EZRA 10:6 - DAÜLANGPÜ LAIHING (BSI)

⁶ Hapheikü Ezra-i Kahvangei shem kübü daiyei Eliashibei cheha Jehohananei dungei shüteke. Büpa halei nyushiyao meheyao nehahneying; mehenangkü wüpküp leipü leipüthüi hingnelempü nangkü thepei nyu.

EZRA 10:6 Referans Kwoze

SHAHKÜP 9:18

Shao amphongi Shembüpa tou mü mehe ten ha dükei mang thah-ei büpa mongshihhüpü nangkü ngei meheyao nehahneyingi nyih pinyi ya pinyi Shembüpa tou kü aümei khüm.

NEHEMIAH 12:22

Levi hatü ngongpa phangthülei shangjingthü kemei ngongchong Eliashib, Joiada, Jonathan hatü Jaddua hathülei nyih kü nyangei tuh, hatü hapa nyangpeyü Persia kü Darius ong vaipü hepak kü temteke.

NEHEMIAH 3:1

Bham hapakei ling. Ngongchong Eliashib hatü jempü ngongpathü dou düknüng dai hatü Mi Shaden ling. Jomi ha daühü hatü hapalei shaden ling; jomi ha Khohük Shangdü thahshi hatü Hananel Shangdü thahshi daühü.

DANIEL 9:3

Hanangkü ngei Shembüpa Kahvang touei lepei leiyei büpa kü phopei, khümei, shüaeiyungleyei hatü dhoila ashak ümtü, depla nyiotü phop.

ISAIAH 22:12

“Shembüpa, Jeiyong Kahvangi hapa nyih am kü thephen younghen, hatü sho chaei kuptüktü dhoila ashak ümhen nyükteke.

JOB SHAHSHA APPÜ 23:12

Büpalei shahkungnyüthü kübü ngei neyan; Büpalei shah ngelei mongei jaoei nyüpeih.

NEHEMIAH 13:28

Joiadayü Eliashib ngongchongei hapeü nyuteke, shejao büpalei hapeü hüki Beth-Horon leipü Sanballatlei yiükha yahteke. Hanangkü ngei Joiada Jerusalem leipü changtükpeih.

NEHEMIAH 13:5

Büpai halei Levi am, kesho lokbüthü, shaden yombüthü hatü ngongpathülei moila, hahying moila, ayingshü, phopshem leipü douthü, hahying, ankhong, yiüja, mainga tuhpü dungnuk Tobiah kü shuoh.

NEHEMIAH 12:10

Jeshuayü Joiakimei chepa, Joiakimü Eliashibei chepa, Eliashibü Joiadalei chepa,

NEHEMIAH 3:20

Büpa kü dheanei Zabbailei cheha Barukh-i bham nyokei leipü shing kübü Eliashib ngongchongei shem thahshi ling.

EZRA 10:1

Mechem Ezra-i phopei, mang lah-ei, thepei Kahvangei phopshem chingshelei shükshi nyupa, Israel am khong longinyüha, baha hatü hashihthü büpa shonei thai, hatü jomao shahyaki thep.

EZRA 9:4

Hahepak kü wüpküp leipü leipüthüi mang thahpü nangkü Israel Kahvangei shah danei kheü, hatü ngei mongshangei om kü moila shuohpü hepak thahshi uoshi nyushingkü ngei shonei thaiküteke.

MÜLANGPÜ 34:28

Mosai nehahneyingi hatouei Shembüpa mü nyih pinyi ya pinyi nyu, hatü büpai yaongshung kü vangpüshuwpü shahthü, Shahkungnyü An nyangteke.

EZRA 10:7

Judah hatü Jerusalem kü wüpküp leipü leipüthü peü Jerusalemei thaihen shingvaishi shahyan hük shuoh.

MENVIH KESHO 102:4

Ngei mong yimei thüng keiha kaudainyüke; nük dangkao nehah-aoki juwdaiteke.