EZRA 4:3 - DAÜLANGPÜ LAIHING (BSI)

³ Shejao Zerubbabel, Jeshua, hatü Israel phangthü kübü shangjingthüi, “Hamei Kahvang kü phopshem vehen ammei phaihan meheyao neshiüpih. Persia am Cyrus ongpai ham kü epükei Shembüpa, Israel Kahvangei shemü hami mon vehen” shei e.

EZRA 4:3 Referans Kwoze

NEHEMIAH 2:20

Hahepak kü ngei jomphong kü, “Vangsho Kahvangi ham kü aokpü shuohhen, hatü büpa chongphobü hami ha lingei leihen chongpanghen, shejao Jerusalem nangkü shei amphongei phaihan nevaijü ammi ehen nevaijü hapalei büshah eshi dah shakei ehen neshiüpih” shei eteke.

PHONGSHANTHÜ DOU 8:21

Hapa kü nüngei phaihan nevaijü hean neshiüpüh; mehenangkü Kahvang touei nüngei mongdang nejiüang.

MATHI 10:16

Veituh, ngei amphongü shuw chi kü mi keiha shomnyeih; hanangkü biü keiha nahshi nyutuh, hatü athuba keiha lapja-i nyutuh.

ISAIAH 45:4

Ngei chongphopü Jakob, hatü ngei jepü Israel amei men kü, nüngi ngei nenyingjao ngei nüng kü men homei nyükpeih.

ISAIAH 44:28

Ngei Cyrus kü, “Ngei nangjei nüng vanglem lemhen; Ngei mehe mongnya, ha nüngi dükhen, Jerusalem ne-ei leiyei lingtuh, hatü Phopshem chongnyiam yaong shao sheituh shei nüngi ngeükhüam shuohhen” shei epeih.

2 SHÜPPÜKENGPÜ 36:22

Persia kü Cyrus-i ong vaipü shongpü bong kü Jeremiah homei epü Shembüpalei shah jiühühen shingvaishi Persia ong Cyrus-i büpalei ongching phangkü nyupü peü kü hapa shahyan baonghen hatü nyanghen Shembüpai Cyrus ongpalei mong kü thongpü shuoh.

JOHAN 4:9

Hapa Samaria am nyühai büpa kü, “Nüngü Jehoda am khih; mekei etü Samaria am nyüha hük kü yung yünya?” shei e. (Mehenangkü Jehoda ami Samaria am mü bhaong chaihamteke.)

EZRA 1:1

Persia kü Cyrus-i ong vaipü shongpü bong kü Shembüpalei shah Jeremiah homei epü jiühühen shingvaishi Shembüpai Persia ongpa Cyrus-i hapa nyangtü büpalei ongching peü kü baonghen mongnang thonghü:

EZRA 1:2

“Persia ongpa Cyrus-i hapakei enyüke: Shembüpa, vangsho Kahvangi ngei kü kahdoknyü ongchingthü peü shuohteke, hatü Judah kahdok Jerusalemei büpa shingvaishi phopshem hük vehen ngei jeteke.

EZRA 3:8

Jomphong Jerusalem leipü Kahvangei shem ngoiphei kü vangbong nyi mü lenyang nyipabü kü Shealtielei cheha Zerubbabel, Jozadakei cheha Jeshua hatü büpalei lebü jeihinaüthü, ngongpathü hatü Levi am hatü wüpküp leipü Jerusalemei leipüthü peü dou chongpang. Jomi vangbong kukha hatü ha dok kübü Levi am Shembüpalei shem vepü dou kü veihen jeteke.

EZRA 1:3

Amphong khong mü nyupü büpalei nanglak Kahvang jom mü nyute! jom shaang Judah kahdok Jerusalemei Shembüpa, Israel Kahvang, Jerusalemei nyupü Kahvangei phopshem vehen shingvaishi leishihtuh,