DANIEL 9:4 - DAÜLANGPÜ LAIHING (BSI)

⁴ Ngei, Shembüpa ngelei Kahvang kü phopei hatü mang lahteke: “Oh Shembüpa, longpü hatü nyempühanpü Kahvang. Üami nüng kü bamnya hatü nüngei shahkungnyü ven bangnya, nüngi hathü kü vangpüshuwpü hatü bampü nedoh-i nyunyüke;

DANIEL 9:4 Referans Kwoze

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

MÜLANGPÜ 20:6

shejao ngei kü bampü hatü ngelei shahkungnyü ven bangpüthü kü denshem haja haja ngei bampü hunyüpeih.

SHAHKÜP 5:10

shejao üami ngei kü bam, hatü ngei epü bangnya, jom kü denshem haja haja ngei bampü hunyüpeih.

2 SHÜPPÜKENGPÜ 7:14

ngelei men kü nyükpü ngelei nanglakthüi maanpü leiyei phopei ngelei dhe yemjema, hatü nemeipü lem kübü mong lepjema, ngei vangsho leipü ha danei jomei mang tükhen hatü jomei kahdok meihühen.

NEHEMIAH 9:32

Hanangkü shaang, Oh hamei Kahvang, longpü wong kohpü hatü nyempühanpü Kahvang, nüngi bampü, vangpüshuwpü jiüshi düknyeih; ham kü, hamei ongthü, ngongpathü, thibüthü, bühipathü hatü nanglakthü kü Assyria am ongthülei hepak kübü shinnyih thahshi peipü shanghahthü kü nüngi shangkhah-i tedeih.

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

1 ONGPATHÜ 8:23

büpai, “Oh Shembüpa, Israel Kahvang, kahdok hatü vangsho kü nüng keipü Kahvang neshiü! Mechem nanglakthüi mong kempai nüngei ven danei kamhenshang, nüngi jom mü vangteishuwteipü jiüshi düknyüke hatü nüngi bampü hunyüke.

MENVIH KESHO 32:5

Hapheikü ngelei mang nüng kü nyinghü, hatü ngelei mang nejolang; Ngei, “Shembüpa kü ngelei mang lahhen” shei e, hatü nüngi ngei pungpü mang tüktükpeih.

SHAHKÜP 7:21

Ammi jom kü tenyem; mehenangkü am mü nyupü Shembüpa, ammei Kahvangü longpü hatü nyembenüng Kahvang nyüke.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

LUK SHAHSHA APPÜ 1:72

Hapakei hamei bühipa kü büpai lahpü phahji huteke, hatü büpalei daülangpü vangpüshuwpü deih-ei dangteke.

JEREMIAH 3:13

Shembüpa, ammei Kahvang khüei mang thahteke, püdhüm meipü peü phangei kung amei kahvang lajeithü kü bampü khih, hatü ngei epü kü nebang shei deih-ei dangtuh shei Shembüpai enyüke.

NEHEMIAH 1:5

Hahepak kü ngei, “Oh Shembüpa, vangpüshuwpü jiüshangi nopü hatü üami nüng kü bam hatü nüngei shahkung jiüshi düknya, hathü kü bampü hupü longpü hatü nyempühanpü vangsho Kahvang;

EZRA 10:1

Mechem Ezra-i phopei, mang lah-ei, thepei Kahvangei phopshem chingshelei shükshi nyupa, Israel am khong longinyüha, baha hatü hashihthü büpa shonei thai, hatü jomao shahyaki thep.

DANIEL 6:10

Shaang, mechem Danieli shahkungnyü yanteke shei danpa, büpa shemei leiyei büpai düngei phopteipükei shem jaandokei aongei Jerusalem phi kübü ümha shadenthü aptü nyih kü jempa jempa aümei shaei büpalei Kahvang kü phop hatü menvih shuohteke.

DANIEL 9:3

Hanangkü ngei Shembüpa Kahvang touei lepei leiyei büpa kü phopei, khümei, shüaeiyungleyei hatü dhoila ashak ümtü, depla nyiotü phop.

SHAHKÜP 7:12

Amphongi hapa shahkungnyüthü bangjema, hatü kenhingei dükjema, Shembüpa, ammei Kahvangi ammei bühipa kü lahpükei büpai am mü lahpü bampü huphahen.

JEREMIAH 32:23

Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”