EZRA 6:5 - DAÜLANGPÜ LAIHING (BSI)

⁵ Shao Kahvangei shem leipü hon hi ngini lingpü douhinangthü mepa Nebukadnezzari Jerusalem moila shem leipü yah-ei Babylonei koei leipa, hathü peü Jerusalem phopshemei yah-ei leituh, hatü hathü Kahvangei shemei küpei tuhtuh.

EZRA 6:5 Referans Kwoze

DANIEL 5:2

Yiüi meüei, Belshazzari chepa Nebukadnezzari Jerusalem Phopshem leipü yah-ei leipü hon hatü ngini lingpü yungshongthü kü büpa hatü büpalei chinglong chingvangthü, büpalei nyühathü hatü yiükphüthüi hathü shong kü yiü yinghen deikei shei ngeükhüam shuohteke.

EZRA 5:14

Nebukadnezzari Jerusalem phopshem leipü shetei deiyei büpalei kahvang khümshemei tuhpü hon hi ngin dükhi-ümthü peü ngaipeih, hatü Cyrus ongpai governor vaishi jepü Sheshbazzar kü shuohpeih,

JEREMIAH 27:16

Hahepak kü Shembüpai hapakei enyüke shei ngei ngongpathü hatü nanglakthü peü kü eteke: “Shembüpalei shemei nyupü yungshongthü lomi Babylon leipü leikahen” shei am kü shahshemi teteivanei epü thibüthülei shah tebang; mehenangkü jomi am kü shahshem enyüke.

JEREMIAH 52:19

Ongpalei veshan mübüi chilimji, awtao shihteipü shung, iy shangteipü shung, dük, awdükshong, dük hatü chilimjithü peü daülangpü hon hatü ngini lingpü koei leidai.

2 SHÜPPÜKENGPÜ 36:10

Sheileilila hepak kü Nebukadnezzar ongpai büpa yahnüng deishih-ei büpa mü Shembüpalei phopshem leipü dounyünangba kemei shetei lei, hatü büpa jeiyei chepa naü-eepa Zedekiah Judah hatü Jerusalem kü ong vaihüteke.

2 ONGPATHÜ 24:13

hatü Shembüpai epü keiha, büpai Shembüpalei shem hatü ongshem leipü mopnyümopha kemei shetlangkem, hatü Solomoni Shembüpalei shemei noteihen lingpü hon dükhi-ümthü kemei nihtük.

DANIEL 1:2

Shembüpai Judah ongpa Jehoiakim büpalei lak kü shuoh, hatü Kahvangei Phopshem leipü douhinangthüao shuohteke. Büpai hathü koei Babylonei leiyei büpalei kahvang khümshem dou tuhshingei tuhteke.

2 SHÜPPÜKENGPÜ 36:18

Kahvangei shem leipü yungshong longpü maanpü peü, hatü Shembüpalei shem leipü mophimo peü, ongpa hatü büpalei lakchongbüthülei mophimo kemei Babylonei shetei deilang.