HEBREW 11:10 - DAÜLANGPÜ LAIHING (BSI)

¹⁰ Mehenangkü büpai Kahvangi lingtükpü hatü vetükpü chongnyiam nyupü chingnyü kü ongyangei veiteke.

HEBREW 11:10 Referans Kwoze

HEBREW 13:14

Mehenangkü hatouei den den kü nyuhen jenei chingnyü neshiü, shejao jenü peikahen nyupü chingnyü veinyüpeih.

PHILIPPI 3:20

Shejao jenei bühü heanü vangsholei nyüke, hatü jeni haleipü Yemleibüpa hük, Shembüpa Jisu Khristai omdannyüke.

HEBREW 12:22

Shejao amphongü Zion Kahshang, vangsho amei Jerusalem, vanyangyem Kahvangei chingnyülei peiteke. Amphongü vangsho phongshan haja haja mongongei thaipü touei,

2 KORINT 5:1

Jen nyupü kahdoknyü leipü ashakshem tendaijema, laki nevepü Kahvang leipü shem hük vangsholei den kü nyüpeih shei jeni nyingei nyüke.

HEBREW 3:4

Mehenangkü shem peü hanei ami venyeih, shejao lemphü lingpeyü Kahvang hih.

JOHAN 14:2

Opalei shemei nyushing longi nyüke. Hei nevailangmeyü ngei amphong kü ephahen vaipeih. Ngei am shing nyushing hük temnüng dainyeih.

SHAKEI VAMPÜ 21:2

Hatü ngei Daülangpü Chingnyü ja Jerusalem vangsho leipü vamei yiükjingla hük laophülei baha mü ponghen ow tempükei temtüktü Kahvang leipü yiüküpü ee,

HEBREW 12:28

Hanangkü jenphongü nejenbenüng ongching hük dangnyu vütei-i jeni menvih shuohshah, hatü dhüm shuoh-ei nyempai yah-aokbenüng mü Kahvang kü khümshah;

ISAIAH 14:32

Philistia leipü peiküpü phongmokbü kü jeni mehe jangei eshuohhen? “Shembüpai Zion chonglingteke, hatü pinnyü kü büpalei taopa shennyakthüi loishing danghen.”

HEBREW 11:16

Shejao jomi meipü kahmük ongyang, lappai, vangsho amei kahmük. Hanangkü Kahvangü jomei Kahvang shei nyükhen kü veüei nedeih; mehenangkü büpai jom shing chingnyü hük temshuohteke.