HABAKKUK 2:3 - DAÜLANGPÜ LAIHING (BSI)

³ Mehenangkü ittükpü hepak shingvaishi shao-üng manghkhang hük nyüke; Hapayü dohpütenpü nang enyüke; hatü ha shahshem nevai. Hapayü pheidaijoong dantuh, hapa hingmei jiüshasha, nepheidaipih.

HABAKKUK 2:3 Referans Kwoze

MENVIH KESHO 27:14

Shembüpa omdantuh, wong kohtuh, monglongtuh, Shembüpa omdantuh.

EZEKIEL 12:25

Shejao ngei, Shembüpai mehe ehünya, ha ehen hatü ha nephei-i dhaümkahen. Mehenangkü ammei nyih kü-üng, Oh dokteikhaungkheipü jatli, ngei mehe enya, ha jiühühen, shei Jeiyong Shembüpai enyüke.

MENVIH KESHO 102:13

Nüng yaonghen hatü Zion kü phahji huhen, mehenangkü hapayü ha kü bamhen hepak hük; ittükpü hepak ngoiteke.

DANIEL 10:14

Dohpü nyih kü ammei nanglakthü kü mehe vamkahen ha nüng kü nih-ei ephahen ngei peiküpeih. Hapa manghkhangü ngoikahen nang epü khih.”

MIKA 7:7

Shejao ngei payü, Shembüpa kü monglemei nyuhen, Ngei yemleipü ngelei Kahvang omdanei nyuhen. Ngelei Kahvangi ngei phoppü kü jangphahen.

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

PHONGSHANTHÜ DOU 1:7

Büpai jomphong kü e, “Opai laophülei wonghingani temei tuhlangpü hepak nevaijü nyih nyinghen hayü am shingvaishi napü neshiü.

DANIEL 8:19

ephüteke, “Kahvang mongshihpü nyihhihe kü pheilei mehe vamkahen ngei nüng kü ephüshah; mehenangkü hapa manghkhangü ittükpü dohpütenpü hepak nang epü nyüke.

GALATIA 4:2

shejao pa-i tetpü nyih mangngoi thahshi yombü hatü jungbüthü phangkü nyunyeih.

LUK SHAHSHA APPÜ 2:25

Shaang Jerusalemei shennyak hük meni Simeon shei mentü nyu; hapa shennyakü daülangpü hatü Kahvang nyempü shennyak, Israel am nyiushem meihühen omdanei nyu, hatü büpa kü Laangha Daülangpü bak.

DANIEL 11:35

Jomphong daühühen hatü kawhikang neshiüi henghen shingvaishi kon kohpüthü hanei huluh shuohhen. Dohpü hepak, Kahvangi itpü hepak mangngoi thahshi ha nedoh-i nyukahen.

PHONGSHANTHÜ DOU 17:26

Bü hük kübü büpai jatthü peü kahdoknyü kempülei nyuhen lingpeih, hatü büpai jom nyuhen hepak hatü jom nyuhen shing kü viong lingei hanpeih.

DANIEL 8:17

Hahepak kü Gabriel, ngei touei peiyei yaongküteke, hatü ngei nyempai kahdokei doei sha. Shejao büpai ngei kü, “Oh dipü mahpü hangkuli, hapa lappü nyingtuh. Hapa manghkhangü kahdoknyü dohpütenpü jung epü khih” shei e.

MÜLANGPÜ 12:41

Vangbong 430 dohpü nyih Shembüpalei nanglakthü peü Ijip tuhphongtü dai.

2 PETER 2:3

Jom hahnempai jomei lupülempü shahthüi am leipü thüei jom nanglei danghen. Jom khüei shahphenhen shelei mebü temei nyüke, hatü jom mahtükhühen Hük shishi nenyu.

DANIEL 11:27

Hahepak kü ongpa nyi nükdü hük kü hahhen chemi uohen, shejao jomi hüki hük khüei ten temhen, shejao jomi napeyü aokpü nedanghen; mehenangkü ha shing ittükpü hepak shao-üng mangngoi.

2 ONGPATHÜ 6:33

Büpai hapa jom mü etei-i nyushi ongpa büpa touei peiyei, “Hapa shanghah-ü Shembüpa leipü peipeih! Hajük thahshi mehekei ngei Shembüpa kü monglemei danhenang?” shei e.

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

JEREMIAH 27:7

Büpalei kahdok dohen hepak mangngoi thahshi jatthü peüi büpa, hatü büpalei cheha hatü chehü chongphohühen; hapheikü mon jom jati wong kohpü jatthü hatü longpü ongthü chongphohühen.

2 PETER 3:9

Shembüpai lahtükpü nangkü hanei ami deihpükei kaaei nenyu, shejao üpayao nemahtükhüei, shejao peü mong lepei leihahhüpü nangkü am mü nenteiaokei danei nyüke.

ISAIAH 8:17

Jakob am shem kübü dhe jolangpü Shembüpa kü ngei omdanhen hih; ngei büpa kü hinglemhen hih.

ZEPHANIAH 3:8

Shembüpai enyüke, ngei om dantuh; mehenangkü ha nyih ngei denpü hük vaishi yaongkahen. Mehenangkü jom kü ngelei mongshih, hatü ngelei monglep khüpshuohnüng jatlithü hatü ongchingthü thaihühen ngei temtüktih. Kahdoknyü kemei ngei mongshihpü awi shamtükhen.

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

ISAIAH 7:4

Büpa kü, ‘Lishi nyutuh, nenmü nenyemi nyutuh. Rezin ongpa hi Aram am hatü Remaliahlei cheha Pekah nyi mongshihpeyü awjung shodaipü kübü awshit keipü mon hih– meheyao vongshüh neshiüpih, hapa nangkü shei nüng mongtemaan.

EZEKIEL 30:9

Hapa nyih, Kush am jomei wong kü monglempü nangkü jom nyemhühen shingvaishi jahas kü uotü ngelei phongmokbüthü shomhen. Ijip am vongshüh pongpü nyih mongshih-i jom kü shonghen, mehenangkü hayü hingmei vamshasha.