HAGGAI 1:6 - DAÜLANGPÜ LAIHING (BSI)

⁶ Ammi longi sheiteke, shejao maani mon vetteke. Ammi hahnyüke, shejao nemohnyu. Ammi yingnyüke, shejao yungle nemeinyu. Ammi ashakviha ümnyüke, shejao mechemao shaamluki nenyunyu. Ammi latpü lop khoungwu kü hühen shingvaishi latnyüke.”

HAGGAI 1:6 Referans Kwoze

HAGGAI 1:9

Ammi longi danghen ongyangnyüke. Ammi mehe shemei yah-ei leipa, ha ngei ngü-i dutükpeih. Mehekei ngei ha düknya? Mehenangkü amphong laophülei shemdou dükei nang nekoh-i nyu-aa kü ngelei shem pheni lupdaitü nyüke.

HOSEA 4:10

Jomi hahhen, shejao nemohhen; jom mükbongjuyunghen shejao nedaneshehen;

HAGGAI 2:16

Mechem hanei-i hahdam kho nyi vethen monglemei nyupa, hahtam kho hük mon vethamteke. Ammi yiüdük kübü yiüshong kho hük bhithen shei deihteke, pinyi mon nyuhamteke.

HOSEA 8:7

Jomi vanglüki keiha ten hainyüke, hatü jomi alüngleple kei ten vetnyüke. Kohpü hah kü betjük nejükhen, hapai hahying nevamhen; Hapa kü jük jüklangmao kung ami lühtükhen.

MALAKI 2:2

Ammi ha nebangjema, hatü ngelei men müknyinshekhanghen ammei mong kü nelejema, ngei am kü thaüvaü shomhen, hatü ammei moihimanthü thaüvaütükhen. Hih, ammei mongkü ngelei men müknyinshekhanghen nelepü nangkü ngei hathü peü thaüvaütüktepih shei Shembüpa Kahvangi enyüke.

ISAIAH 5:10

Nyalingngupai kahmoi an kü nyalingngupai jiü dok shet mon bhithen, hatü shelivang dok kho hük mü büali sheijü, hapa kü dok anpüshet mon vethen.

ZEKHARIAH 8:10

Hapa hepak shekeyü shennyak hatü yemhimak yemhahleying shing neshiüi nyuhampeih. Vepa kü nyempü nangkü üpayao meishi lathahlatying longteihen neaoki nyupeih; mehenangkü ngei hüki hük khüteihen mü leihüpeih.

ZEKHARIAH 5:4

Jeiyong Shembüpai enyüke, “Ngei hapa thaüvaü shomhen hatü hapa gühpalei shemei hatü ngelei men kü shahshem denbülei shemei shühen. Hapa jomei shemei shüei taukta hatü yaongthü peü mangtükhen.”

JEREMIAH 44:18

Shejao hamei Vangsho Onglanyü kü ayingshü jakpü hatü yiü moila shuohpü dohhinüng ham meheyao neshiü, yan hatü münghishaü homei mahkemnyüke.”

JEREMIAH 14:4

Vang nekeipü nangkü kahdok vanei bhaodai; kahling am mongshangpai shokuh kuhlangteke.

MENVIH KESHO 107:34

Shennyakthü nemeipü nangkü büpai betjük jükpü kahdok hüm kohpü kahdok leitüknyeih.

JOB SHAHSHA APPÜ 20:28

Kahvang mongshihpü nyih büngi büpalei bükhishem, hatü douhinangthü bhongei shanlanghen.

JOB SHAHSHA APPÜ 20:22

Changeishaei angpü hepak kü shanghah peihen; Taopü nangkü wong kempü büpa kü peihen.

1 ONGPATHÜ 17:12

Shejao pinnyüi, “Shembüpa, nüngei Kahvangei men kü enyeih, lingtükpü aan sheiyü neshiüpih; dük hükei atta aan lakpaoh hük mon, hatü shong hükei mainga maani mon nyüpeih. Hapeü henjinyi-i hapa aan lingei hahtü didaihen shei deihshi aan linghen pü yahnyüpeih” shei e.

2 SAMUEL 21:1

David vanglem lempü hepak kü nedoh-i bong jem thahshi münghishaü nyuteke, hatü Davidi Shembüpa kü ha nang phe. Shembüpai, “Saul hatü jomei shemong kü iy yenpü mang nyüke; mehenangkü büpai Gibeon am jütükpeih” shei e.

LEVI 26:26

Mechem ngei ammei mophimo lem dohtükhen, nyüha ani jomei lakei nyupü hahying dük hük kü cheühen, hatü jomi hapa demei hanei shuohhen, hatü ammi hapa hahjao, shao-üng am aeipü nemeihen.

LEVI 26:20

Nanglei neshiüpü kü ammei wong tükhen; ammei kahdoki sheili nekohhühen, nevaijü kahdok kübü püthüi betjük nejükhühen.

NEHEMIAH 5:2

Hanei ami, “Hapeüthü omtü ham longi nyüpeih, ham yemmü nyuhen nangkü hahhen hahying danghen vongbong” shei e.

JEREMIAH 12:13

Jomi hah sheiteke, shejao hüh vetteke; jom nyingi nyiueinangteke, shejao meheyao nanglei nedang. Shembüpai mongshihpü nangkü jom hahvetpeyü veüshi nyuhen.

HAGGAI 1:5

Shaang Jeiyong Shembüpai ha enyüke: “Ammei lemthü meishi deih-ei dangtuh.

HAGGAI 1:7

Jeiyong Shembüpai ha enyüke: “Ammei lemthü meishi deih-ei dangtuh.

HAGGAI 1:10

Hanangkü vangsho-i nyien shümlang, hatü kahdoki sheili nevamhüpeih.

HAGGAI 2:17

Ngei ammi sheipülipü peü vanglük shami hatü shüyaongi mangtükpeih, shejoong am mong neleppeih.

SHAHKÜP 28:17

Shembüpai ammei mühdow hatü aan ngümpü shung kü thaüvaüphahen.

KANDOK 11:24

Shennyak hanei-i nekaungi shuohnyüke, shejao anyei-ang angnyeih; Hanei-i büpai shuohhen jiüpü shümlangnyeih, shejao nechangneshapai maei nyunyeih.