EZRA 2:1 - DAÜLANGPÜ LAIHING (BSI)

¹ Babylon kahdok tuhtü wüpküpei nyupüthü longi Jerusalem hatü Judah yemei laophü laophülei ching yemei leiteke. Jomei mükhiphang peü Nebukadnezzar ongpai wüpküpei deihinüng jom Babylonei nyuhampeih.

EZRA 2:1 Referans Kwoze

2 ONGPATHÜ 25:11

Nebuzaradani chingei tuhphongpü nanglakthü, neaoknethangpü shennyakthü peü wüpküpei müei dai.

PHONGSHANTHÜ DOU 23:34

Lai ieyei veitü büpa kü nüng mepa moidoi leipüang shei phe, hatü mechem büpai büpayü Cilicia leipü hih shei danpa,

ZEPHANIAH 2:7

Judah am aoei nyupüthüi ammei kahdokü jomei mi kü het ühshing vaihen, hatü Ashkelon leipü shemthü kü jom yanüng halei paümhen. Mehenangkü Shembüpa, jomei Kahvangi jom thümhen, hatü jom moihimanpü am leihühen.

YOUNG LAI 4:22

Oh Zion nela, ammei mang lat hanghipü dohdaihen, Büpai am hajük kü küpei netuhhen. Shejao ammei mang nangkü, Oh Edom nela, büpai am hanghihühen, büpai ammei mang shakei ngaihen.

YOUNG LAI 1:5

Pinnyülei vepathüang shembü leidai, pinnyü kü khüpüthüang daeishenyüke; Mehenangkü pinnyülei mang ahshi longpü nangkü, Shembüpai pinnyü shangponghü, pinnyülei moihiyangthü sheteishangei wüpküpei deilangteke.

YOUNG LAI 1:3

Shangpong yakyingi maei, aa keiha shem kübü yanei Judah am wüpküpei daiteke; Pinnyü shaangü mihjat mihli mü nyiumeishing nedangi nyüke; Pinnyü shangpong yakyingpü chi kü pinnyü kü changpüthüi pinnyü she yeiteke.

ESTHER 8:9

Jempabü Sivan len nyih hapüjempabü kü ongpalei laknyangbüthü peü nyükei thaihü. Jomphongi Mordekailei shahyan Jehoda am, vanglem lempüthü, governorthü hatü lakchongbüthü India kübü Ethiopia thahshi kahmük 127 peü touei nyangteke. Ha shahyanü kahmük peüei nyangpü vanglem aimü hatü nanglak khong ieyeilei shahlem aimü hatü Jehoda am kü jomei shah hatü nyangteipü vanglem aimü nyangei shomteke.

ESTHER 1:11

Vashti onglanyü kü ong ow owtü nanglakthü hatü longhivangthü kü pinnyü nela meipü huhen büpa touei müei ankei shei e; mehenangkü pinnyü veihen longi meishi shiüteke.

ESTHER 1:8

Yiü yingpü heshap neshiü; mehenangkü ongpai büpalei chongphobüthü kü nanglaki aokpükei yinghütuh shei ngeükhüam shuoh.

ESTHER 1:3

hatü büpa vanglem lempü bong jempabü kü büpai laophülei longhivang hatü lakchongbüthü kü mo longpü hük ühteke. Persia hatü Media kübü veshan mübüthü, ongthü hatü kahmükthü kübü longhivang peü om.

ESTHER 1:1

Hapayü Xerxes ongpalei nyih kü vamteke; hapa Xerxes-i kahmük 127 kü India kübü Ethiopia thahshi vanglem lem.

EZRA 6:2

Media kahdok Ekbatana chingei laidü hük hapakei nyangtü dang:

EZRA 5:8

Hami nüng kü ha danhünyeih; hamphong Judah kahdokei longpü Kahvangei phopshemei heihpeih. Nanglakthüi yaong longpü yah-ei hatü bham kemei taukta yah-ei lingnyüke. Hapa dou-ü longi kenhingshi hatü longi shülangshi dükei dainyüke.

EZRA 1:11

hon hatü ngin yungshong peü sheptü 5, 400 nyuteke. Babylon wüpküp leipü Jerusalemei leishingkü Sheshbazzari hathü peü koei leiteke.

EZRA 2:2

Jomei mübüthüyü Zerubbabel, Joshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum hatü Baanah nyuteke. Hapayü Israel phangthü wüpküp leipü leipü phang ieyeilei bhei-ie nyangpü nyüke:

EZRA 8:35

Hahepak kü wüpküp leipü leipüthüi Israel Kahvang kü Israel am peü shingvaishi jakpü moila mohohbaong anpünyi, mi chebaongha büalipüanpüvok, mi cheha pejempüanpünyet, hatü mang moila yum chebaong anpünyi; hathü kemei Shembüpa kü jakpü moila shuohteke.

NEHEMIAH 12:1

Hathüyü Shealtielei cheha Zerubbabel hatü Jeshua nyi mü wüpküp leipü leipü ngongpa hatü Levi am nyüke. Ngongpathü: Seraiah, Jeremiah, Ezra,

1 SHÜPPÜKENGPÜ 9:1

Israel am peü bülem aimü nyangei nyüke, hatü hapayü Israel am ongpathülei Laitap kü nyangei nyüpeih. Judah nanglakthüyü hingnelempü nangkü Babylon wüpküpei yah-ei daipeih.

1 SHÜPPÜKENGPÜ 9:2

Laophülei jilathülei leiyei laophülei mükjüp shing kü shongei uohenü Israel am, ngongpathü, Levi am hatü phopshemei chongphopüthü nyuteke.

EZRA 2:70

Ngongpathü, Levi am, kesho lokbüthü, pe shaden yompüthü, hatü phopshemei chongphopüthü peü mih lebü hanei mü laophü laophülei jilalei nyu, hatü aopü Israel am kemei laophülei jilalei nyu.

ISAIAH 48:20

Babylon leipü leidaituh, haleipü nyaidaituh! Mongongpai hapa shahjang leneishuoh; peü lemei ha baongtuh. Kahdok dohpü ngoishi ha shomtuh; “Shembüpai büpalei chongphobü Jakob yangteke” shei etuh.

JEREMIAH 50:19

Shejao Israel am jomei kahdokei nyokei leihühen, hatü büpai Karmel hatü Bashan kü vampü hahying hahshi nyuhen, hatü Ephraim hatü Gilead shangtaothülei hüshemei hahhen.