HAGGAI 1:8 - DAÜLANGPÜ LAIHING (BSI)

⁸ Kahshangthülei aongtuh, hatü taukta leiyei shem vetuh; shejüang ngei ha kü mongmeihen, hatü ngei kü müknyinshekhang shuohhen shei Shembüpai enyüke.

HAGGAI 1:8 Referans Kwoze

EZRA 3:7

Persia ongpa Cyrus-i shahkung shuohpükei jomi yaong shangpüthü hatü pü mistrithü kü lop shuoh, hatü Sidon hi Tyre ami Lebanon kübü Joppa thahshi cedar pü yung kü bhongei shanhen nangkü hahying hatü mainga shuoh.

2 SHÜPPÜKENGPÜ 7:16

Mehenangkü düngei ngei kü khümhen shingvaishi ngei hapa shing jetepih hatü daütüktih; ngelei mükhimong hepak peü kü halei nyuhen.

HAGGAI 2:7

Jatthülei mophimo peü peihen shingvaishi ngei jatthü peü jenhühen, hatü ngei hapa shem müknyinshekhangi mahühen shei Jeiyong Shembüpai enyüke.

1 ONGPATHÜ 9:3

Shembüpai büpa kü, “Nüngi ngei kü phoppü hatü phepü ngei dantepih; düngei ngelei men kü khümhen shingvaishi nüngi vepü Phopshem ngei daütüktepih. Ngelei mükhimong düngei halei nyuhen.

MÜLANGPÜ 29:43

Halei ngei am mü pongteihen, hatü ngelei müknyinshekhangi hapa shing daülangi leihühen.

HAGGAI 2:9

Shembüpai, “Phopshem chang meyü ja-üng meipüba nyuhen, hatü hapa shing kü ngei nanglakthü kü dapüshepü, chingmeivangmei shuohhen” shei enyüke.

ISAIAH 66:11

Naü hüki laophülei nyühaüm kü choipükei, amphong hüshemei mongonghen; Pinnyü kübü moihiman aüh-ei yenpai am moh-ei yinghen.

ISAIAH 60:13

Lebanon müknyinshekhang am touei peikahen, haleipü awkaongpü, juniper hatü cypress püthü yah-ei ngelei Phopshem nethe meishi linghen, hatü ngelei chingmei bah-ei meihen shingvaishi hapa koei leikahen.

ISAIAH 60:7

Kedar amei mithü am touei thaikahen, Nabaioth amei mi chehathüi am chongphohen; Hathü peü ngelei moidülei moila keiha yahhen, hatü ngelei Phopshem nyeinya müknyinshekhangshi linghen.

EZRA 6:4

hapalei bham kü yaong laap jem dok kü taukta laap hük shih-ei lingtuh. Hapa kü lop kemei ongpalei mop tuhpü leipü tüktuh.

1 ONGPATHÜ 6:1

Israel am Ijip kahdok leipü vamei daipü vangbong kho ali mü büalipabü kü Solomoni Israel kü ong vaipü bong ali mü lenyang nyipabü Ziv len kü büpai Shembüpalei Phopshem vehen chongpang.

HAGGAI 1:7

Jeiyong Shembüpai ha enyüke: “Ammei lemthü meishi deih-ei dangtuh.

1 SHÜPPÜKENGPÜ 22:19

Shaang, ammei mongdang, laangha kempai Shembüpa, ammei Kahvang yemtuh. Ammi Shembüpalei Vangpüshuwpü Pela koei leihen hatü Shembüpalei men kü vehen phopshemei Kahvangei daülangpü douhinangthü leiyei tuhhen shingvaishi daülangpü shem vehen chongpangtuh” shei e.