EZRA 1:1 - DAÜLANGPÜ LAIHING (BSI)

¹ Persia kü Cyrus-i ong vaipü shongpü bong kü Shembüpalei shah Jeremiah homei epü jiühühen shingvaishi Shembüpai Persia ongpa Cyrus-i hapa nyangtü büpalei ongching peü kü baonghen mongnang thonghü:

EZRA 1:1 Referans Kwoze

JEREMIAH 29:10

Shembüpai hapakei enyüke: Mechem bong pejempüan lomhenshang, ngei am touei peihen, hatü am hapa shingei müei leihen shei ngei lahpü jiühühen.

KANDOK 21:1

Ongpa hükei mongdangü Shembüpalei lakmongei nyüke; yungyen hük büpai mongpü lemei shanshihpükei mülangnyüke.

EZRA 7:27

Shembüpa, jenei bühipa Kahvangei men longtuh; mehenangkü büpai hapa keiha Jerusalemei Shembüpalei shem müknyinshekhangshi linghen ongpalei mongkü eteke,

MENVIH KESHO 106:46

Jom yepei deipü ami jom kü shinshanghen mü büpai leihüpeih.

EZRA 6:22

Nyih nyet thahshi jomi mongongshi Daw Neshihpü Aan Mo hahteke; mehenangkü Israel Kahvangei shem lingei leipü kü Assyria ongpai sheühhen mü büpalei mong yeiyahüpü kü jom mongongpai mateke.

DANIEL 2:1

Nebukadnezzar ong vaipü vangbong nyipabü kü büpai mangh hük manghteke. Hapai büpa longi mongshanghü hatü büpa neshiaok.

JOHAN 1:23

Büpai jangei Isaiah thibüi epükei, “Ngeiyü Shembüpalei lem kangshangi temtuh shei jahpanei lenpü ngeü hük hih” shei eteke.

EZRA 1:5

Hahepak kü Judah hatü Benjamin phang kü shangjingthü, ngongpathü hatü Levi amüamei mongkü Kahvangi thong, aongei Jerusalemei Shembüpalei shem vehen tem.

EZRA 4:3

Shejao Zerubbabel, Jeshua, hatü Israel phangthü kübü shangjingthüi, “Hamei Kahvang kü phopshem vehen ammei phaihan meheyao neshiüpih. Persia am Cyrus ongpai ham kü epükei Shembüpa, Israel Kahvangei shemü hami mon vehen” shei e.

EZRA 6:3

Cyrus ongpai vanglem lempü shongpü bong büpai shahkung yan: Moila shuohhen hatü jakpü moila shuohhen shingvaishi Jerusalem leipü phopshem veyei leituh hatü hapalei chongnyiam yaong haüei pangtuh. Hapa shaopü kü feet 90, ba kü feet 90,

EZRA 6:14

Hanangkü Jehoda am behethüi Haggai thibü hatü Iddolei cheha Zekhariah thibü nyi-i teteivanei epü homei shem vepü dousho daei dai. Jomi Israel Kahvangi epükei hatü Persia am Cyrus, Darius hatü Artaxerxes ongthüi shuohpü shahkung keiha phopshem veyei tem.

ISAIAH 44:28

Ngei Cyrus kü, “Ngei nangjei nüng vanglem lemhen; Ngei mehe mongnya, ha nüngi dükhen, Jerusalem ne-ei leiyei lingtuh, hatü Phopshem chongnyiam yaong shao sheituh shei nüngi ngeükhüam shuohhen” shei epeih.

JEREMIAH 1:1

Benjamin kahdok kü Anathothlei nyupü ngongpathü khong kübü Hilkiahlei cheha Jeremiah-i epü shah:

EZEKIEL 38:5

Persia, Kush hatü Put am jom mü inyüshung hatü nyiam athen thentü nyuhen;

DANIEL 6:25

Hahepak kü Darius ongpai kahdoknyü kübü jatphüliphü kü shahlem laolao epü peü touei hapakei nyangteke: “Amphong mü moihiman nyutuh, selam!

DANIEL 9:2

Büpai ong vaipü shongpü bong kü Shembüpai Jeremiah thibü kü Jerusalem bong pejempüan lavüngtoiyei yakphonghen shei epü nang ngei, Danieli daülangpü laithü kü yemei nyu.

ISAIAH 45:1

Shembüpai laophüi jehahpü Cyrus, üpalei lakdahphi kü büpa touei neütükhen, hatü ongthülei wong komtükhen, hatü shem shaden küppü aphen shomnya, büpa kü hapakei enyüke:

DANIEL 1:21

Danieli ong uoshingei chongphoei Persia ong Cyrus-i Babylon neüpü thahshi nyu.