DANIEL 9:25 - DAÜLANGPÜ LAIHING (BSI)

²⁵ Hapa nyingtuh: Jerusalem lingei leihen ngeükhüam shuohpü hepak mebü thiteiphutükpü ongpa peipü thahshi hapta nyet nyukahen; hapta pejempünyi kü Jerusalem chingshongthü hatü veyomshing ne-yei linghen shejao hapayü shangpong yakyingpü hepak vaikahen.

DANIEL 9:25 Referans Kwoze

EZRA 4:24

Hapa keiha Persia kü Darius ongpai vanglem lempü vangbong nyipabü thahshi Jerusalemei Kahvangei phopshem vepü dousho nekami yaongdai.

JOHAN 4:25

Ha nyühai, “Messiah lappai, Khrista peikünyüke shei ngei nyingnyüke, hatü mechem büpa peihen, büpai ham kü lemphü ephahen” shei eteke.

JOHAN 1:41

Büpai shongei chejei Simon pongei büpa kü, “Hamphongi Messiah, (lappai, Khrista) pongpeih” shei e.

ISAIAH 55:4

Veituh, ngei büpayü nanglakthü kü denbü hük, hatü nanglakthü shing mübü hük leihüpeih.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

DANIEL 9:23

“Mechem nüngi Kahvang kü phopei chongpangpa, büpai nüng kü jangteke. Büpai nüng kü longi bamnyüke, hatü ngei nüng kü ha ephahen peiküpeih. Ngei nüng kü ha nih-ei ephüshingkü mong shuohtuh hatü manghkhang nyinghahtuh.”

DANIEL 8:25

Büpalei kon nemeipai lueilemei shemmei leihen, büpai ngeiyü peü mü longpü shei changmeihen. Büpai shahvüng neshuoh-i shennyak longi jühen, büpai ongthü khongkü ongpa kü dangkao khüei yaonghen; shejao büpayü hangkulei laki nehongpü kü mahdaihen.

NEHEMIAH 6:15

Hanangkü Elul len nyih hapüngapabü kü nyih pinyipüan mongkü bham lingei temteke.

NEHEMIAH 4:8

Jom peiyei Jerusalem khüei hokhen hatü halei shanghah vamhühen phaüshah showteke.

NEHEMIAH 3:1

Bham hapakei ling. Ngongchong Eliashib hatü jempü ngongpathü dou düknüng dai hatü Mi Shaden ling. Jomi ha daühü hatü hapalei shaden ling; jomi ha Khohük Shangdü thahshi hatü Hananel Shangdü thahshi daühü.

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

PHONGSHANTHÜ DOU 5:31

Israel kü mong leppü shuohhen, hatü mang tükpü danghühen shingvaishi Kahvangi laophülei lakdah philei Mübü hatü Yemleipüba kei longei anshihteke.

PHONGSHANTHÜ DOU 3:15

hatü ammi yangnyu Lingbü jütükpeih, shejao Kahvangi büpa yangei leishihpeih.

MARK 13:14

Shejao mechem ammi nyembenüng jiühitnalai neyaonghen shingei yaongshi eehenshang (iepüthüi ha nyingtuh), Judealei nyupüthüi kahshangthülei nyaidaituh;

MATHI 24:15

Hanangkü Daniel thibüi epü keiha mechem amphongi daülangpü shingei nyembenüng jiühitnalai yaongshi eehenshang (iepüthüi ha nyinghahtuh),

DANIEL 8:11

Vangsho phongshan hük hapa mübü longpü leiteke, hatü nyihjeih büpa kü jakpü moila shuohpeyao yahlang, hatü Phopshem dangkao nyettük.

MENVIH KESHO 71:10

Mehenangkü ngelei vepathüi ngei jühen eteinyüke; jomi ngei khüei thaitü shah shownyüke.

EZRA 7:8

Ongpai ong vaipü bong nyet mü lenyang ngapabü kü jomphong Jerusalemei leiteke.

EZRA 7:1

Bong longi peihpheikü Persia am Artaxerxes ong vaishingkü shennyak hükei men Ezra shei nyu. Ezralei bülem hapakei: Ezralei chepa Seraiah, Seraiahlei chepa Azariah, Azariahlei chepa Hilkiah,

2 SAMUEL 15:25

Hapheikü ongpai Zadok kü, “Kahvangei Vangpüshuwpü Pela chingnyülei leiyei tuhphongtuh. Shembüpai ngei kü phahjiei deihjema, büpai ngei shao halei müei leihen, hatü ngei hapa Pela hatü büpalei nyushing eehühen.

EPHESIA 5:16

hepak mei anglangtuh; mehenangkü nyihthü nemei.

PHONGSHANTHÜ DOU 8:30

Hanangkü Philip halei mokei heihjashingkü Isaiah lai kübü iepü büpai dan. Büpai, “Nüngi mehe ienya, ha nyingnyüla?” shei phe.

MATHI 13:23

Shejao kahmeichong kü vüpü sheiliyü ha hih; hanei ami ha shah bangtü nyingei yahnyüke, hatü kho lomei, pejem lomei, hatü hapüan lomei betjük jüknyüke.

NEHEMIAH 4:2

Büpai büpalei sheühbüthü hatü Samaria leipü veshanthü touei, “Jehoda am patenthüi mehe lingnya? Jomi bham lingei leiaokhen je? Jomi moila shuoh-ei aokhen je? Jomi nyih hük kü temaokhen je? Awi hahtükpü yaongthü khongpü shao mei leiyei lingaokhen je?” shei eteke.

CHONGVENBÜ 3:3

jühen hepak hük, hatü hapa meihühen hepak hük; bentükhen hepak hük, hatü hapa linghen hepak hük;

MIKA 5:1

Ammei veshanthü temtuh, Oh Jerusalem chingnyü veshanthü; mehenangkü jomphongü shümlangteke. Jomi Israel amei vanglem lembüthülei nameen kü nyiamlüngi bheihen.