DANIEL 9:26 - DAÜLANGPÜ LAIHING (BSI)

²⁶ Hapta pejempünyi peihpheikü, thiteiphutükpü ongpayü jütükhen hatü meheyao neshiühen, hatü peikahen nyupü ongpalei veshanthüi chingnyü hatü Phopshem mangtükhen. Dohpütenpeyü bünghiyang kei peikahen hatü dohpü ngoishi vehok nyukahen.

DANIEL 9:26 Referans Kwoze

NAHUM 1:8

Shejao bünghiyang kü yungnyü yungmok laongpü keiha büpai laophülei vepa Nineveh am chemjalak kü mahtükhen, hatü büpai laophülei vepathü vangnyakei changtükhen.

ISAIAH 53:8

Shahhingi nyongpü leitüktü büpa müei dai, hatü üpaiyao büpa nang mong-aaei nedeih. Mehenangkü büpayü yangnyu nyupü kahdok kübü jütük; Ngelei nanglakthüi mang thahpü nangkü büpa kü bheiteke.

MARK 13:2

Hahepak kü Jisui büpa kü, “Nüngi hapa longpü shem eenyüke je? Hatouei yaong hük shangkü hük haüshi nenyupih; peü noei domtükhen” shei e.

1 PETER 2:24

Mang kübü bümei leiyei jen daülangi nyuhen shingvaishi büpai shophang shangei laophülei büm kü jenei mang koteke; büpa mashapü homei jen meiteke.

LUK SHAHSHA APPÜ 24:26

Messiah-i hathü shangpong heühen hatü büpalei müknyinshekhang kü shühen nadang nenyuhampü hiang?” shei e.

MARK 9:12

Büpai jomphong kü, “Hingmei Elijah shong peikahen, hatü büpai lemphü temhen. Shejema mekei etü Shennyak Ha longi shangponghen hatü nyonghühen shei lai kü nyangpa?

MATHI 24:2

Hahepak kü büpai jomphong kü, “Amphongi hathü peü eenyüla? Hingmei ngei am kü enyeih, yaong hükao hük shangkü haüshi nenyuhen; peü noei shüktükkemhen” shei e.

1 PETER 3:18

Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

GALATIA 3:13

Shahkungnyü thaüvaü kübü büpa jen shing thaüvaü hük leiyei Khristai jen angei leiteke; mehenangkü hapa nyangei nyüke: “Pü shangkü üpa aphenshang, büpayü thaüvaütükpü.”

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

DANIEL 11:10

Büpalei chehai hokhen temhen hatü veshan longi daihen hatü yungnyü bünghiyangi keiha peü maoei shanhen hatü vepathülei penyü shaden thahshi hahhen.

DANIEL 9:27

Hapa ongpai hapta hük shingvaishi shennyak longi mü vangpüshuwpü linghen hatü hapa hapta hükkei shing daishi büpai jakpü moila hatü moilathü dohtükhen; hatü hathü shing nangjeiyei benpülangpü shuohpübai büpa shing temtükpü dohpütenpü mangngoi thahshi Phopshemei jiühitnalaibenüng tuhhen.

ISAIAH 8:7

Shembüpai jom khüei Euphrates yungnyü büng keiha Assyria ongpa mü büpalei veshanthü müei peihen; hapayü yunglemthü peü linei yungphaang küpei longhen;

1 PETER 2:21

Ha shingvaishi amphong nyükpeih; mehenangkü Khrista am shing shangpong; amphongi büpalei mien dhaümhen shingvaishi am kü lappü hük tuh-ei nyüke.

JOHAN 14:30

Ngei amphong mü hajük kü ahshi ne-ehen; mehenangkü hapa kahdoknyü vanglem lembü peikünyüke. Büpa ngei shak kü mehe wongao neshiü;

LUK SHAHSHA APPÜ 24:46

hatü büpai jomphong kü, “Hapakei nyangei nyüke, Messiah shangponghen hatü nyih jempabü kü yangei leihen,

LUK SHAHSHA APPÜ 21:24

Jomphong yani mahhen, hatü jatthü peü touei wüpküpei müei daihen, hatü Jerusalemü Kung amei hepak mangngoi thahshi Kung ami la-i shouptükhen.

MARK 13:7

Mechem ammi vehok vampü ngeü hatü vamhen shahjang danhenshang, am tenyem; hayü vamküshasha, shejao dohpü ngoihen shao-üng nyüpeih.

MATHI 22:7

Ongpa mongshih. Büpai veshanthü shomei shennyak jüpüthü jütük, hatü jomei chingnyü awi haptük.

MATHI 22:2

Vangsho ongchingü ong hüki laophülei yeshang shingvaishi yiükjing mo ühpü leshi nyüke.

AMOS 9:5

Shembüpa Kahvangi kahdok kü hongjü hapa nyaüdainyeih; Halei nyupüthüi mahng thepnyüpeih, hatü Ijip leipü Nile yungyen keiha kahdok kemei longei aongtü shemmei shünyüpeih.

AMOS 8:8

Hapa nangkü kahdok nekheühen je? hatü halei nyupüthü peü mahng nethephen je? Kahdoknyü kemei Ijip leipü Nile yungyen keiha aongtü shü, aongtü shüei nyuhen.”

HOSEA 1:9

Shembüpai Hosea kü, “Büpa kü Lo-Ammi shei mentuh; mehenangkü Israel amü ngelei nanglak nevai, hatü ngei jomei Kahvang nevai” shei e.

JEREMIAH 46:7

Nile yung longei aongpü keiha, yungnyüthü büng longpü keiha longpü üpaang?

MENVIH KESHO 22:15

Dükbhaok keiha ngelei wong kemdai, ngelei yei shaapdokei khadai; nüngi ngei mahng mü bhihla kü shükphong.

LUK SHAHSHA APPÜ 21:6

“Ammi hatouei mehe eenya, hathü yaong hük shangkü hük nenyuhen nyihthü ngoikahen; peü noei yaktükkemhen” shei e.

MATHI 23:38

Veituh, ammei phopshem am touei lavüngtoiyei tuhphünyeih.

DANIEL 11:17

Hahepak kü büpalei ongching wong kempai mekei vehok neühen shei küpjan tempai Ijip mü büpai chingmei linghen. Hapa ongching mahtükhen shingvaishi büpai laophülei yiükha doi deishihhen, shejao hapai shei büpa kü nanglei neshiühen hatü aokpü nedanghen.

JEREMIAH 51:42

Babylon shak kü yungching longei aonghen, hapa ngüngpü yungmoki pinnyü lümlanghen.

DANIEL 11:22

Veshanthü hatü vangpüshuwpü ongpa dangkao chemjalak kü maotükhen hatü thittükhen.

2 SAMUEL 21:5

Jomi ongpa kü, “Israel kahmük kü hamei li hümtükhen hatü jütükhen shei üami kon lingnya,

ISAIAH 28:2

Veituh, Shembüpalei wong kohpü pahük nyüke. Hapayü shü ompü vanglük, hatü yingtetlongshaipü vanglük kei wong kohpü yinglükleisho, hatü bünghiyang lenhüpü vang keiha büpalei laki hathü kahdokei shomhen.

ISAIAH 28:22

Shaang ammi langmaanshapshüpü dohtuh, hei nevaijema am yepei shapü nyiamvü wong kohkahen. Shembüpa, Jeiyong Kahvangi kahdok mahtükhen tempüngei dantepih.

DANIEL 11:36

Syria ongpai büpa mongpükei dükhen. Kahvangthü peü mü büpa-üng longpüba shei changmeihen, hatü Jeiyong Kahvang khüei nyembenüng shah longi ehen. Kahvang mongshihpü hepak mangngoi thahshi büpai aokpü dangei ha dükaokhen; mehenangkü mehe temtük, hapayü dükshasha.