HEBREW 11:4 - DAÜLANGPÜ LAIHING (BSI)

⁴ Hinglempai Abeli Kain mao nyeinya Kahvangi yahbenüng moila shuoh. Hapa homei büpayü daülangpü shennyak shei yah, hatü Kahvangi büpalei moila kü mong hah; büpa didai shejao büpai hinglempü homei shaangao shah enyüke.

HEBREW 11:4 Referans Kwoze

HEBREW 12:24

hatü vangpüshuwpü ja kü lembü Jisu, hatü Abelei iy mao meipüba shah epü Jisulei iy yenpü touei peiteke.

KAHBHAO 4:10

Shembüpai, “Nüngi mehe dükpa? Bangtuh! Anaüei iy kahdok leipü ngei thahshi lenei aongnyüke.

JUD SHAHSHA APPÜ 1:11

Hathüyü Onyükei! Mehenangkü jomi Kainei lem kü kamnyüke; nanglei shingvaishi Balaami pungpü lem kü dainyüke, hatü Korah-i khüei yaongpü mang kü mahnyüke.

MATHI 23:35

shejüang kahdok shak kü daülangpüthülei iy yenpü am shak kü nyuhen; Abel kübü heihdaipü phopshem hi moidü nyi aa kü ammi jüpü Barakhiahlei cheha Zekhariahlei iy thahshi nyuhen.

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

HEBREW 9:22

Hingmei shahkungnyü phangkü iy yah-ei lemphüli daühüteke, hatü iy nehaipheikü mang tükpü neshiü.

KAHBHAO 4:15

Hahepak kü Shembüpai büpa kü, “Hapakei nevai, üpai nüng jühenshang shing nyetpa nyeishi bhüh yemhen” shei e. Hanangkü üpai Kain ponghenshang nejühen shingvaishi Shembüpai Kain kü nyangeihepü hük shüngteke.

KAHBHAO 4:8

Shaang Kaini chenaü Abel kü, “Ji kahlei shashah” shei e. Mechem jiji kahlei shaei nyupa, Kaini chenaü Abel jütük.

HEBREW 12:1

Hanangkü jen shinei denbüthü khong longpü nyupü nangkü jen kü lem bangpü lemphü hatü jen kü yeppü mang peü yaktükshah, hatü jen sheshalei mokhen nyupü lemshong kü mong shuoh-ei mokshah.

LUK SHAHSHA APPÜ 11:51

Abelei iy kübü moidü hi Daülangpü Shing nyi aa kü jüpü Zekhariah thahshi. Hih, ngei am kü enyeih, hapa denhivan kü ha yühen.

KANDOK 21:27

Nemeipü ami moila shuohpeyü jiühitbenüng; ten kohshi koei peijü meshük nemeipü vaihen!

1 ONGPATHÜ 18:38

Hahepak kü SHEMBÜPAleipü aw yiüei hapa moila, pü, yaong hatü kahdokao omei hah, hatü kahsha leipü yung dangkao laiyeilungei hahtük.

LEVI 9:24

Shembüpa nyushing leipü aw vamei jakpü moila hatü moidü leipü cheü hahtük. Mechem nanglakthüi hapa eepa, jom peü mongongpai len, hatü dhe dhaongei shateke.

KAHBHAO 4:25

Shao Adami chenyüha mü jem, hatü pinnyüi yeshang hük büh hatü naü kü Seth shei men; mehenangkü pinnyüi “Kaini Abel jütükpü nangkü ha nangjei Kahvangi ngei kü shao lebü hapeü hük yahphopeih” shei e.

TITUS 1:16

Jomi Kahvang nyingnyeih shei enyüke, shejao jomei doui büpa yaktüknyüke. Jomphongü jiühitbenüng, ven nedanpü hatü doumei shingvaishi mounghibhang kü nejiüpüthü nyüke.

HEBREW 5:1

Hangku khong kübü jepü ngongchongü jomei men kü Kahvang mü shenteipü douthü dükhen, thinthothü shuohhen, hatü mangthü shing jakpü moila shuohhen nangkü jenyüpeih.

HEBREW 11:2

Jenei bühipathüi hinglempü nangkü Kahvangi mong hahpeih.

2 PETER 2:8

(mehenangkü hapa daülangpü shennyak nyihjeih jom mü nyu, hatü büpai eepü hatü danpü shahkung nebangpü jomei douthü homei büpalei daülangpü laangha hanghiyei nyu,)

JOB SHAHSHA APPÜ 8:10

Jomi nüng kü nenyuhphahen hatü ne-ephahen je? Jomi nüng kü jomi danaokpü leipü shah ne-ephahen je?