HAGGAI 2:7 - DAÜLANGPÜ LAIHING (BSI)

⁷ Jatthülei mophimo peü peihen shingvaishi ngei jatthü peü jenhühen, hatü ngei hapa shem müknyinshekhangi mahühen shei Jeiyong Shembüpai enyüke.

HAGGAI 2:7 Referans Kwoze

MALAKI 3:1

Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.

1 ONGPATHÜ 8:11

hatü phum thihdaipü nangkü ngongpathüi meheyao chongphopü dou nedükaok; mehenangkü Shembüpalei müknyinshekhangi Phopshem madaiteke.

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

LUK SHAHSHA APPÜ 2:46

Nyih jem pheikü jomi büpa Jerusalemei nyuhbüthü mü uoshi jomphongi epü bangei hatü shah pheteiyei nyu,

LUK SHAHSHA APPÜ 2:27

Laanghai müei Simeon phopshemei pei, hatü mechem nyühipai shahkung kübü vanglem aimü büpa kü dükhen yah-ei nyujapa,

EZEKIEL 21:27

Mangtükhen! mangtükhen! ngei hapa chingnyü mangtükhen! Shejao hapa chingnyü hanghihühen nangkü ngei jepü shennyak mangpei thahshi ha nevamhen. Hapa pheikü mon ngei büpa kü hapa shuohhen.”

ISAIAH 60:7

Kedar amei mithü am touei thaikahen, Nabaioth amei mi chehathüi am chongphohen; Hathü peü ngelei moidülei moila keiha yahhen, hatü ngelei Phopshem nyeinya müknyinshekhangshi linghen.

KAHBHAO 22:18

hatü nüngei lihilathü homei kahdoknyü jatthü peü moihiman danghen; mehenangkü nüngi ngelei shah bangteke” shei e.

GALATIA 3:8

Kung amao hinglempai Kahvangi dahshakhühen shei Laihingi yeihshi eeyei sheleiüng hapa shahjangmei Abraham kü, “Kung am peü nüng homei moihimanhen” shei baongei eteke.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

LUK SHAHSHA APPÜ 21:38

hatü shennyak peüi büpai phopshemei nyuhpü banghen dhomi lomi paohamteke.

LUK SHAHSHA APPÜ 19:47

Nyihjeih büpai phopshemei nyuh-ei nyu. Ngongpathü, shahkung nyuhbüthü, nanglak mübüthü peüi büpa jühen lem yemei nyu;

MENVIH KESHO 80:1

Hami epü banglangshih, Oh Israel Mi Yombü, mi khong keiha Joseph müpüba! Cherubim ong uoshing kü uopü nüngi;

2 SHÜPPÜKENGPÜ 5:14

hatü phumi jümlangpü nangkü ngongpathüi dou nedükaok; mehenangkü Shembüpalei müknyinshekhangi phopshem madaiteke.

LUK SHAHSHA APPÜ 20:1

Nyih hük büpa phopshemei nanglakthü kü nyuh-ei shahjang meipü chongvenei nyushingkü ngongpathü hatü shahkung nyuhbüthü, hatü behethü peiyei,

KAHBHAO 3:15

Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

KOLOSI 2:9

Mehenangkü büpa kü Kahvang nyingnyoi peü lomei nyüke,

MENVIH KESHO 85:9

Hingmei büpa kü nyempüthü shingvaishi büpalei yemleipü yopailei nyüke, shejüang büpalei müknyinshekhang jenei kahdokei nyuhen.

ISAIAH 2:19

Shembüpai kahdoknyü jenhühen yaongpü nyih, büpa kü nyemei hatü büpalei müknyinshekhang kü necha-aoki, shennyakthüi nyaiyei yaongsha hatü kahsha yemei daihen.

ISAIAH 60:4

Mük vamei am shinei veituh; jom peü thaitü am touei peikünyüke; Ammei yeshangthü tailu kahdok leipü peikünyüke, hatü ammei yiükhathü jomei lakei paümshi leikünyüke.

EZEKIEL 31:16

Sheolei shüpüthü mü ngei mechem hapa halei müei shüpa, hapa dopü ngeü kü jatthü peü nyemei kheühüpeih. Hahepak kü Eden leipü püthü, hatü Lebanon leipü peü mü meipü püthü, yung changshi shuohtükpü püthü peü kahmongei shüshingkü hapa dopü kü mongmeihen.

EZEKIEL 38:19

Hapa nyih kü ngei mongshihpai Israel kahdok kü pedi vükpü longpü hük nyukahen;

EZEKIEL 44:4

Hapheikü büpai ngei apshaphi peshaden homei phopshem chingshe philei deiteke, hatü ngei veishingkü Shembüpalei müknyinshekhangi phopshem maei nyu, hatü ngei dhe aümei sha.

HAGGAI 1:8

Kahshangthülei aongtuh, hatü taukta leiyei shem vetuh; shejüang ngei ha kü mongmeihen, hatü ngei kü müknyinshekhang shuohhen shei Shembüpai enyüke.

1 ONGPATHÜ 8:10

Mechem ngongpathüi Daülangpü Shing leipü vamdaipa, phumi Shembüpalei Phopshem mateke,