DANIEL 9:24 - DAÜLANGPÜ LAIHING (BSI)

²⁴ Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

DANIEL 9:24 Referans Kwoze

ROM SHAHSHA APPÜ 5:10

Mehenangkü jen Kahvangei vepa vaishi dangkao büpalei Ha dipü homei jen büpa mü mongjem pongpü vaijema, meshük nyeishi mongjem pheikü büpalei yangnyu homei jen yanghen!

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

BHEI-IE 14:34

Am nyih pinyi kahmük doknüng daipü nyih ieyei shingvaishi vangbong hükbaong heshap ammei mang lat vangbong pinyi am shangponghen.

LEVI 25:8

Sabbath bongthü shing nyet ittuh-Sabbath bongthü nyet nyet shing nyet peü shepjü bong pinyipüshü vamkahen.

PHONGSHANTHÜ DOU 3:22

Mosai e, “Shembüpa, ammei Kahvangi am shingvaishi ammei nanglak khong kübü ngei keipü thibü hük vamhühen. Büpai mehe mehe ephahenshang ammi ha bangtuh,

ISAIAH 56:1

Shembüpai hapakei enyüke: Shahhing noteituh, jiüpü düktuh; Lomi ngelei yemleipü peikahen, hatü ngelei daülangshemshepü shakei vamkahen.

ISAIAH 51:6

Vangshothü kü ngangei veituh, kahdoknyü kü thaungei veituh! Mehenangkü vangshothü peü awshit keiha mahdaihen, hatü kahdoknyü ashak kei chang leidaihen, hatü halei nyupüthü peü maanha keiha didaikemhen. Shejao ngelei yemleipü denden kü nyuhen, ngelei daülangshemshe mechemao nekemdaihen.

MENVIH KESHO 2:6

“Ngei Zion kü hatü ngelei daülangpü shangtao kü Ong hük uohütepih” shei enyüke.

ISAIAH 51:8

Mehenangkü jomphongü ashakviha keiha laongi, hatü dhaüpi hahtükhen; Shejao ngelei daülangshemshepü hatü yemleipü hüdenhalenshi nyukahen.

MENVIH KESHO 45:7

Nüngi daülangshemshepü kü bamnyüke, hatü mang kü jiühitnyüke. Hanangkü Kahvang, nüngei Kahvangi küphüthü shak kü mongongpü mainga nyioei nüng thiteiphuei jepeih.

SHAKEI VAMPÜ 14:6

Hapheikü ngei lebü vangsho phongshan kahdoknyülei nyupüthü kahmük, jat, shahlem laolao hatü nanglakthü touei baonghen shingvaishi shahjangmei kotü vangsho jiamei piyei ee.

HEBREW 2:17

Hanangkü lemphü phikü büpayü laophülei jeihinaü hatü nyahinaüthü kei leihen mü vam, shejüang nanglakthülei mang tükhen shingvaishi jakpü moila leihen büpayü phahji kohpü hatü hingshangpü Kahvang chongphopü dousho kü ngongchong leihen mü vamteke.

EZEKIEL 4:6

Mechem nüngi hapa temhenshang, nüng shao chem lemhen, hapayü lakdah philei lemhen, hatü bong hük shing nyih hük heshap nyih pinyi ngei hannyüpeih; hapakei nüngi Judah amei mang kohen.

SHAKEI VAMPÜ 3:7

Philadelphia kübü Attoi leipü phongshan kü nyangtuh: Hathüyü daülangpü hük, hingshangpü hük, üpalei lakei Davidei sabi nyüpa, üpai aptükjü lebü üpaiyao neküp-aok, üpai küptükjü lebü üpaiyao ne-apaok, hayü büpalei shahthü:

HEBREW 9:26

Hakei vailangmeyü kahdoknyü linghinüng Khrista leiyei leiyei shangponghen vaipeih. Shejao shaang büpai hapa dohpü den kü büpa laophü nying moila shuohpai mang yaktükhen shingvaishi den shing chem mon peipeih.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

JOHAN 3:34

Büpa üpa Kahvangi shom, büpai Kahvangei shah enyüke, mehenangkü büpai Laangha maei shuoh.

2 SHÜPPÜKENGPÜ 29:24

hatü ngongpathüi hathü yum jütü Israel am kempülei mang tükhen shingvaishi moidülei ha iy shuoh; mehenangkü ongpai Israel am peü shingvaishi jakpü moila hatü mang moila shuohhen ngeükhüam shuoh.

1 JOHAN 3:8

Mang thahpü peü kahshihlei hapeüthü; mehenangkü chongpanghinüng kahshih-i mang thahhampeih. Kahshihlei dou mangtükhen mükhong kü Kahvang Ha shakei vampeih.

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

HEBREW 10:14

Mehenangkü moila shan hük shuohpai daütükpüthü den shing changhüshahüteke.

HEBREW 7:26

Mehenangkü jeni daülangpü, eela neshiüpü, nesheihpü, mangthü kübü yanei nyupü, hatü vangshothü shak kü longei aongpü hapa keipü ngongchong anghen jiüpeih.

KOLOSI 2:14

Shahkungi yüpükei jen khüei nyangei nyupü peü thittüktü büpai ha shophang kü aptük.

KOLOSI 1:20

hatü büpa homei monha Kahvangi dou peü kahdoknyülei vaituh, nevaijü vangsholei vaituh büpa touei mongjemhühen, hatü büpalei shophang iy homei chingmei linghen mong hahpeih.

PHONGSHANTHÜ DOU 3:14

Shejao amphongi Daülangpü hatü Hingshangpü Hük yaktük hatü shennyak jüpü am-ang vetükhen ammi yü,

JOHAN 1:41

Büpai shongei chejei Simon pongei büpa kü, “Hamphongi Messiah, (lappai, Khrista) pongpeih” shei e.

LUK SHAHSHA APPÜ 1:35

Vangsho phongshani pinnyü kü, “Laangha Daülangpü nüng shak kü peikahen, hatü Chaipübalei ngani nüng kü dhümhen; hanangkü nüngi anghen naü-ü daülangpü nyuhen; büpa kü Kahvang Ha shei nyükhen.

MARK 1:24

hatü büpai, “Nazareth am Jisu, nüngi hamphong kü mehe dükhen nyüpa? Nüngü Kahvangei Daülangpü Phongshan hük shei ngei nyingnyeih” shei lenei e.

MATHI 11:13

Mehenangkü Johan peishe thahshi mon thihivamthüi hatü shahkungnyüi teteivanei epeih.

MATHI 1:21

Pinnyüi yeshang hük angkahen, hatü nüngi büpa kü, ‘Jisu’ shei menhen; mehenangkü büpai laophülei nanglakthü jomei mang kübü yanglanghen” shei e.

EZEKIEL 28:12

“Shennyak ha, Tyre ongpa kü mahng kesho hük lokeishuoh, hatü Shembüpa Kahvangi hapakei enyüke” shei etuh: “Chem nüngü den ngoipü kü lappü hük, kihikon hatü dhemeilaüma kü den ngoiyei nyuhampeih.

YOUNG LAI 4:22

Oh Zion nela, ammei mang lat hanghipü dohdaihen, Büpai am hajük kü küpei netuhhen. Shejao ammei mang nangkü, Oh Edom nela, büpai am hanghihühen, büpai ammei mang shakei ngaihen.

LEVI 8:15

Mosai mohoh jü, hatü iy hanei yah-ei büpalei lakjaangi moidü daühen moidü leipü vaung kü nyioteke. Aopü iy kemei büpai moidü chongei lang; hapheikü büpai hapa daütük.

PHILIPPI 3:9

hatü shahkungnyü leipü peipü ngelei daülangshemshepü nevai, shejao Khrista kü hinglempü homei hinglempü kü laphentü vampü Kahvang leipü daülangshemshepü kü nyuei ngei büpa kü eehen.

MATHI 4:5

Hapheikü Kahshih-i daülangpü chingnyülei büpa müei deiyei phopshem shem adok deppülei anei yaonghütü,

LUK SHAHSHA APPÜ 21:22

Mehenangkü hathüyü nyangei nyupü peü jiüei bhüh yempü nyih.

PHONGSHANTHÜ DOU 4:26

Kahdoknyü ongthüi temeilemnyüke, hatü vanglem lembüthüi chemi thaitü, Shembüpa hatü büpalei Messiah khüei yaongnyüke.’ ”

EZEKIEL 4:5

Mehenangkü ngei nüng kü nyih kho jem mü büalipüan hannyüpeih; vangbong hük kü nyih hük heshap nüngi Israel amei mang kohen.

ZEKHARIAH 4:14

Büpai, “Hapayü kahdoknyü peüei Shembüpa chongphohen shingvaishi shiteibanei jepü shennyak nyi hih” shei eteke.

ISAIAH 42:4

Büpai kahdoknyülei shahhing mangling thahshi büpai mongmah-ei, nevaijü mong maanei nenyukahen.