HABAKKUK 1:16 - DAÜLANGPÜ LAIHING (BSI)

¹⁶ Hanangkü büpai büpalei shang kü jakpü moila shuohnyüke, hatü büpalei shuwha kü ayingshü jakei khümnyüke; mehenangkü hathü homei jomei shünyü latei nyunyüke, hatü hetmei dangnyüke.

HABAKKUK 1:16 Referans Kwoze

HABAKKUK 1:11

Jomü vanglüki kei maoei lüdainyüke, jom mang thahnyüke, hatü nejiüi leinyüke; jomei wongü jomei kahvang leitüknyüke.

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

DANIEL 4:30

büpai ehahteke, “Veituh, ngei müknyinshekhanghen shingvaishi ngelei wongi lingpü nyangnyangtoptoppü ong chingnyü meshük longpüang?”

EZEKIEL 28:3

Nüngü Daniel mao nahpeih shei deihnyu je? Nüng touei mehe doujo-ao joshi nenyuaokhen je?

SHAHKÜP 8:17

Am nyingi, “Hamei wongi ham shemmei leipeih” shei ehen aok.

EZEKIEL 29:3

“Shembüpa Kahvangi hapakei enyüke” shei büpa kü etuh: “Ngei nüng khüei nyüpeih, Ijip ongpa Pharaoh, yungyenei lemshi nyupü Dragon nüngi, Nile yungyenü ngelei; ngei laophü shing linghahpeih” shei enyüke.

ISAIAH 37:24

Nüngei phongmokbüthü homei nüngi Shembüpa kü yaüei eteke, hatü nüngi, ‘Ngei koyei khari mü Lebanon kahshang shaopü thahshi aongtepih. Haleipü shaopü cedar, hatü meipü cypress püthü agtepih; hapa shangching teppü hatü hapa yingnyü yingnyak thahshi shütepih.

MENVIH KESHO 22:29

Changmeipüthü peüi büpa kü khümhen, hatü yemmü nenyui kahmongei shüei nyupüthüi büpa kü aümei khümhen.

JEREMIAH 44:8

Ammei lakdoui hatü am nyupü Ijip kahdokei lebü kahvangthü kü moila shuoh-ei mehekei ngei mongshihhünya? Am laophü nying mahhen, hatü kahdoknyü jatthü peü touei thaüvaü hatü eelatükpü dou hük leihen.

JEREMIAH 44:17

Hami dükhen shei epü lemphü dükhen. Hami Vangsho Onglanyü kü ham hatü lakchongbüthüi Judah jila hatü Jerusalem chingyangshong kü ayingshü jakei, yiü moila langei khümpükei khümhen hih. Hahepak keyü hamü hahying changshi, angeideiyei hatü neshanghah-i nyupeih.