HAGGAI 1:1 - DAÜLANGPÜ LAIHING (BSI)

¹ Darius ongpai Persia kü vanglem lempü bong nyi mü lenyang vokpabü shongpü nyih kü Haggai thibü homei Shieltielei cheha Zerubbabel, Judah amei governor, hatü Jehozadakei cheha Joshua ngongchong touei Shembüpalei shah hapakei pei:

HAGGAI 1:1 Referans Kwoze

EZRA 2:2

Jomei mübüthüyü Zerubbabel, Joshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum hatü Baanah nyuteke. Hapayü Israel phangthü wüpküp leipü leipü phang ieyeilei bhei-ie nyangpü nyüke:

EZRA 3:8

Jomphong Jerusalem leipü Kahvangei shem ngoiphei kü vangbong nyi mü lenyang nyipabü kü Shealtielei cheha Zerubbabel, Jozadakei cheha Jeshua hatü büpalei lebü jeihinaüthü, ngongpathü hatü Levi am hatü wüpküp leipü Jerusalemei leipüthü peü dou chongpang. Jomi vangbong kukha hatü ha dok kübü Levi am Shembüpalei shem vepü dou kü veihen jeteke.

EZRA 3:2

Hahepak kü Jozadakei cheha Jeshua hatü büpa mü jempü ngongpathü hatü Shealtielei cheha Zerubbabel hatü büpa mü jempüthüi Kahvang shennyak Mosa Shahkung kü nyangei nyupükei jakpü moila shuohhen Israel Kahvangei moidü vehen chongpang.

HAGGAI 2:10

Darius ong vaipü bong nyi, lenyang shü mü nyih hapüalipabü kü Shembüpalei shah Haggai thibü touei peiyei e:

HAGGAI 1:12

Hahepak kü Shieltielei cheha Zerubbabel, Jehozadakei cheha Joshua ngongchong, hatü Babylon leipü leipü nanglakthü peü Shembüpa, jomei Kahvangei ngeü hatü Haggai thibülei shahjang ven bang; mehenangkü Shembüpa, jomei Kahvangi büpa shom, hatü nanglakthüi Shembüpa kü nyemteke.

NEHEMIAH 7:7

Jomphongü Zerubbabel, Jeshua, Nehemiah, Azariah, Raamiah, Nahamani, Mordekai, Bilshan, Mispereth, Bigvai, Nehum hatü Baanah. Israel shennyakthü bheiie:

HAGGAI 1:14

Hanangkü Shembüpai Judah amei governor, Shieltielei cheha Zerubbabel, Jehozadakei cheha Joshua ngongchong, hatü aopü nanglak peüei laangha monghumhüteke. Jom thaiyei Shembüpa, jomei Kahvangei shem,

EZRA 6:14

Hanangkü Jehoda am behethüi Haggai thibü hatü Iddolei cheha Zekhariah thibü nyi-i teteivanei epü homei shem vepü dousho daei dai. Jomi Israel Kahvangi epükei hatü Persia am Cyrus, Darius hatü Artaxerxes ongthüi shuohpü shahkung keiha phopshem veyei tem.

HAGGAI 2:20

Hapa len nyih hapüalipabü kü Shembüpalei shah Haggai touei nyipabü peiteke:

HAGGAI 2:4

Shejao shaang wong kohtuh, Oh Zerubbabel, monglongtuh Jehozadakei cheha Joshua ngongchong; kahmük kü nyupü nanglakthü peü monglongtuh” shei Shembüpai enyüke. “Dou düktuh;

NEHEMIAH 12:10

Jeshuayü Joiakimei chepa, Joiakimü Eliashibei chepa, Eliashibü Joiadalei chepa,

NEHEMIAH 12:1

Hathüyü Shealtielei cheha Zerubbabel hatü Jeshua nyi mü wüpküp leipü leipü ngongpa hatü Levi am nyüke. Ngongpathü: Seraiah, Jeremiah, Ezra,

NEHEMIAH 8:9

Hapheikü Nehemiah governor, ngongpa hatü nyangbü Ezra, Levi am shahkung nyuhpüthüi nanglakthü kü, “Shinnyih-ü Shembüpa, ammei Kahvang touei daülangpü nyih; am tethep” shei e. Mehenangkü nanglakthüi shahkungi mehe enya, ha danei longi thepei nyu.

NEHEMIAH 5:14

Nyeinya vaishi Artaxerxes ongpai vanglem lempü bong kukhapabü kü Judah kahdokei ngei kü jomei governor vaihen jepü hepak kübü büpai vanglem lempü bong hapüanpünyipabü thahshi– bong anpünyi kü ngei nevaijü ngelei jeihinaüthü üpaiyao governor kü shuohpü hahying nehah.

EZRA 4:24

Hapa keiha Persia kü Darius ongpai vanglem lempü vangbong nyipabü thahshi Jerusalemei Kahvangei phopshem vepü dousho nekami yaongdai.

EZRA 4:2

jomi Zerubbabel hatü phangthü kü shangjingthü touei peiyei, “Ha shem vehen hamiyao sheühphüshah; mehenangkü hamao am kei-üng ammei Kahvang yemnyüpeih, hatü Assyria am Esarhaddon ongpai ham hatouei leihinüng büpa kü moila shuohhampeih” shei e.

EZRA 2:63

Ngongpai Urim hatü Thummim noshi chongmangpho thahshi daülangpü hahying nehahhen governor-i jom kü ngeükhüam shuoh.

EZRA 1:8

Persia ongpa Cyrus-i Mithredath ongpalei mop kü khei vaipü shennyak homei hathü yah-ei ngai, hatü büpai hathü Judah ong Sheshbazzar kü heshap vaiyei shuoh.

1 SHÜPPÜKENGPÜ 3:19

Pedaiahlei hapeüthü: Zerubbabel hatü Shimei. Zerubbabelei hapeüthü: Meshallum hatü Hananiah. Shelomith-ü jijilei naüpeü (nyüha) nyuteke.

1 SHÜPPÜKENGPÜ 3:17

Hathüyü Jehoiakinei hühihathü Babylon ami wüpküpei müei daipüthü: cheha Shealtiel,

2 ONGPATHÜ 14:25

Gath Hepher leipü thibü, Amittailei cheha Jonah, büpalei chongphobü homei Shembüpa, Israel Kahvangi epü keiha büpai Israel amei kahdok Lebo-Hamath kübü Arabah Yungching thahshi aetei lei.

1 ONGPATHÜ 14:18

Shembüpalei shah büpalei chongphobü Ahijah thibü homei epü keiha Israel am kemei büpa kü mahng thep, hatü büpa mahng vü.

LUK SHAHSHA APPÜ 3:27

Jodayü Joananei ha, Joananü Rhesalei ha, Rhesayü Zerubbabelei ha, Zerubbabelü Shealtielei ha, Shealtielü Nerilei ha,

MÜLANGPÜ 4:13

Shejao Mosai, “Oh Shembüpa, chingmeilemlingei hanei am jeiyei shomtuh” shei e.

1 ONGPATHÜ 10:15

hatü hapayü bhei leihpüthüi, Arabia am ongthüi hatü kahmük kübü governorthüi shuohpü neomi shiüteke.

EZRA 5:1

Shaang Haggai thibü hatü Iddolei cheha Zekhariah thibü nyi-i Israel Kahvangei men kü Judah hatü Jerusalem kü nyupü Jehoda am kü teteivanei e.

EZRA 5:3

Hahepak kü Euphrates heshüphi kübü governor Tattenai hatü Shethar-Bozenai hatü jiji mü sheühteipüthü Jerusalemei peiyei, “Üpai amphong kü hapa phopshem veyei leihen hatü linghen shahkung yahphopa?” shei phe.

EZRA 10:18

Ngongli kübü hathüi kungyiük yahteke: Jozadakei cheha Jeshua hatü jeihinaülei phang kü: Maaseiah, Eliezer, Jarib hatü Gedaliah.

HAGGAI 1:2

Shembüpai Haggai kü eteke, “Hathü nanglaki ‘Shembüpalei shem vehen shao-üng hepak mangngoipih’ shei enyüke.”

HAGGAI 1:3

Hahepak kü Shembüpalei shah Haggai thibü homei eteke,

HAGGAI 2:21

Judah amei governor Zerubbabel kü, “Ngei vangsho hatü kahdok jenhühen,

MALAKI 1:8

Mechem ammi mükphüngdaipü yemhimak moila shuohhenshang, hayü nejiüpü nevaipü je? Mechem ammi la khodaipü nevaijü tüngpü yemhimakthü moila shuohhenshang, hayü nejiüpü nevaipü je? Governor hük kü hapa keipü thintho yahshuohjü büpai am kü bampü dou dükphahen je? shei Shembüpa Kahvangi enyüke.

HAGGAI 1:15

Darius ong vaipü bong nyi mü lenyang vok nyih hapüalipabü kü dou dükei chongpang.

ZEKHARIAH 1:1

Darius ong vaipü bong nyi mü lenyang shetpabü kü Shembüpalei shah Iddolei cheha Berekhiah, Berekhiahlei cheha, Zekhariah thibü touei peiyei eteke:

ZEKHARIAH 3:1

Hahepak kü büpai Shembüpalei phongshan touei Joshua ngongchong yaongshi ee, hatü büpa nyonghühen shingvaishi büpalei lakdah philei Kahshih yaongshi huphüteke.