EZRA 9:9 - DAÜLANGPÜ LAIHING (BSI)

⁹ Hamü aa nyuhampeih, shejao hamei Kahvangi ham aa laphen kü netuhphong, shejao büpai ham kü Kahvangei shem lingei leihen yangnyu ja shuohhen, bendaipü lingei leihen, hatü ham yanghen Judah hatü Jerusalem kü bham linghen nangkü büpai ham kü bampü Persia ongpa touei vamhüpeih.”

EZRA 9:9 Referans Kwoze

EZRA 7:6

Hapa Ezra Babylon leipü leiteke. Büpayü Shembüpa, Israel Kahvangi shuohpü Mosa Shahkung meishi nyingpü nyuhbü. Büpai yüpü lemphü ongpai shuoh; mehenangkü Shembüpa, büpalei Kahvangei lak büpa shangkü nyu.

ZEKHARIAH 2:5

Ngeiyü hapa shonei aw pe nyuhen, hatü ngei hapa mongkü hapalei müknyinshekhang vaihen” shei Jeiyong Shembüpai enyüke.

HAGGAI 1:9

Ammi longi danghen ongyangnyüke. Ammi mehe shemei yah-ei leipa, ha ngei ngü-i dutükpeih. Mehekei ngei ha düknya? Mehenangkü amphong laophülei shemdou dükei nang nekoh-i nyu-aa kü ngelei shem pheni lupdaitü nyüke.

DANIEL 9:25

Hapa nyingtuh: Jerusalem lingei leihen ngeükhüam shuohpü hepak mebü thiteiphutükpü ongpa peipü thahshi hapta nyet nyukahen; hapta pejempünyi kü Jerusalem chingshongthü hatü veyomshing ne-yei linghen shejao hapayü shangpong yakyingpü hepak vaikahen.

EZEKIEL 11:16

Hanangkü chemi wüpküpei nyupü Israel am kü Shembüpai hapakei enyüke shei etuh: Ngei jomphong jatthü touei shomtüklangmao hatü kung kahmükei haitüklangmao, shohük shingvaishi jom nyushingei ngeiyü jom nyuishing vaihampeih.

ISAIAH 5:5

Ngelei nyalingngupai kah kü ngei mehe dükhen ha ngei nüng kü ephüshah: Hapa kü showpü hühpe ngei bentükhen, hatü hapa mangtükhen; Ngei hapa kü showpü bham laamtükhen, hatü hapa kü la-i shuoptükhen.

ISAIAH 5:2

Büpai kahdok shotü yaongphaang peü yaktüktü peü mü meipü nyalingngupai sheiphong. Büpai hapa jiam kü shangdü hük dak, hatü nyalingngupai jiü bhithen shingao ling. Büpai halei nyalingngupai jükjahen shei ongyang, shejao phaü ngupai jükteke.

EZRA 7:8

Ongpai ong vaipü bong nyet mü lenyang ngapabü kü jomphong Jerusalemei leiteke.

EZRA 9:10

Shejao shaang, Oh hamei Kahvang, hapheikü hami mehe ehen? Mehenangkü hami,

MENVIH KESHO 109:12

büpa kü phahjihen mü üpayao tenyuhü, nevaijü büpai hashih shihphongpü hapeüthü kü shenshanghen üpayao tenyuhü.

MENVIH KESHO 138:7

Ngei shanghah chi kü kamjao, nüngi ngelei yangnyu yangei tuh; ngelei vepathü mongshihpü kü khüei nüngei lak haongteke, nüngei lakdah phi-i ngei yangteke.

ISAIAH 14:3

Mechem Shembüpai amphong kü tüngpüaipü, shangpong yakying hatü douwong dükpü kübü nyiumei shuohhenshang,

EZRA 2:68

Mechem jom Jerusalemei nyupü Shembüpalei phopshem ngoijapa, phang kü shangjingthüi hapa shing kü Shembüpalei shem vehen nangkü mongong moila shuoh.

NEHEMIAH 2:17

Hapheikü ngei jomphong kü, “Jen shanghah kü nyupü ammi veituh; Jerusalemü bendai, hapalei peshaden peü awi hahtükteke. Kei, jen shanghah kü nenyuhen shangmü jeni Jerusalem bham lingei leishah” shei e.

NEHEMIAH 9:17

jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.

ISAIAH 61:4

Jomi aivang den mebü bentükpü, hatü den luangi lavüngtoiyei yakphongpü chingnyüthü neyei lingei leihen.