shah epüba kü nebangi nenyuhen kentuh. Kahdoknyülei jom kü shahvüng shuohpübalei shah nebangpai jom neyangjema, vangsho leipü jen kü shahvüng shuohpüba toueipü yanei lüdaijema, jen meshük maanpü leihenang?

2 ONGPATHÜ 4:5

Hanangkü pinnyüi büpa tuhphongtü shemongei shütü pinnyü hatü cheha nyi-i sha küp. Cheha nyi-i dükthü deijashingkü pinnyüi mainga shih khan shihteke.

JOB SHAHSHA APPÜ 35:8

Nüngei mangi nüng keipüthü kü sheünyüke, hatü nüng daülangshemshepai mih nanglei dangnyüke.