HEBREW 11:3 - DAÜLANGPÜ LAIHING (BSI)

³ Kahdoknyü-ü Kahvangei shah-i lingpeih shei hinglempai jeni nyingnyüke. Hanangkü mehe jeni ee, hayü ne-eepü douthü kübü lingteke.

HEBREW 11:3 Referans Kwoze

MENVIH KESHO 33:6

Shembüpalei shah-i vangshothü lingpeih, hatü büpai ngü heepai lithathü peü lingpeih.

2 PETER 3:5

Hepak longi daiteke, Kahvangei shah-i vangshothü vamhüpeih, hatü kahdoknyü-ü yung kübü vamhüpeih hatü yung homei vamhüpeih shei epü shahhing jomi nyingshangi yaktüknyüke.

JOHAN 1:3

Douthü peü büpa homei vam; lingei nyupü douthü peü büpa ne-omi hükao neling.

ROM SHAHSHA APPÜ 4:17

Ha nyangei nyüke: “Ngei nüngü jat longilei pa leihütepih.” Büpai hinglempü Kahvang touei büpayü jenei pa– ha Kahvangi didaipüthü kü yangnyuyem shuohnyeih, hatü nenyupü douthü vamei nyuhen büpai nyüknyeih.

PHONGSHANTHÜ DOU 17:24

Kahvangi kahdoknyü hatü halei nyupü lemphü lingpeih; büpayü vangsho hatü kahdoknyü Shembüpa; büpai hangkulei laki lingpü khümshingei nenyunyih,

SHAKEI VAMPÜ 4:11

“Nüngü müknyinshekhang, dhüm hatü wong yahhen shangpüba, hamei Shembüpa hatü Kahvang; mehenangkü nüngi dou peü ling, hatü nüngi mongpü nangkü hathü nyuteke hatü lingteke.”

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.

JEREMIAH 10:11

Nüngi hathü kü hapakei etuh: Kahvangthü mepai kahdok hatü vangshothü neling, lomi hapa kahdok hatü vangsho phang kübü mahdaihen.

KAHBHAO 1:1

Chongpangpülei Kahvangi vangshothü hatü kahdoknyü ling.

ISAIAH 40:26

Vangsho philei ngangei veituh: Üpai hathü lingpa? Büpai lithathü hük hük ieyei kü men menei nyüke. Büpalei ngan hatü wong longpü homei hathü hükao nemahtüki nyüke.

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

JEREMIAH 10:16

Jakob Kahvangü hathü kei nevai; mehenangkü büpayü lemphü Lingbü; büpalei mükjüp jat Israel amao omei Shembüpa Kahvangü büpalei men.

MENVIH KESHO 33:9

Büpai shah e, hatü kahdoknyü vampeih; büpai ngeükhüam shuoh, hatü peü vampeih.

1 KORINT 2:7

Shejao hami joshi hatü jaoshi nyupü Kahvangei kihikon jung enyeih, hatü hapayü denshemthü pangshekü Kahvangi jenei müknyinshekhang shingvaishi jetükpeih.

1 TIMOTI 4:5

mehenangkü hayü Kahvangei shah-i hatü phoppai daütükteke.

HEBREW 6:5

Kahvangei shah meipü kü hatü ngoikahen denhivan nganthü kü jepei veitü,