HABAKKUK 1:8 - DAÜLANGPÜ LAIHING (BSI)

⁸ Jomei koyeithüyü shahnyü mao shangshi moknyüke, het aeipü shuw mao mangpüba nyüke. Jomei koyei veshanthü tailu kahdok leipü peinyüke, jomü alang hahying kü laongpükei laongnyüke.

HABAKKUK 1:8 Referans Kwoze

JEREMIAH 4:13

Veituh! Büpa phum kei peikünyüke, büpalei koyei khari alüngleple kei; büpalei koyeithü alang mao shülangpüba peikünyüke– onyükei, jenü mahdainyu khih!

ZEPHANIAH 3:3

Pinnyülei lakchongbüthüyü ngüngpü mailangthü khih; pinnyülei shahphenbüthüyü phu-ao neao-i hahteipü shuwthü khih.

HOSEA 8:1

Shembüpai enyüke, “Amit vüngtuh! Alang kei vepathü Shembüpalei phopshemei laongkünyüke; Mehenangkü ngelei nanglakthüi vangteipü mangtük, hatü ngelei shahkung khüei yaongteke.”

EZEKIEL 17:3

Shembüpai hapakei enyüke shei etuh: Alang longpü hük yang longi wong kohshi, mum luangi hatü owlem longi kohshi Lebanon lemei piyei heihteke. Büpai cedar pümoung kü düktü,

JEREMIAH 5:6

Hanangkü phaü leipü mailangi jom jütükhen; bhih kahdok leipü shuwi jom hahtükhen. Shahnyü hük jomei chingnyü khüei danei nyüke; üam haleipü laoei daijahen khih mü shaaktükhen; mehenangkü jomei mang longi, hatü ven nedanpü ahshi longshi nyüke.

SHAHKÜP 28:49

Shembüpai am khüei tailu leipü shah nenyingteipü jat hük alang laongpükei shomphahen.

LUK SHAHSHA APPÜ 17:37

Hahepak kü jomi büpa kü, “Melei, Shembüpa?” shei phe. Büpai jomphong kü, “Melei mahng nyu, halei langdathü thaiyei nyuhen” shei e.

MATHI 24:28

Melei mahng nyu, halei langdathü thaiyei nyunyeih.

EZEKIEL 17:12

khüei yaongpü mükhiphang kü, “Hathü mehe lappa, amphongi nenyingnyu je?” shei etuh shei ephüteke. Babylon ongpa Jerusalemei peiyei haleipü ong hatü lakchongbüthü yah-ei büpa mü Babylonei leidaiteke shei hathü kü etuh.

YOUNG LAI 4:19

Ham kü changpüthüyü alang mao shangpüba; jomi ham kü kahshangeiyao changnyüke, hatü yingmongei ham kü tapei uoshi nyüke.

JOB SHAHSHA APPÜ 9:26

Yungnyü hangshah bhongpükei, alangi hahying eeyei laongpükei nyihthü peihdainyüke.

ISAIAH 11:14

Jiji yoteitü heshü philei Philistia am kü laongei shükhen; jiji chemi heongphi leipü shennyakthülei mophimo aetlanghen. Jijinyi-i Edom hatü Moab am kü lak shihhen, hatü Ammon ami jijilei shah banghen.

JEREMIAH 48:40

Shembüpai hapakei enyüke: Veituh, ngei alang kei laongei shahen, hatü Moab am khüei ngelei yang paanhen.

JEREMIAH 50:42

Jomphongü pülah hatü phung notü, jomü phahji neshiü longi mangshi nyüke. Jom koyei kü uopeyü yungching yungmok ngeü keiha nyüke; Jomü am hahhen shingvaishi thepju kü peikünyüke, Oh Babylon nela.

EZEKIEL 26:11

Büpalei koyei dhaoki nüngei chingyangshong peü shouptükhen. Büpai nüngei nanglakthü yani mahhühen, hatü nüngei wong kohpü shemnyüthü kahdokei laamtükhen.

NAHUM 2:5

Büpai lakchongbüthü kü nyüknyüke, jom daishingkü huluh shuohnyüke, jomphong penyüsha touei moknyüke, haleiyao inyüshung shaongshi nyüke.