HABAKKUK 1:9 - DAÜLANGPÜ LAIHING (BSI)

⁹ Jom peü dhe dhe khangei hokhen peinyüke, hatü jomi yungching bhihhiphang kei shennyak yepei küpnyüke.

HABAKKUK 1:9 Referans Kwoze

ROM SHAHSHA APPÜ 9:27

Israel am nangkü Isaiah-i hapakei lennyüke: “Israel nanglak yungching bhihhiphang kei nyujao aopüthü mon yanglanghen.

HABAKKUK 1:6

Mehenangkü veituh, ngei ahshi-üng mangpü hatü iysham kohpü jat, Babylon am vamhühen; Jomi kahdoknyü bahiyang peülei daiyei mih-ei kahdok kaamlanghen.

HOSEA 13:15

Büpa jeihinaüthü khongkü longi dalangmao ngei bhih kahdok kübü heong vanglük shomhen, hatü jomei yunglok ütükhen; hatü yungkuk jeptükhen. Büpalei hahpuong hatü thushong douvang peü aetlanghen.

HOSEA 1:10

Israel amü ienüng neaok, shethen neaoki yungching bhihhiphang kei daei leihen. “Amphong ngelei nanglak nevai” shei jom kü epü nangjei, “Amphongü vanyangyem Kahvangei hapeüthü” shei nyükhen.

EZEKIEL 19:12

Shejao mongshih-ei hapa bhiyei kahdokei yaktükpeih. Heong vanglüki hapa kü jentü betjük kemei kaongtük; hapalei pükaothü kaudai hatü awi hahtük.

EZEKIEL 17:10

Hapa bhiyei shing chaiyei sheijao ha shao koh-aokhen je? Hapa kohpü heong vanglüki lükjü ha chemjalak kü nekaudaihen je?

JEREMIAH 34:22

Ngei ngeükhüam shuohhen, hatü ngei hathü hapa chingnyülei müei leihen shei Shembüpai enyüke. Jomi ha khüei hokhen, kaamei yahhen hatü awi haptükhen. Üpaiyao nenyuaokhen mü ngei Judah jilathü lavüngtoiyei tuhphonghen.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

JEREMIAH 15:8

Yungching bhihhiphang mao nyeishi ngei vaümnyü longi vamhühen. Heshotapa kü ngei thehilathülei nyüthü khüei jühen am müei peihen. Ngangahük kü ngei jom kü shanghah hatü nyemhihan koei peihen.

JEREMIAH 4:11

Hahepak kü hapa nanglak hatü Jerusalem am kü hapakei ehen: Bhih kahdok shangchingthü leipü nyahpüshampü vanglük ngelei nanglakthü lemei lükteke; hapayü hahbhang shaptükhen nangkü nevai;

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

ISAIAH 27:8

Shembüpai laophülei nanglakthü wüpküpei deishihpai hanghihüteke. Büpai jom mangpü heongphi leipü yinglükleisho touei changei deishih.

MENVIH KESHO 139:18

Ngei hathü itnüng khenyeih, hayü kübhih mao nyeishi; mechem ngei paohen, ngei shaang thahshi nüng mü nyüpeih.

JOB SHAHSHA APPÜ 29:18

Ngei den lushi nyuei shemei dihen shei deihteke.

SHAHPHENBÜTHÜ 7:12

Midian am, Amalek am hatü heongphi kübü jat shennyakthü shoukthü kei kahjilei yaüshi hatü jomei utthüyü yungching bhihhiphang kei eeteke.

KAHBHAO 41:49

Joseph-i yungching bhihhiphang keiha hahying longi thaiyei tuh; ithen neaoki longi vaipü nangkü büpai nyangao nenyangi dohdai.

2 ONGPATHÜ 12:17

Hahepak kü Aram am Hazael ongpai Gath chingnyü hah, hatü omei yah. Shejao mechem büpai Jerusalemao hahhen yaongpa,

DANIEL 11:17

Hahepak kü büpalei ongching wong kempai mekei vehok neühen shei küpjan tempai Ijip mü büpai chingmei linghen. Hapa ongching mahtükhen shingvaishi büpai laophülei yiükha doi deishihhen, shejao hapai shei büpa kü nanglei neshiühen hatü aokpü nedanghen.

HABAKKUK 1:17

Shejema büpai shang kongei tuhhen hiang? hatü phahji neshiüi jatthü jühen hiang?