EZRA 7:10 - DAÜLANGPÜ LAIHING (BSI)

¹⁰ Mehenangkü Ezra-i Shembüpalei shahkung yemhen, hatü ha dükhen, hatü Israel kü hapa shahkung hatü vanglem nyuhhen büpalei mongdang lanei shuoh.

EZRA 7:10 Referans Kwoze

2 TIMOTI 4:2

Shahjangmei chongventuh; dühü kü hatü dühü nevaipü hepak kü temei nyutuh, inyainyempü longpai, hatü kenhingei nyuhpai nejiüpü kü yeantuh, loh-eishuoh, hatü nangthongtuh.

MATHI 7:24

Hanangkü üami ngelei hathü shah bangei düknya, hathüyü kon kohpü shennyak hük yaong shangkü laophülei shem vepü hük leshi nyüke.

MALAKI 2:7

Mehenangkü ngongpa hükei jubenyeijaang kü kihikon anghen vongbong, hatü büpalei ju kübü shennyakthüi nyuhpü venpü yemhen vongbong; mehenangkü büpayü Shembüpa Kahvangei shahjang kobü nyüke.

JOHAN 13:17

Ammi ha nyingei hathü dükjema, amphong moihiman.

MENVIH KESHO 1:2

Shejao jomi Shembüpalei shahkung, hatü büpalei vanglem nyihjeih yajeih phopei yempü kü mongong dangnyüke.

EZRA 7:25

Ezra, nüng kü nüngei Kahvangi shuohpü kihikon nüng kü nyupü shangshi Euphrates heshüphi kü nyupü Kahvangei shahkung nyingpü nanglakthü peü kü shahhingi vanglem lemhen shingvaishi vanglem lembüthü hatü shahphenbüthü jetuh, hatü nüngi shahkung nenyingpüthü kao nyuhtuh.

MENVIH KESHO 19:7

Shembüpalei shahkungnyü den ngoipü, laangha jatonghünyeih. Shembüpalei shahkungü hinglembenüng; ngashi nyupüthüao nahhünyeih.

SHAHKÜP 33:10

Jomi nüngei vanglemthü Jakob kü vennyüke, hatü nüngei shahkungthü Israel am kü nyuhnyüke. Jomi nüng kü ayingshü jakei moila shuohnyüke, hatü nüngei moidü kü jakpü moila peü shuohnyüke.

1 SHÜPPÜKENGPÜ 29:18

Oh Shembüpa, hamei bühipa Abraham, Isak hatü Jakob Kahvang, nüngei nanglakthülei mongkü hapa keipü mükhong hatü mongdeih düngei nyuhütuh, hatü jomei mongdang nüng philei meehütuh.

MENVIH KESHO 10:17

Oh Shembüpa, nüngi maanpü leipüthüi phoppü dannyeih; nüngi jomei mong wong kohhühen, nüngi jomi lenpü kü bangtuh,

EZRA 7:6

Hapa Ezra Babylon leipü leiteke. Büpayü Shembüpa, Israel Kahvangi shuohpü Mosa Shahkung meishi nyingpü nyuhbü. Büpai yüpü lemphü ongpai shuoh; mehenangkü Shembüpa, büpalei Kahvangei lak büpa shangkü nyu.

TITUS 2:1

Shejao nüng payü nyuhpüvenpü kü mehe jiütei, ha nyuhtuh.

MENVIH KESHO 119:45

Ngei bümeiyangma leiyei kamteihen; mehenangkü ngei nüngei shahkung yemtepih.

MENVIH KESHO 57:7

Ngelei mong nüng kü nyangnyeih, Oh Kahvang, Ngei kesho lokei nüng vihhen.

2 SHÜPPÜKENGPÜ 30:22

Shembüpa chongphopü dousho meishi yaoei dükjapü Levi am peü kü Hezekiah-i menvih shuoh-ei e. Nyih nyet thahshi jom kü hahhen epü hean hah-ei mongjempü moila shuoh-ei Shembüpa, chebü chepalei Kahvang kü menvih shuohteke.

2 SHÜPPÜKENGPÜ 19:3

Shejoongpa nüng kü meipü hük nyupeyü nüngi kahdok kübü Asherah kahvang lajeithü yaktük, hatü nüngei mongdangi Kahvang yempü ha khih” shei e.

2 SHÜPPÜKENGPÜ 12:14

Büpai mang dük, hatü büpalei mongdangi Shembüpa yemhen deih-ei nedang.

1 SAMUEL 7:3

Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.

TITUS 2:15

Hathü dou nüngi nyuhtuh. Nüng kü shuohpü wong kempai noei nangthongtuh, hatü loheishuoh. Üpaiyao nüng kü ne-ienelemi noteihen mü tenyu.

1 TIMOTI 3:2

Shaang attoi mübü hükü nepaohneshaipü, nyüha hük mü mon shem yemei nyupü, shümei aokpü, laophü nyingi ungei-aeipü, dhüm kohhahhen mü nyupü, yen kü bampü, nyuh-aokpü,

PHONGSHANTHÜ DOU 1:1

Bampü Theophilus, shongpü ngelei lai kü chongpangpülei Jisui dükpü hatü nyuhpü peü,

SHAHKÜP 16:12

Hathü shahkungthü bangtuh, hatü am Ijip kahdokei aa vaihampü nebetüki deihtuh.

SHAKEI VAMPÜ 22:14

Laophülei bhagthuh dhotüktü nyupüthü moihiman; mehenangkü jomphongü yangnyu pü kübü betjük hahhen jiüpü nyüpeih, hatü peshaden homei chingnyülei shüaokhen.

MATHI 5:19

Hanangkü üami hathü shahkungthü khongkü maanpü hük dangkao manghenshang, hatü mih kü hapakei dükhen nyuhhenshang, vangsho ongching kü peü mü maanpü shei nyükhen; shejao üami hathü dükhen hatü nyuhhenshang vangsho ongching kü longpü shei nyükhen.

JOB SHAHSHA APPÜ 11:13

Nüngi nüngei mongdang jiüshangi büpa kü shuohjema, hatü nüngei lak laülüki büpa philei haongjema,

EZRA 7:11

Hapayü Artaxerxes ongpai ngongpa hatü nyuhbü, Israel am shingvaishi Shembüpalei shahkung nyingpü shennyak Ezra touei shompü lai:

MENVIH KESHO 119:112

Dohpü thahshi düngei nüngei shahkung banghen ngelei mong kü temtüktih.