EZRA 4:12 - DAÜLANGPÜ LAIHING (BSI)

¹² Nüngei kahdok leipü leiküpü Jehoda ami Jerusalemei leiyei hapa khüei yaongteipü hatü nemeipü chingnyü lingei leinyüke. Jomi bham lingei chongnyiamthü lingei leinyüke; ha nüngi nyingjü meihen khih.

EZRA 4:12 Referans Kwoze

EZRA 5:9

Hami behethü kü, “Üpai hapa phopshem veyei leihen hatü linghen shahkung yahphopa?” shei pheshuohpeih.

EZRA 5:3

Hahepak kü Euphrates heshüphi kübü governor Tattenai hatü Shethar-Bozenai hatü jiji mü sheühteipüthü Jerusalemei peiyei, “Üpai amphong kü hapa phopshem veyei leihen hatü linghen shahkung yahphopa?” shei phe.

2 SHÜPPÜKENGPÜ 36:13

Hingshangi nyuhen shei epü nangkü Kahvangei men kü vangeishuwpü shuohpü Nebukadnezzar ongpa khüei yaong. Büpa ngaümvang haüei mongdang vaanei Shembüpa, Israel Kahvang touei mong lepei nelei.

1 THESALONIKA 5:22

ten lemphü kübü yanei nyutuh.

PHONGSHANTHÜ DOU 24:5

Hami hapa shennyakü shanghah ngaibü shei nyingei nyüpeih; kahdoknyü peülei Jehoda am mü mophicheü ngainyüke. Büpayü Nazarene khong kü mübü hih.

LUK SHAHSHA APPÜ 13:34

“Oh Jerusalem, Jerusalem, thibüthü jüpü hatü halei shompüthü kü yaongi shükei jüpü chingnyü! Meshükpa ngei ounyüi ouhathü pinnyülei yang phangei thaiyei tuhpükei ammei hapeüthü thaiyei tuhhen kenpa, shejao ammi ha nemong!

DANIEL 9:25

Hapa nyingtuh: Jerusalem lingei leihen ngeükhüam shuohpü hepak mebü thiteiphutükpü ongpa peipü thahshi hapta nyet nyukahen; hapta pejempünyi kü Jerusalem chingshongthü hatü veyomshing ne-yei linghen shejao hapayü shangpong yakyingpü hepak vaikahen.

JEREMIAH 52:3

Hapayü Shembüpai mongshihpü nangkü hathü peü Jerusalem hatü Judah kü vampeih, hatü dohpülei büpai hathü büpa toueipü changtükpeih. Shaang Zedekiah ongpai Babylon ongpa khüei yaong.

NEHEMIAH 1:3

Jomi ngei kü, “Wüpküp leipü yangei leipüthüyü longpü shanghah hatü veüpong kü nyüke; Jerusalem bham mangdai hatü hapalei pe kemei awi hahtükteke” shei ephüteke.

EZRA 4:19

Ngei ngeükhüam yantü yemei veitepih, hatü hapa chingnyüyü ongthü khüei yaongpü hatü benpülangpü shing shei büshah luangi dangteke.

EZRA 4:15

Ammei bühipalei büshah kü meishi yemhümao. Ammi büshah kü hapa chingnyü-ü khüei yaongpü hatü ongpa hi ongching kü meyang mebü mongshang shuohpü shing shei danghen hih. Ha tata kü hapa chingnyü-ü lavüngtoiyei leidaipeih.

2 ONGPATHÜ 24:1

Jehoiakim Judah kü ong vaipü hepak kü Babylon am Nebukadnezzar ongpa peiyei Judah hah, hatü bong jem thahshi büpa phangkü angteke. Hapheikü büpa mong yeiyaei Nebukadnezzar khüei yaong.

2 ONGPATHÜ 18:20

Shah nganga epai ponghok vanshenghen shingvaishi kon hatü wong hih shei deihnyu je? Ngei khüei yaonghen mü nüng üpa kü mongnyangtü yaongnya?

EZRA 4:11

(Hapayü jomi büpa kü shompü lai.) Artaxerxes ongpa touei chongphopü Euphrates heshüphi kübü nüng chongphopüthüi hapakei shomnyeih:

ESTHER 3:8

Hahepak kü Hamani Xerxes ongpa kü, “Nüngei ongching phangkü haishi, hatü lebü nanglak khongmü hayaoha nanglak khong hük nyüke; lebü nanglakthü mü jomei shahkung hayaoha, hatü jomi ongpalei shahkung nebangnyu; hanangkü ongpai henüng kü hei-üng netuhhen vaipü khih.

DANIEL 3:8

Hahepak kü Babylon am hanei-i Jehoda am nyonghühen peiteke.

NEHEMIAH 6:6

Ha lai kü, “Jatthü peüi hatü Geshemiyao hapakei enyükenüng hatü Jehoda amü khüei yaonghen deihnyu khih; hanangkü am bham lingei leinyu khih, hatü hapa shahjang aimeyü nüngü ong vaihünyu khih.