HABAKKUK 1:3 - DAÜLANGPÜ LAIHING (BSI)

³ Mehekei nüngi douten dükpü kü, hatü hanghi kü ngei veihünya? Benpülangpü hatü iy-aongmasha ngei shonei nyüke; dehilao hatü neshetnephen vamei nyüke.

HABAKKUK 1:3 Referans Kwoze

JEREMIAH 20:8

Mechem ngei shah ehen “Dehilao!” “Jüteishangtei!” shei mon ehen mü vamnyüke. Hanangkü helushoei Shembüpalei shah-i ngei kü yaüpülungpü, hatü naamshah mon koei peikünyüke.

CHONGVENBÜ 5:8

Kahmük hük kü taopathü hanghipü, hatü jom kü shahhing hatü jiüpü nedükshuoh-i eejü nüngi hapa kü tethama; mehenangkü lakchongbü hük kü büpa dok kübü lakchongbü hüki veinyüke, hatü jijiphen dok kü shao-üng lebü lakchongbü longpüthü nyüke.

2 PETER 2:8

(mehenangkü hapa daülangpü shennyak nyihjeih jom mü nyu, hatü büpai eepü hatü danpü shahkung nebangpü jomei douthü homei büpalei daülangpü laangha hanghiyei nyu,)

MATHI 10:16

Veituh, ngei amphongü shuw chi kü mi keiha shomnyeih; hanangkü biü keiha nahshi nyutuh, hatü athuba keiha lapja-i nyutuh.

EZEKIEL 2:6

hatü nüng, Oh shennyak ha, nüngi jom kü tenyem, hatü jomei shah kü tehan. Hühchi hangchi kü hatü yiüjikaungkangthü mü nyulangmao, nüngi jomi epü shahthü kü tenyem hatü jomi nyem shaopü kü tehan; mehenangkü jomphongü khüei yaongpü jatli.

CHONGVENBÜ 4:1

Hapheikü shao ngei veishuoh shingkü vanghenyü phangkü shüveiteipü lemphü ngei eeteke. Ngei shüveihahpüthülei mükphi eetepih, hatü jomphong nyiumeihühen üpayao neshiü;

JEREMIAH 15:10

Onyükei! Mehekei onyüi ngei hapa kahdoknyü kü büh-ei tuhphongpa? Kahdok kü nyupüthü peü mü dehen, shah dakteihen mü vamteke. Ngei mih kü lop nelushuoh, nevaijü ngei luhahpüyao neshiüpih, shejao peüi ngei kü thaüvaünyüke.

JEREMIAH 20:18

Shanghah hatü mongmang mon eeyei ngelei nyihthü peihhühen mü mehekei ngei onyülei vom mongeipü vampa?

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

ISAIAH 46:12

Ngei epü bangtuh, am mongdang vaanpüthü, am daülangshemshepü kübü taishi yandaipüthü.