EZRA 9:1 - DAÜLANGPÜ LAIHING (BSI)

¹ Hathü dou peü dükpheikü, mübüthü ngei touei peiyei, “Israel nanglakthü mü ngongpa hatü Levi am omshi jom mü chingyow yowpü Kanan, Hit, Perizz, Jebus, Ammon, Moab, Ijip hatü Amor am hatü jomei jiühitnalai dükhiling kübü hayaoha yanei nenyunyu” shei ephüteke.

EZRA 9:1 Referans Kwoze

NEHEMIAH 9:2

Israel li kübü vampüthü peü kung shennyak kübü yanei hayaoha yaongtü bühipai thahpü mang lah-ei phop.

MÜLANGPÜ 33:16

Nüng ham mü omshi nedaipü thahshi ngei hatü nüngei nanglakthü kü nüngi monghahnyüke shei mekei nyinghen? Hapakei vaijü mon kahdok shak kübü hangkuli mü ngei hatü nüngei nanglakthüyü hayaoha khih shei nyingaokhen” shei eteke.

JEREMIAH 26:16

Hahepak kü lakchongbüthü hatü nanglakthü peüi ngongpathü hatü thibüthü kü, “Hapa shennyak tejü; büpai Shembüpa, jenei Kahvangei men kü jen kü epü khih” shei e.

JEREMIAH 26:10

Mechem Judah am lakchongbüthüi ha jung danpa, jomi ongshem kübü Shembüpalei shemei aong, hatü phopshem kü Shaden Ja shadenei uo.

ISAIAH 52:11

Layaongtuh, layaongtuh, haleipü lüdaituh! Nedaünelangpü dou kü tehong! Haleipü vamei lüdaituh, hatü Shembüpalei yungshongthüao kotuh.

MENVIH KESHO 106:35

shejao jomi jatthü mü vukeivengei, jomi dükpü peü dükhen nying.

NEHEMIAH 4:3

Ammon am Tobiah büpa touei yaongshi nyu hatü büpaiyao, “Jomi lingteipü bhamü mahu hük bakei aongshuohjü laamkahen hih!” shei epeih.

EZRA 10:8

Nyih jem mongkü üpa nepeihenshang lakchongbüthü hatü behethüi temteipü aimü büpalei mop kemei yahlanghen hatü noknyü khong kübü changtükhen shei e.

2 SHÜPPÜKENGPÜ 33:2

Shembüpai Israel am toueipü changtükpü jiühitnalai dou dükpü jatthü phei müei büpai Shembüpa touei mang dük.

1 ONGPATHÜ 11:1

Solomoni lebü kungla longi lüm. Ijip ong Pharaohlei yiükha mü Moab, Ammon, Edom, Sidon hatü Hit am nyühathü longi lüm.

SHAHKÜP 18:9

Mechem Shembüpa, ammei Kahvangi am kü shuohpü kahdokei shühenshang, haleipü jatthüi dükteipü jiühitnalaipü douthü tenyuhtei.

BHEI-IE 23:9

Yaongvak shangching kübü ngei-i jom eenyüke, shangtaothü leipü ngei-i jom kü chinyüpeih. Jomphongü jat lom jat nyüke, mih jat mü jomü nyeinya moihimanpü shei jomi nyingnyüke.

LEVI 18:3

Ammi am nyupü Ijip kahdokei jomi dükpü tedük, hatü shaang ngei am müei leipü Kanan kahdokei nyupü ami lingpükei teling. Ammi jomei dükhiling vanglem pheikü temü.

MÜLANGPÜ 23:23

Ngelei phongshani am sheshongkahen, hatü am Amor, Hit, Pirizz, Kanan, Hiv, hatü Jebus amei kahdokei müei leihen, hatü ngei jom mahtükhen,

MÜLANGPÜ 13:5

Mechem Shembüpai am Kanan, Hit, Amor, Hiv, hatü Jebus amei kahdok, amma hatü nyahjiü yenpü kahdok, mepa ammei bühipa kü shuohhen shei büpai lahpa, hapa kahdokei leishingkü ammi hapa shongpü len kü ha mo motuh.

KAHBHAO 15:16

Den alipabü kü nüngei hühihathü hatouei nyokei leihen; mehenangkü Amor amei mang shao-üng maei mangaong” shei e.

NEHEMIAH 4:7

Sanballat, Tobiah, Arab am, Ammon am hatü Ashdod shennyakthüi Jerusalem bham lingpü nedoh-i daipü, hatü vo kemei thapei dainyüke shei danei jom longi mongshih.

NEHEMIAH 13:23

Hathü nyih kü ngei Jehoda am Ashdod, Ammon, Moab am mü shem yempü eetepih,

MALAKI 2:11

Judah ami lahtükpü shaitükteke, Israel kü hatü Jerusalem kü jiühitbenüng mang thahteke; mehenangkü Judah ami kung amei kahvangei yiükha mü shem yempai Shembüpai kenpü phopshem sheihtükteke.

BHEI-IE 25:6

Hahepak kü jom ashakshem shadenei thepeiyoungei yaongshi nyushingkü Israel am shennyak hüki Midian am nyüha hük Mosa hatü Israel ami eeshi baümtap mongei müei leiteke.

SHAHKÜP 7:1

Mechem Shembüpa, ammei Kahvangi am kü hapa kahdok shuohhen shingvaishi müei leihenshang, büpai am mü longpü hatü wong kohpü jat nyet– Hit am, Girgash am, Amor am, Kanan am, Perizz am, Hiv am, hatü Jebus am amphong toueipü changtükhen.

SHAHKÜP 23:8

Denshem jempabü kü jomei hühihathüi Shembüpalei nanglak khongkü omhen aok.

JOSHUA 23:12

Shejao ammi büpa toueipü yanei daiyei am mü yangei aoei nyupü jatthü mü küeijemei, yiükeilaei nyeteinyangjema,

2 SHÜPPÜKENGPÜ 8:7

Hit, Amor, Perizz, Hiv hatü Jebus am nanglak nejütüki aopüthü üam Israel nanglak nevai,

EZRA 10:2

Hahepak kü Jehielei cheha Shekaniah, Elamei hühihathü khong kü hüki Ezra kü, “Jen shonei nyupü kung am yiük yahpü homei jen Kahvang kü vaipü mangtükpeih. Hapakei vaijao shaang thahshi Israel am shing monglemhen nyüpeih.