HABAKKUK 1:12 - DAÜLANGPÜ LAIHING (BSI)

¹² Nüngü aivang den mebü nevaipü je? Oh Shembüpa, ngelei Kahvang, ngelei Daülangpüba. Nüng nedidaihen. Oh Shembüpa, hamei shahphenhen nüngi jom jeteke, hatü nüng, Oh Yaongnyü, ham kü hanghi shuohhühen shingvaishi nüngi jom wong kohhüteke.

HABAKKUK 1:12 Referans Kwoze

SHAHKÜP 32:4

Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

MENVIH KESHO 90:2

Kahshangthü lingshekü, nevaijü kahdoknyü bhaoshekü nüngü Nedohnetenpü kübü nedohnetenpü thahshi Kahvang nyuhampeih.

SHAHKÜP 33:27

Nedohnetenpü Kahvangü am loishing, hatü kahdok mongeiyao büpalei lak nyüke. Büpai ammei vepathü changtük, hatü jom mahtükkemhen am kü eteke.

JEREMIAH 46:28

Nüng tenyem, Oh Jakob, ngelei chongphobü; mehenangkü ngei nüng mü nyüpeih shei Shembüpai enyüke. Am yaneipanei nyupü jatthü peü mahtükjao, ngei am chemjalak kü nemahtükpih. Ngei am kü dhaong kü shükhen, shejao shahhingi dükhen. Ngei am chemjalak kü nehanghi-i payü nepeihhüpih.

JEREMIAH 30:11

Ngei nüng mü nyüpeih, hatü nüng yanghen shei Shembüpai enyüke. Ngei am yanei deishihpü jatthü peü mahtükjao, Ngei am chemjalak kü nemahtükpih. Ngei am kü hanghi neshuoh-i netuhpih, shejao hayü shahhingi dükhen; Am kü hanghi neshuoh-i neleishihpih.”

MENVIH KESHO 93:2

Nüngei ong uoshing aivang den mebü lingei nyüke; nüngü nedohnetenpü leipü khih.

HEBREW 13:8

Jisu Khristayü menyih, shinnyih hatü düngei hükkei khan.

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

1 TIMOTI 1:17

Shaang dohpü neshiüpü, ongpa, nemahnemenpü, ne-eeaokpü büpa mon Kahvang kü dhüm hatü müknyinshekhang den den kü nyute, Amen.

PHONGSHANTHÜ DOU 3:14

Shejao amphongi Daülangpü hatü Hingshangpü Hük yaktük hatü shennyak jüpü am-ang vetükhen ammi yü,

MALAKI 3:6

Ngeiyü Shembüpa, ngei nejeileinyih. Hanangkü, Oh Jakobei hühihathü, ngei am nemahtükpih.

HABAKKUK 3:2

Oh Shembüpa, nüngei menmei jung ngei dantepih, hatü nüngei dou kü ngei nyemei nyunyüpeih, Oh Shembüpa. Hamei nyihhihe kü ha jatonghütuh; hamei hepak kü ha nyinghütuh; mongshih shingkü nüngi phahjihen deih-ei dangte.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

EZEKIEL 30:25

Ngei Babylon ongpalei lak wong kohhühen, shejao Pharaohlei lak vüdaihen. Mechem ngelei yan Babylon ongpalei lak kü shümhühenshang, jomi ngeiyü Shembüpa khih shei nyinghen. Büpai ha Ijip kahdok khüei nohen;

YOUNG LAI 5:19

Shejao Shembüpa, nüngü düngei vanglem lemhen, nüngei ong uoshing hüdenhalenshi nyukahen.

ISAIAH 43:15

Ngeiyü Shembüpa, ammei Daülangpü Kahvang, Ngeiyü Israel am Lingbü, ammei Ongpa.”

ISAIAH 40:28

Shembüpayü nedohnetenpü Kahvang, kahdok dohpü junghijang peü Lingbü shei ammi nenyingpü je hatü nedanangpü je?

SHAKEI VAMPÜ 1:8

Üpa nyüpa, üpa nyutepa, hatü Jeiyongpa üpa peikahen nyu, büpai, “Ngeiyü Alpha hatü Omega” shei Shembüpa Kahvangi enyüke.

ISAIAH 49:7

Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

ISAIAH 37:26

Hepak luangi daiteke, hapakei nyemvam shei ngei hanpeih; ha nüngi nedanangpü je? Penyü showtükpü chingnyüthü yaong khongpükei nüngi leitükpeyü ngei aivang den mebü hapa küpjan lingpeih, hatü shaang ngei hapa vamhüpeih.

MENVIH KESHO 118:17

Ngei nedihen shejao yemmü nyuhen, Shembüpai mehe dük ha baonghen.

MENVIH KESHO 18:1

Ngei nüng kü bamnyeih, Oh Shembüpa, ngelei wong.

MENVIH KESHO 17:13

Peikei, Oh Shembüpa, hathü khüei yaongtuh hatü neüeishuoh! Nüngei yani nemeipüthü leipü ngelei yangnyu yangtuh.

2 ONGPATHÜ 19:25

Nüngi ha nedanangpü je? ngei ha tempheikü hepak longi daiteke, penyü showtükpü chingnyüthü nyüp yakshing leitükhen shei ngei aivang den mebü küpjan tempeih, hatü ha shaang dhaümnyu khih.

1 SAMUEL 2:2

Shembüpa keiha daülangpü üpayao neshiü; nüng mü lenpü üpayao neshiü; Jenei Kahvang kei Yaong üpayao neshiü.

SHAKEI VAMPÜ 1:11

“Nüngi mehe eenya, ha lai hük kü nyangtü attoi nyet, Ephesia, Smyrna, Pergamum, Thiatira, Sardis, Philadelphia hatü Laodikea touei shomtuh” shei eyei dan.

JEREMIAH 5:18

Shejao hathü nyih kü dangkao ngei chemjalak kü payü nedohtükhen shei Shembüpai enyüke.

JEREMIAH 4:27

Shembüpai hapa enyüke: “Ngei hapa chemjalak kü nemangjao, hapa kahdok kemei lavüngtoiyei leihen.”

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

KAHBHAO 21:33

Abrahami Beer-shebalei tamarisk pü hük sheiteke, hatü Shembüpa, Nedohnetenpü Kahvang kü khümteke.

MENVIH KESHO 102:24

“Oh ngelei Kahvang, ngelei yangnyu tavanshem kü neyahlang, nüngü hüdenhalenshi nyunyeih” shei ngei eteke.

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

ISAIAH 37:23

Üpa kü nüngi yaüeilungei thaüvaünya? Üpa khüei nüngi langmaannya, hatü changmeiyei veinya? Hapayü daülangpü Israel Kahvang khüei enyu khih!

HABAKKUK 3:6

Mechem büpa yaongnya, kahdoknyü jennyüke; büpai veishuohjü jatthü kheünyüke. Aivang den mebü nyupü kahshangthü bhaokdainyüke, hatü nedohnetenpü shangchingthü demdainyüke. Büpalei lemnyü-ü nedohneteni nyüke.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

MENVIH KESHO 74:12

Shejao Oh Kahvang, nüngü aivang den mebü kahdoknyü kü yemleipü dou dükpü Ongpa.

MENVIH KESHO 90:1

Shembüpa, nüngü denshem peü kü ham nyushing nyuhampeih;

MENVIH KESHO 149:2

Israel ami laophü Lingbü kü mongmeituh; Zion hapeüthüi jomei ongpa kü mongongtuh.