HABAKKUK 2:9 - DAÜLANGPÜ LAIHING (BSI)

⁹ “Nyemhihan vongshüh kübü yanghen shingvaishi shahhing ne-epü mopi bükhishem jaan mü jaan mü vepüthü onyükei.”

HABAKKUK 2:9 Referans Kwoze

JEREMIAH 49:16

Ami yahhüpü dehilao homei, hatü ammei mongdangei changmeipai am luhahteke, amphong yaongvak kü nyupü, hatü shangching shaopülei nyupüthü. Ammi alang keiha shangei jephijaan lingjao, haleipao ngei am shüei vühen shei Shembüpai enyüke.

JUD SHAHSHA APPÜ 1:11

Hathüyü Onyükei! Mehenangkü jomi Kainei lem kü kamnyüke; nanglei shingvaishi Balaami pungpü lem kü dainyüke, hatü Korah-i khüei yaongpü mang kü mahnyüke.

OBADIAH 1:4

Ammi alang kei shangei piyei aongjao, hatü lithathü chi kü jephijaan lingjao, ngei haleipao am shüei vühen shei Jeiyong Shembüpai enyüke.”

ISAIAH 28:15

“Hami dipü mü vangpüshuwpü lingtepih, mahngchong mü shah shettepih shei changmeinyüke. Shanghah vongshüh dhaümshing kü ham neponghahpih; mehenangkü shahshemü hamei loishing, hatü peileipeyü ham joshing shei deihnyüke.”

MENVIH KESHO 52:7

“Kahvang kü neloipü shennyak, shejao mop kü monglempü, hatü hapa kü loipü shennyak kü veituh!” shei ehen.

MENVIH KESHO 49:11

Jomi kahdok kü jomei men menhahjao den shing jomei mahngchongü jomei shem, hatü hayü den peü kü jomei nyushing.

ISAIAH 5:8

Mih nyushing neshiüi kahdok kü laophü mon nyuhen shingvaishi shem kü shem khaaiyei vepüthü, kah kü kah dheanei shakpüthü onyükei!

JEREMIAH 51:13

Yungnyü yungha longi nyupü, hatü mop longi angpü kahmük; Am kü dohpütenpü hatü am mahhen hepak ngoiteke.

EZEKIEL 22:27

Jomei lakchongbüthüyü shahhing ne-epü mop danghen shingvaishi shuwi yemhimak jüei shaakpükei nyüke, iy yenhüei jünyüke.

JEREMIAH 17:11

Shahhing ne-epü mop dangpeyü ouha hük laophüi nedipü ati sheipükei nyüke. Büpalei yangnyu tavanshem kü hathü mop mahdaihen, hatü shompülei büpayü ngapa khih shei nyinghen.

JEREMIAH 22:23

Oh Lebanonlei nyupüthü, cedar püyingei jep lingtü nyupüthü, Mechem tüngpüyapü peihenshang, am meshük thephen? nyüha hük hapeü bühshingkü tüngpükei tüngkahen.

JEREMIAH 51:53

Babylon ami vangsho thahshi aongjao, hatü halei penyüsha lingjao ngei pinnyü khüei ha bentükhen shennyak shomhen shei Shembüpai enyüke.