EZRA 7:6 - DAÜLANGPÜ LAIHING (BSI)

⁶ Hapa Ezra Babylon leipü leiteke. Büpayü Shembüpa, Israel Kahvangi shuohpü Mosa Shahkung meishi nyingpü nyuhbü. Büpai yüpü lemphü ongpai shuoh; mehenangkü Shembüpa, büpalei Kahvangei lak büpa shangkü nyu.

EZRA 7:6 Referans Kwoze

EZRA 8:22

Lemei vepathü kübü yanghen shingvaishi ongpa kü veshan, koyei veshan yahshih shei yühen ngei veüteke; mehenangkü ngei ongpa kü, “Büpa kü hinglempüthü kü hamei Kahvangü phahjinyeih, shejao büpa tuhphongpüthü khüei büpai mongshihnyeih” shei ngei etüktü nyupeih.

EZRA 7:28

hatü büpalei phahji homei ongpa hatü büpa mü sheühteipüthü hatü lakchongbüthüi ngei kü bamei deih. Mehenangkü Shembüpa, ngelei Kahvangei lak ngei shak kü nyu; ngei monglongei deih hatü ngei mü aonghen shingvaishi Israel kü mübüthü thaihüpeih.

EZRA 8:31

Hapheikü Jerusalemei aonghen shingvaishi shongpü len nyih anpünyipabü kü Ahava yung tuhtü dai; hamei Kahvang ham mü nyu, hatü lemyang kü hamei vepathüi ham kü tappü kübü ham yangpeih.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

NEHEMIAH 2:18

Ngei jomphong kü ngelei Kahvangei phahjipü lak ngei mü nyupü hatü ongpalei shah ngei kü ephopü ejateke. Hahepak kü jomphongi, “Jeni lingei pangshah!” shei e. Hanangkü jomi hapa doumei dükei pang.

NEHEMIAH 2:8

hatü ngei kü phopshem peshaden linghen pü, hatü chingnyü pe linghen hatü ngei nyuhen shem linghen pü shuohtuh shei ongpalei phaü yompü Asaph kao lai hük nyangei yahshih” shei phe, hatü ngei mehe yü, ongpai ha ngei kü shuoh; mehenangkü ngelei Kahvangei phahjipü lak ngei mü nyuteke.

EZRA 8:18

Kahvang phahji homei jomi ham touei Israel ha Levi, Levilei ha Mahli, Mahlilei hühiha Sherebiah longi dou aokpü shennyak mü chehathü jom 18 shomphopeih;

EZRA 7:21

Shaang ngei, Artaxerxes ongpai Euphrates heshüphi kü nyupü mop kü khei vaipüthü peü kü ngongpa Ezra, vangsho Kahvangei shahkung nyuhbüi mehe mehe yüphahen meishi hengei shuohhen ngeükhüam shuohnyeih.

EZRA 7:9

Shongpü len shongpü nyih kü jom Babylon leipü layaong, hatü lenyang ngapabü shongpü nyih kü Jerusalem ngoi; mehenangkü büpalei Kahvangei phahjipü lak büpa shangkü nyu.

KANDOK 3:6

Nüngei lem peü kü büpa nyingtuh, hatü büpai nüngei lem kangshangi lingphahen.

SHAHKÜP 28:1

Ammi Shembüpa, ammei Kahvangei ven bangjema hatü shinnyih ngei am kü shuohpü büpalei shahkungthü kenhingei noteijema, kahdok shak kübü jatthü peü shak kü amphong shangei longei anshihhen.

SHAHKÜP 4:5

Ammi yahhen nyupü kahdokei dükhen shingvaishi Shembüpa, ngelei Kahvangi ephopükei ngei am kü shahkungnyüthü peü nyuhtepih.

1 KORINT 15:1

Jeihinaü hatü nyahinaüthü, ngei am kü baongpü shahjangmei mepa ammi yah, hatü ha kü am yaongshi nyüpa, hapa ngei shao am kü shaang ehünyüke.

1 KORINT 1:20

Shejema nahpülangpü shennyak melei nyüpa? Lai longi manpü melei nyüpa? Hapa den jung nih-ei khoei nyingpü melei nyüpa? Kahvangi hapa kahdoknyülei kihikon ngadou neleitükangpü je?

MATHI 13:52

Büpai jomphong kü, “Hanangkü vangsho ongching shingvaishi nyuhtükpü shahkung nyuhbüthüyü shem shembü hük laophülei mop tuhshing leipü mop chang mop ja peü ngaipükei nyüke” shei e.

ISAIAH 59:1

Hingmei, am yanghen shingvaishi Shembüpalei lak shohloh-i neshiü, nevaijü danhen büpalei dhaong hüei neshiü.

ISAIAH 50:2

Ngei leishingkü mehekei hükao nenyupa? Ngei nyükshingkü mehekei üpaiyao nejangpa? Am angei leihen ngelei lak shohdaipü je? Nevaijü am yanghen ngei wong neshiüpü je? Loh mon lohjü ngei yungchingao jeptüknyeih, ngei yungnyüthü bhih kahdok leitüknyeih; Haleipü nyahthü yung neshiüi, hatü yung lepai dinyüpeih.

MENVIH KESHO 45:1

Shahmük meipai ngelei mong mateke; ngelei ongpathü kü hathü lailüngthü nyangshingkü ngelei yei-ü lai nyangbü meipülei lainyangshong kei nyuteke.

NEHEMIAH 12:36

hatü büpalei shem am sheühteipü Shemaiah, Azarel, Milalai, Gilalai, Maai, Nethanel, Judah hatü Hanani hathüi Kahvang shennyak David ongpalei kesho lokteipü hadir koteke, hatü nyangbü Ezra-i jomphong khong müteke.

NEHEMIAH 8:13

Nyihphei phang kü shangjingthü mü ngongpathü hatü Levi am peü chemi Ezra touei shahkung leipü shahthü yemhen peiteke.

NEHEMIAH 4:15

Mechem hamei vepathüi jomi tempü küpjan hami nyingdaipü danpa, hatü Kahvangi jomi tempü küpjan neaokpü leihüteke shei nyingpa, ham peü laophü laophülei dousho bham lingei dai.

NEHEMIAH 2:12

Ngei mü shennyak hanei mütü nyak kü dai. Jerusalem shingvaishi ngelei Kahvangi mehe dükhen ngelei mongkü ephopa, ngei üpa kao ha jung ne-eja. Hamphongi yah-ei daipü gadu-ü ngei müei peipü ha mon nyu.

EZRA 6:22

Nyih nyet thahshi jomi mongongshi Daw Neshihpü Aan Mo hahteke; mehenangkü Israel Kahvangei shem lingei leipü kü Assyria ongpai sheühhen mü büpalei mong yeiyahüpü kü jom mongongpai mateke.

EZRA 5:5

Shejao jomei Kahvangei mük Jehoda am behethü shangkü veishi nyu, hatü hapa shahjang Darius ngoitü büpa leipü shahnyok mangdang thahshi jomi dou dükpü nedoh.

JEREMIAH 8:8

Ammi mekei etü, “Ham nahshi nyüpeih, Shembüpalei shahkung ham mü nyüpeih” shei eaoknya? Shejao veituh, nyangbüthüi nejiüi nyangei shahshem leitükpeih.

NEHEMIAH 12:26

Hathüyü Joshualei cheha Joiakim, Jehozadakei chehülei nyih kü hatü Nehemiah governor hatü Ezra ngongpa nyilei nyih kü nyu.

NEHEMIAH 8:9

Hapheikü Nehemiah governor, ngongpa hatü nyangbü Ezra, Levi am shahkung nyuhpüthüi nanglakthü kü, “Shinnyih-ü Shembüpa, ammei Kahvang touei daülangpü nyih; am tethep” shei e. Mehenangkü nanglakthüi shahkungi mehe enya, ha danei longi thepei nyu.

NEHEMIAH 8:4

Hakeipü thaihiyu shing lingpü dünyü shangei nyangbü Ezra aongei yaong. Büpa mü lakdah philei Mattithiah, Shema, Anaiah, Uriah, Hilkiah, hatü laknyong philei Pedaiah, Mishael, Malkijah, Hashum, Hashbaddanah, Zekhariah hatü Meshullam hathü yaong.

KAHBHAO 32:28

Hahepak kü hapa shennyaki, “Nüng kü hajük kü Jakob shei nenyükhen shejao Israel shei nyükhen; mehenangkü nüngi Kahvang hatü hangku mü bhowei neütükteke” shei eteke.

MATHI 23:2

Shahkung nyuhbüthü hatü Pharisee ami Mosalei uoshing kü uonyüke;

EZRA 7:5

Bukkilei chepa Abishua, Abishualei chepa Phinehas, Phinehaslei chepa Eleazar, Eleazarlei chepa Aaron ngongchong nyuteke.

NEHEMIAH 8:1

Len nyetpabü kü Israel ami laophü laophülei jilalei nyu. Nanglakthü peü chemi Yunglok Shaden chingshelei thai. Jomphongi nyangbü Ezra kü Israel nanglakthü shingvaishi Shembüpai shuohpü Mosa Shahkung Laitap ngaikei shei e.

EZRA 8:1

Hapayü jomei phangdep shangjingthü hatü Artaxerxes ongi vanglem lemshingkü ngei mü Babylonei aongpüthülei bülem hapakei:

NEHEMIAH 9:13

Nüng vangsho leipü Sinai Kahshangei yiü, hatü vangsho leipü etei, hatü jom kü jiüpü shahkung hatü meipü vanglem shuoh;

MENVIH KESHO 80:18

Shejüang ham nüng toueipü nelüdaihen; ham jatonghütuh hatü hami nüngei men kü nyükhen.

MENVIH KESHO 109:27

Jomi hayü nüngei lak khih, nüngi ha dükpü khih shei jomi nyinghütuh, Oh Shembüpa.

MENVIH KESHO 147:19

Büpai büpalei shah Jakob kü; büpalei shahkung hatü vanglemthü Israel am kü baongnyeih.