DANIEL 9:5 - DAÜLANGPÜ LAIHING (BSI)

⁵ hami mang thahteke hatü nejiüpü düktükteke. Ham ahshi-üng nemei hatü nüng kü khüteke; nüngi kangpü douthü yakphongtü ham lemnyong kü lüdaiteke.

DANIEL 9:5 Referans Kwoze

MALAKI 3:7

Ambü ampa amei hepak mebü am ngelei shahkungnyü kübü yandaipeih, hatü hathü nedükpeih. Ngei touei mong lepei leikei, hatü ngei am touei lepküshah shei Shembüpa Kahvangi enyüke. Shejao “Ham mekei mong lephen?” shei ammi enyüke.

DANIEL 9:11

Israel am peüi nüngei shahkungnyü kü pungteke, hatü nüngei shah nebanghahhüei lemnyong kü lüdai. Hami nüng khüei mang thahpü nangkü nüng chongphopü Mosa homei shuohpü shahkungnyü kü nyangei nyupü thaüvaü kemei ham kü hetteke.

DANIEL 9:15

“Shaang, Oh Shembüpa, nüngei laklu wong longpai ham Ijip leipü mülangpü hatü shinnyih thahshi nüngei men nemahnechah-i tuhpü Kahvang, hami mang thahteke, hatü hami nejiüpü dükteke.

MENVIH KESHO 106:6

Ham hatü hamei bühipathüi mang thahteke, ham pungteke, nemei-i dükteke.

HEBREW 3:12

Jeihinaü hatü nyahinaüthü, am üpaiyao mang hatü hingnelempü mongdang jüktü vanyangyem Kahvang toueipü lepei nedaihen kenhingtuh.

HOSEA 1:2

Mechem Shembüpai shongei Hosea homei Israel am kü epa, büpai Hosea kü, “Daituh, nüngi laophü shing mükbongjuyungla hük yahtuh, hatü mükbongjuyung hapeüthü bühtuh; mehenangkü nanglakthüi ngei yakphongtü daiyei mükbongjuyung longi düknyüke” shei e.

EZEKIEL 6:9

Hahepak kü nedi-i wüpküpei nyupüthüi mekei jomei mükbongjuyungpü mongdang homei ngei toueipü yandaipa, hatü jom hanghihüpa, ha deih-ei danghen. Haphei küang jomi thahpü mang hatü jiühitnalaipü douthü kü jiühitei deihhen.

YOUNG LAI 1:20

Oh Shembüpa, ngei meshük ponghahnya, veituh; Ngelei mongkü tüngnyüke, Ngei nüng khüpü nangkü, chingyangshongei jüteishangtei, shemongei dipü mahpü mon nyüke.

JEREMIAH 14:7

Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

MENVIH KESHO 18:21

Mehenangkü ngei Shembüpalei lem kü kam; ngelei Kahvang toueipü yanei ngei mang dou nedük.

JEREMIAH 3:25

Jen veüpai lemshi nyudaishah, hatü haipülempai jen kü nyemjümpha. Hashih mebü shinnyih thahshi ham hatü hamei bühipa kemei Shembüpa, hamei Kahvang khüei mang thahteke; hami Shembüpa, hamei Kahvangei shah nebang.

ISAIAH 59:13

Mang thahpü, Shembüpa nelahpü, Kahvang phei nemüi lüdaipü, shüveidoideihen, hatü dehenlaohen eteipü, shahshem ehen deihpü hatü mongdang leipü vamei epü hathü nyüpeih.

ISAIAH 53:6

Jen peü mi keiha lemnyongei dai, jen peü laophüi mongpü lem kü lüdaikem; hatü Shembüpai jen peüei mang büpai kolang.

MENVIH KESHO 119:102

Nüngi ngei kü nyuhpü nangkü ngei nüngei shahkung kübü lepei nelüdainyih.

EZRA 9:6

“Oh ngelei Kahvang, ngei ahshi-üng veüangke, hatü ngelei dhe nüng kü ngangei veihen neaoknyu; ngelei Kahvang; mehenangkü hamei mangi hamei shangjing lümlangteke, hatü pungpü shaipai vangsho thahshi aongdaiteke.

MENVIH KESHO 119:176

Ngeiyü mahdaipü mi keiha lembien kü daipeih; nüngei chongphobü yemtuh; mehenangkü ngei nüngei shahkungthü nebetüknyih.

JEREMIAH 44:3

mehenangkü jomi mang dükpü, hatü ngei mongshihhüpü nangkü ha vampeih. Halei jom nevaijü nüng nevaijü ambü ampa-i nenyingpü kahvang kü ayingshü jakei khümpeih.

YOUNG LAI 1:18

Shembüpayü shahhing, shejao ngei büpai epü khüei yaong; Banghümao, am nanglakthü, ngei ponghahpü kü veihümao; Ngelei thehilathü kemei wüpküpei deilangteke.

YOUNG LAI 3:42

“Hami mang thahteke, hatü nüng khüei yaongteke; hatü nüngi ham kü mang netükpha.

DANIEL 9:9

Hami büpa khülangmao Shembüpa, hamei Kahvangü phahjipü hatü mang tükpü nyüke;

2 ONGPATHÜ 18:12

Hathü kemei jomi jomei Kahvangei ven nedanpü homei vam; jomi büpa mü vangteishuwteipü Shembüpalei chongphobü Mosa homei shuohpü mangtük. Jomi shahkungnyü nebang nevaijü nedük.

2 ONGPATHÜ 21:15

mehenangkü jomei bühipa Ijip kübü vamei leipü nyih kübü shinnyih thahshi jomi ngei touei mang dük, hatü ngei mongshih vamhüteke” shei Shembüpai eteke.

ISAIAH 64:4

Nüng kü hinglemei omdanpüthü kü nüngi dükpü keiha mepa kahvangiyao dükpü jung, üpalei dhaongiyao mangdan, hatü üpalei mükiyao mang-ee.

JEREMIAH 14:20

Hami hamei mang hatü hamei bühipalei mang nyingei peiteke, Oh Shembüpa; mehenangkü nüng khüei hami mang thahteke.

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

EZEKIEL 5:6

Shejao pinnyüi ngelei shahkungthü hatü vanglemthü khüei yaongteke, lebü jatthü hatü ngeihpü shonpü kahmükthü mao pinnyü nemeipüba leiteke; ngelei shahkung hatü vanglemthü yaktükteke.