HABAKKUK 1:6 - DAÜLANGPÜ LAIHING (BSI)

⁶ Mehenangkü veituh, ngei ahshi-üng mangpü hatü iysham kohpü jat, Babylon am vamhühen; Jomi kahdoknyü bahiyang peülei daiyei mih-ei kahdok kaamlanghen.

HABAKKUK 1:6 Referans Kwoze

2 ONGPATHÜ 24:2

Shembüpai büpa khüei Babylon am, Aram am, Moab am, Ammon am shom. Shembüpalei shah büpalei chongphopü thibüthüi epü keiha Judah am hahhen büpai hathü jatthü shom.

JEREMIAH 5:15

Ngei am touei tailu leipü jat hük müei leikahen, Oh Israel am phang shei Shembüpai enyüke. Hapayü aivang mebü nyupü jat hük; ammi jomei shah nedan nevaijü jomi mehe enya ha ami nedanaokhen.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

ISAIAH 23:13

Babylon amei kahdok kü veihümao, hapayü Assyria ami nevai, Babylon ami Tyre kahdokü phaüyemthü nyuishing leitükpeih; jomi ching shümtü shangdüthü lingpeih, jomi penyüshathü bentüktü chingnyüyü chingkong leitükpeih.

JEREMIAH 21:4

“Zedekiah kü Shembüpai hapakei enyüke shei etuh: Bham haolei am kü shümei nyupü Babylon ong hatü büpalei nanglakthü khüei ammi noshi nyupü vehok phunglang kemei am khüei ngei leitükhen, hatü ngei hathü chingnyü mongei thaihühen.

JEREMIAH 4:8

Hanangkü dhoila ashak ümtü, “Shembüpa mangshi mongshihpü jen toueipü nelüdaiang” shei theptuh hatü youngtuh.

JEREMIAH 4:6

Zion lemei dailem hueishuoh, nepheidai-i yanglem yemei nyaidaituh, mehenangkü ngei apshaphi leipü shanghah, hatü benpülangpü koei peikünyeih.

2 SHÜPPÜKENGPÜ 36:17

Hanangkü büpai jom khüei Babylon ongpa vamhü, hatü büpai jomei daülangpü shemei thehila yani mahhü; hatü büpai nephahji-i thehila, viüdaipüthü nevaijü nekam neyaongaokpüthü peü büpalei lak kü shuoh.

2 SHÜPPÜKENGPÜ 36:6

Babylon ongpa Nebukadnezzari Judah hahtü büpa yepei nyiamvüi shatü Babylonei deilang.

JEREMIAH 4:11

Hahepak kü hapa nanglak hatü Jerusalem am kü hapakei ehen: Bhih kahdok shangchingthü leipü nyahpüshampü vanglük ngelei nanglakthü lemei lükteke; hapayü hahbhang shaptükhen nangkü nevai;

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

JEREMIAH 13:20

Ngangei veituh, hatü apshaphi leipü peiküpüthü kü veituh. Nüng kü shuohpü nethe meipü mithü melei daipa?

JEREMIAH 21:7

Hapheikü ngei Judah ong Zedekiah, büpalei lakchongbüthü hatü hapa chingnyü cham, yan hatü münghishaü kübü yangpüthü peü Babylon ongpa Nebukadnezzar hatü jom jühen yempü vepathü kü shuohtükhen. Büpai jom yani mahhühen; büpai jom kü phahji nevaijü yahyang shinshang meheyao nehuhen.”

EZEKIEL 16:40

Jomi am khüei khong hanei müei peiyei am kü yaongi shükhen hatü jomei yani am khih mü dehtükhen.

EZEKIEL 21:31

Ngelei mongshih ngei nüng kü khüphen, hatü ngelei mongshih awlom nüng kü bahhühen. Mahtükhen longi manpü amei lak kü ngei am laneishuohtükhen.

EZEKIEL 28:7

Jatthü khongkü peü mü vemang jat ngei am khüei yah-ei leikahen. Ammei dhemeilaüma hatü kihikon khüei jomei yan nohen, hatü ammei themeilaüma jomi mangtükhen.

EZEKIEL 31:12

Jatthü khongkü peüi nyempü kung ami jom agtü tuhphongpeih. Hapalei kaonyüthü kahji kahshang peü kü vüei yaüteke; hapalei kaohilakthü peü shohinga peü kü bhagei yaüteke, hatü kahdoknyü kübü shennyakthü peü hapalei dhüm kübü nyaidaitü tuhphongpeih.

2 ONGPATHÜ 24:1

Jehoiakim Judah kü ong vaipü hepak kü Babylon am Nebukadnezzar ongpa peiyei Judah hah, hatü bong jem thahshi büpa phangkü angteke. Hapheikü büpa mong yeiyaei Nebukadnezzar khüei yaong.

JEREMIAH 30:5

Shembüpai hapakei enyüke: “Hami chingmeivangmei nevai, nyempühanpü ngeü dannyüke.

JOEL 2:3

Awi kei jomi pühivung hahtüknyüke; Jom pheilei awlom bahnyüke, jomei shesha philei kahdokü Eden pe kei nyüke; Jomei ngaümpheilei kahdokü kongmü meheyao ne-aoi hahtükteke.