HAGGAI 1:9 - DAÜLANGPÜ LAIHING (BSI)

⁹ Ammi longi danghen ongyangnyüke. Ammi mehe shemei yah-ei leipa, ha ngei ngü-i dutükpeih. Mehekei ngei ha düknya? Mehenangkü amphong laophülei shemdou dükei nang nekoh-i nyu-aa kü ngelei shem pheni lupdaitü nyüke.

HAGGAI 1:9 Referans Kwoze

HAGGAI 1:4

“Ngelei nanglakthü, Shembüpalei shem phenhai lupdaitü tuhphongtü amphong jintükpü shem kü nyuhen hepak je?”

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

MALAKI 2:2

Ammi ha nebangjema, hatü ngelei men müknyinshekhanghen ammei mong kü nelejema, ngei am kü thaüvaü shomhen, hatü ammei moihimanthü thaüvaütükhen. Hih, ammei mongkü ngelei men müknyinshekhanghen nelepü nangkü ngei hathü peü thaüvaütüktepih shei Shembüpa Kahvangi enyüke.

HAGGAI 1:6

Ammi longi sheiteke, shejao maani mon vetteke. Ammi hahnyüke, shejao nemohnyu. Ammi yingnyüke, shejao yungle nemeinyu. Ammi ashakviha ümnyüke, shejao mechemao shaamluki nenyunyu. Ammi latpü lop khoungwu kü hühen shingvaishi latnyüke.”

ISAIAH 40:7

Phenhavunglak kaudainyüpeih, hatü chübongalethü laaidainyüpeih; mehenangkü Shembüpalei ngüi hathü kü dunyüpeih; Hingmei hangkuliyü phenhavunglak khih.

SHAKEI VAMPÜ 2:4

Shejao ngei am khüei ha nyüpeih; am kü shongei nyupü bampü yaktükteke.

JOB SHAHSHA APPÜ 10:2

Ngei Kahvang kü ngei tenyonghü; nüngi mehekei ngei khüei dokteinya shei eshuohhen.

2 ONGPATHÜ 19:7

Ahpühupü ngeü danhen mü ngei büpa kü laangha hük shuohhen, hatü büpa laophülei kahdokei nyokei leihen, hatü ngei büpa laophülei kahdokei yani mahhühen” shei e.

2 SAMUEL 22:16

Shembüpai lohpü nangkü büpalei shongsha leipü ngü laopai, yungching ilangmongao shakei vam, kahdoknyü chongnyiam shingao kong leihü.

2 SAMUEL 21:1

David vanglem lempü hepak kü nedoh-i bong jem thahshi münghishaü nyuteke, hatü Davidi Shembüpa kü ha nang phe. Shembüpai, “Saul hatü jomei shemong kü iy yenpü mang nyüke; mehenangkü büpai Gibeon am jütükpeih” shei e.

KANDOK 27:20

Dipü hatü mahpü am nyupü yimching mechemao nemanyih; hapakei shennyakei müki mükmong nemanyih.

CHONGVENBÜ 1:8

Jui ehen neaoki lemphüli nyiueinanghen mon khih. Eepai mechemao mükmong nema, nevaijü danpü dhaongi mechemao dhaongmong nema.

EZEKIEL 21:31

Ngelei mongshih ngei nüng kü khüphen, hatü ngelei mongshih awlom nüng kü bahhühen. Mahtükhen longi manpü amei lak kü ngei am laneishuohtükhen.

LEVI 19:25

Shejao vangbong ngapabü kü ammi hapa betjük hahhen. Hapa keiha ammei betjük vungjük nyeinya jükhen. Ngeiyü Shembüpa, ammei Kahvang.

SHAHKÜP 28:38

Ammi kah kü sheili longi sheihen shejao maani mon vethen; mehenangkü shouki hahtükhen.

KANDOK 11:24

Shennyak hanei-i nekaungi shuohnyüke, shejao anyei-ang angnyeih; Hanei-i büpai shuohhen jiüpü shümlangnyeih, shejao nechangneshapai maei nyunyeih.

ISAIAH 5:10

Nyalingngupai kahmoi an kü nyalingngupai jiü dok shet mon bhithen, hatü shelivang dok kho hük mü büali sheijü, hapa kü dok anpüshet mon vethen.

JEREMIAH 12:13

Jomi hah sheiteke, shejao hüh vetteke; jom nyingi nyiueinangteke, shejao meheyao nanglei nedang. Shembüpai mongshihpü nangkü jom hahvetpeyü veüshi nyuhen.