EZRA 1:2 - DAÜLANGPÜ LAIHING (BSI)

² “Persia ongpa Cyrus-i hapakei enyüke: Shembüpa, vangsho Kahvangi ngei kü kahdoknyü ongchingthü peü shuohteke, hatü Judah kahdok Jerusalemei büpa shingvaishi phopshem hük vehen ngei jeteke.

EZRA 1:2 Referans Kwoze

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

DANIEL 4:32

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa shuohnyeih shei nüngi nyingei mangpei thahshi bong nyet nüng hapakei nyuhen.”

DANIEL 4:25

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen hatü chingshongei nyien kü haaishi shihen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa ongching shuohnyeih shei nyingei mangpei thahshi vangbong nyet nüng hapakei nyuhen.

DANIEL 2:28

shejao shahjo shakei vamei epü Kahvang hük vangsholei nyüpeih. Büpai Nebukadnezzar ong kü ngoikahen nyihthü kü mehe vamhen huteke. Nüng lüngei lemshi nyushi eepü nüngei mangh hatü manghkhangü hathü shüpü khih:

DANIEL 2:21

Büpai hepak vangpanthü yeiyahünyeih; büpai ongthü ong vaihünyeih, hatü jomphong nüngtüknyeih. Büpai nahpüthü kü kon shouhnyüpeih, hatü yao-aokpüthü kü nyingpühingpü shuohnyüpeih.

JEREMIAH 10:11

Nüngi hathü kü hapakei etuh: Kahvangthü mepai kahdok hatü vangshothü neling, lomi hapa kahdok hatü vangsho phang kübü mahdaihen.

ISAIAH 66:1

Shembüpai hapakei enyüke: “Vangsho-ü ngelei ong uoshing, kahdoknyü-ü ngelei la shoupshing. Menüng keipü shem amphongi ngei kü melei vephahenang? Ngei nyiumeihen shing melei nyüpa?

2 SHÜPPÜKENGPÜ 2:12

Shao Hirami, “Kahdok vangsho lingpü, David kü kon kohpü, yao-aokpü hatü danaokpü koni maei Shembüpa kü phopshem hük vehen hatü laophü shing ongshem vehen nangkü hapeü shuohpü Shembüpa, Israel Kahvangei men longtuh” shei e.

1 ONGPATHÜ 8:27

Shejao hingmei, Kahvangü kahdoknyülei nyuhen je? Vangsho dangkao hapa keiha peü mü shaopü vangsho kü dangkao nüng necha-ükhih; shejema mekei etü hajük maanpü ngei vepü Phopshem kü nüng chahenang!

EZRA 1:5

Hahepak kü Judah hatü Benjamin phang kü shangjingthü, ngongpathü hatü Levi amüamei mongkü Kahvangi thong, aongei Jerusalemei Shembüpalei shem vehen tem.

EZRA 3:7

Persia ongpa Cyrus-i shahkung shuohpükei jomi yaong shangpüthü hatü pü mistrithü kü lop shuoh, hatü Sidon hi Tyre ami Lebanon kübü Joppa thahshi cedar pü yung kü bhongei shanhen nangkü hahying hatü mainga shuoh.

EZRA 4:3

Shejao Zerubbabel, Jeshua, hatü Israel phangthü kübü shangjingthüi, “Hamei Kahvang kü phopshem vehen ammei phaihan meheyao neshiüpih. Persia am Cyrus ongpai ham kü epükei Shembüpa, Israel Kahvangei shemü hami mon vehen” shei e.

MENVIH KESHO 136:26

Oh vangsho Kahvang kü menvih shuohtuh, büpa bampü den kü nyunyeih.

ISAIAH 41:2

Üpai heongphi leipü hampa hük vamhütü laophülei dousho shing nyükpa? Büpai jatthü büpalei lak kü shuohnyeih, hatü ongthü büpalei la-i shouptüknyeih; Büpalei yanlui jomphongü bhihla leitüknyeih; büpalei lahhani hahbhang vanglüki deipükei deilangnyeih.

ISAIAH 44:28

Ngei Cyrus kü, “Ngei nangjei nüng vanglem lemhen; Ngei mehe mongnya, ha nüngi dükhen, Jerusalem ne-ei leiyei lingtuh, hatü Phopshem chongnyiam yaong shao sheituh shei nüngi ngeükhüam shuohhen” shei epeih.

ISAIAH 45:1

Shembüpai laophüi jehahpü Cyrus, üpalei lakdahphi kü büpa touei neütükhen, hatü ongthülei wong komtükhen, hatü shem shaden küppü aphen shomnya, büpa kü hapakei enyüke:

DANIEL 6:25

Hahepak kü Darius ongpai kahdoknyü kübü jatphüliphü kü shahlem laolao epü peü touei hapakei nyangteke: “Amphong mü moihiman nyutuh, selam!

JONAH 1:9

Jonah-i, “Ngeiyü Hebrew am hih” shei jangei e. “Ngei Shembüpa, vangsho Kahvang, üpai yungching hatü kahdoknyü ling, büpa kü khümnyüpeih” shei jangei e.

EZRA 5:15

hatü büpai büpa kü, ‘Hathü yah-ei leiyei Jerusalem phopshemei tuhtuh, hatü hapalei shing kü Kahvangei shem vetuh’ shei epeih.

EZRA 6:3

Cyrus ongpai vanglem lempü shongpü bong büpai shahkung yan: Moila shuohhen hatü jakpü moila shuohhen shingvaishi Jerusalem leipü phopshem veyei leituh hatü hapalei chongnyiam yaong haüei pangtuh. Hapa shaopü kü feet 90, ba kü feet 90,

EZRA 6:10

Shejüang jomi vangsho Kahvang kü yah-aokbenüng moilathü shuohhen hatü jomi ongpalei yangnyu hatü hapeüthü shing phophen.

EZRA 7:12

Artaxerxes, ongthü khongkü ongpai vangsho Kahvangei Shahkung nyuhbü hatü ngongpa Ezra touei selam:

NEHEMIAH 1:4

Mechem ngei hathü shah danpa, ngei uotü nyih longi vangsho Kahvang kü thepeiyoungei, shüaeiyungleyei hatü phopei nyupeih.

NEHEMIAH 1:5

Hahepak kü ngei, “Oh Shembüpa, vangpüshuwpü jiüshangi nopü hatü üami nüng kü bam hatü nüngei shahkung jiüshi düknya, hathü kü bampü hupü longpü hatü nyempühanpü vangsho Kahvang;

MENVIH KESHO 85:2

Nüngi nüngei nanglakthüi pungpü hatü jomei mang peü tükteke.

KANDOK 21:1

Ongpa hükei mongdangü Shembüpalei lakmongei nyüke; yungyen hük büpai mongpü lemei shanshihpükei mülangnyüke.

JEREMIAH 27:5

Ngelei ngan longpai hatü ngelei laklu wong longpai ngei kahdoknyü hatü halei nyupü hangku hatü yemhimakthü lingpeih, hatü ngei monghahpü shennyakthü kü shuohpeih.

JEREMIAH 29:10

Shembüpai hapakei enyüke: Mechem bong pejempüan lomhenshang, ngei am touei peihen, hatü am hapa shingei müei leihen shei ngei lahpü jiühühen.

DANIEL 1:21

Danieli ong uoshingei chongphoei Persia ong Cyrus-i Babylon neüpü thahshi nyu.