HEBREW 11:16 - DAÜLANGPÜ LAIHING (BSI)

¹⁶ Shejao jomi meipü kahmük ongyang, lappai, vangsho amei kahmük. Hanangkü Kahvangü jomei Kahvang shei nyükhen kü veüei nedeih; mehenangkü büpai jom shing chingnyü hük temshuohteke.

HEBREW 11:16 Referans Kwoze

HEBREW 13:14

Mehenangkü hatouei den den kü nyuhen jenei chingnyü neshiü, shejao jenü peikahen nyupü chingnyü veinyüpeih.

HEBREW 11:10

Mehenangkü büpai Kahvangi lingtükpü hatü vetükpü chongnyiam nyupü chingnyü kü ongyangei veiteke.

PHILIPPI 3:20

Shejao jenei bühü heanü vangsholei nyüke, hatü jeni haleipü Yemleibüpa hük, Shembüpa Jisu Khristai omdannyüke.

JOHAN 14:2

Opalei shemei nyushing longi nyüke. Hei nevailangmeyü ngei amphong kü ephahen vaipeih. Ngei am shing nyushing hük temnüng dainyeih.

HEBREW 2:11

Mehenangkü daühüpüba hatü daütükpüthü peüei Pa hük nyüke. Ha tata kü Jisui jomphong peü kü jeihinaü hatü nyahinaüthü shei nyükhen neveünyu.

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

HEBREW 12:22

Shejao amphongü Zion Kahshang, vangsho amei Jerusalem, vanyangyem Kahvangei chingnyülei peiteke. Amphongü vangsho phongshan haja haja mongongei thaipü touei,

HEBREW 11:14

mehenangkü nanglak üami hapakei enya, jomi laophülei lompü kahmük yemnyeih shei lekei hunyüke.

2 TIMOTI 4:18

Mangi shüveidoideipü peü kübü Shembüpai ngei yangphahen, hatü ngei yangei büpalei vangsho ongchingei ngei mülanghen. Büpa kü müknyinshekhang den den kü nyute. Amen.

MÜLANGPÜ 3:6

“Ngeiyü ammei bühipa Kahvang, Abraham Kahvang, Isak Kahvang, hatü Jakob Kahvang hih” shei Kahvangi e, hatü Mosai büpalei dhe jolang; mehenangkü büpai Kahvang kü veihen nyemteke.

MARK 8:38

Hanei ami hapa mükbongjuyung hatü mang shennyakthü den kü ngelei men hatü ngelei shah kü vin nedejema, Shennyak Ha Palei müknyinshekhang kü daülangpü vangsho phongshanthü mü yiüshingkü jom shingvaishi vin nedehen” shei e.

MÜLANGPÜ 3:15

Kahvangi Mosa kü, “Nüngi Israel am kü hapakei etuh, Shembüpa, ammei Kahvang, Abraham Kahvang, Isak Kahvang, Jakob Kahvangi am touei ngei shompü khih shei eyeishuoh” shei eteke. Hapayü denden shing ngelei men; hüdenhalenshi ngei deih-ei danghen men nyüke.

PHONGSHANTHÜ DOU 7:32

“Ngeiyü ambü ampalei Kahvang, Isak hatü Jakob Kahvang.” Hanangkü Mosa kheühen chongpang hatü ha kü neveiaok.

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

KAHBHAO 28:13

Hatoumü Shembüpai büpa touei yaongtü, “Ngeiyü Shembüpa, ambü Abrahamei Kahvang, hatü Isak Kahvang; nüng lempü kahdokü ngei nüng hatü nüngei lihilathü kü shuohhen;

MARK 12:26

Dipü kübü yangei leihen nangkeyü Mosai nyangpü lai kü phenni kü aw bahpü büshah ne-ieangpü je? Kahvangi büpa kü, ‘Ngeiyü Abraham Kahvang, Isak Kahvang, hatü Jakob Kahvang.’

JEREMIAH 31:1

“Hahepak kü ngeiyü Israel phangthü peüei Kahvang vaihen, hatü jomphongü ngelei nanglak vaihen shei Shembüpai enyüke.”

MÜLANGPÜ 4:5

“Shembüpa, jomei bühipa Kahvang, Abraham Kahvang, Isak Kahvang hatü Jakob Kahvangi nüng touei shakei vamei hupü khih shei Israel ami nyinghen shingvaishi nüngi hapa düktuh” shei Shembüpai eteke.

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

LUK SHAHSHA APPÜ 20:37

Aw bahpü pünien kübü büshah homei Mosai dipü kübü yangei leinyeih shei denpü shuohnyüke; mehenangkü büpai Shembüpa kü, ‘Abraham Kahvang, Isak Kahvang, Jakob Kahvang’ shei enyüke.

HEBREW 10:34

Ammi khoklatei nyupüthü kü bampü hu, hatü ammei douhinang aetlangjao mongongshi nyupeih; mehenangkü meipüba hatü den den mop nyüpeih shei am nyingi nyingteke.

HEBREW 11:40

Kahvangi jen shing lemhük meipüba temei nyüke. Hathü nanglakü jen mü chemi mon changpüshapü leihüteke.

SHAKEI VAMPÜ 21:2

Hatü ngei Daülangpü Chingnyü ja Jerusalem vangsho leipü vamei yiükjingla hük laophülei baha mü ponghen ow tempükei temtüktü Kahvang leipü yiüküpü ee,