HAGGAI 2:9 - DAÜLANGPÜ LAIHING (BSI)

⁹ Shembüpai, “Phopshem chang meyü ja-üng meipüba nyuhen, hatü hapa shing kü ngei nanglakthü kü dapüshepü, chingmeivangmei shuohhen” shei enyüke.

HAGGAI 2:9 Referans Kwoze

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

JOHAN 14:27

Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

LUK SHAHSHA APPÜ 2:14

“Shaopüba vangsho leipü Kahvang müknyinshekhangtuh, hatü kahdoknyü kü büpalei phahji nyupü shennyakthü touei chingmei nyutuh.”

JAKOB 2:1

Ngelei jeihinaü hatü nyahinaüthü, ammi baong hanei noyaki hingmei ammi jenei müknyinshekhangpü Shembüpa Jisu Khrista kü hinglemnyu je?

PHONGSHANTHÜ DOU 10:36

Büpai Israel nanglakthü touei Jisu Khrista homei chingmei chongvenei shompü shahjangmei ammi nyingei nyüke– büpayü peüei Shembüpa.

MIKA 5:5

hatü büpayü jomei chingmei vaihen. Mechem Assyria am jenei kahdokei peiyei jenei penyüsha benei shükahenshang, jeni jom khüei hokhen wong kohpü jenei mübüthü shomhen.

ISAIAH 60:7

Kedar amei mithü am touei thaikahen, Nabaioth amei mi chehathüi am chongphohen; Hathü peü ngelei moidülei moila keiha yahhen, hatü ngelei Phopshem nyeinya müknyinshekhangshi linghen.

ISAIAH 66:12

Shembüpai hapakei enyüke: “Ngei yungnyüyen keiha pinnyü kü chingmeivangmei shuohhen, hatü jatthülei mop yungnyübüng keiha shuohhen; Nyüi hapeü kü jungpü keiha amü pinnyülei lak, hatü shüngkung shangkü paümshi junghen.

HAGGAI 1:8

Kahshangthülei aongtuh, hatü taukta leiyei shem vetuh; shejüang ngei ha kü mongmeihen, hatü ngei kü müknyinshekhang shuohhen shei Shembüpai enyüke.

HAGGAI 2:3

“Amphong khongkü hapa shem shongpü müknyinshekhang kü eepü üpa hatouei nyüpa? Shaang ammi mekei eenyüke? Shaang amphongi ha mekei veihahnya?

ZEKHARIAH 2:5

Ngeiyü hapa shonei aw pe nyuhen, hatü ngei hapa mongkü hapalei müknyinshekhang vaihen” shei Jeiyong Shembüpai enyüke.

EZEKIEL 43:5

laanghai ngei noei antü mongeipü chingdung touei shü, hatü phopshemü Shembüpalei müknyinshekhangi mateke.