DANIEL 9:20 - DAÜLANGPÜ LAIHING (BSI)

²⁰ Mechem ngei shah eyei, phopei, ngelei mang hatü ngelei nanglakthülei mang lah-ei, hatü Shembüpa, ngelei Kahvang kü büpalei daülangpü Phopshem nangkü ngei phopei nyupa,

DANIEL 9:20 Referans Kwoze

MENVIH KESHO 145:18

Büpa kü nyükpüthü peü; shahhing kü büpa kü nyükpüthü peü touei Shembüpa yopailei nyüke.

ROM SHAHSHA APPÜ 3:23

mehenangkü peüi mang thahteke hatü Kahvang müknyinshekhang nengoinyu;

ISAIAH 58:9

Hahepak kü ammi nyükhen, hatü Shembüpai janghen; Ammi sheühshih shei lenhen, büpai, “Ngei hamü nyüpeih” shei ephahen. Ammi am shüveiteipü, ammi mih kü lakjaangi jüpü, hatü nemeipü peü dohdaijema,

DANIEL 9:16

Oh Shembüpa, peihdaipü hepak kü nüngi dükpü daülangpü douthü keiha, nüngi Jerusalem chingnyü kü, nüngei daülangpü kahshang kü hamei mang hatü bühipa ami pungpü nangkü nüng mongshihpü yahlangshihma. Mehenangkü hami mang thahpü nangkü chingyowyüpi jatthü touei ham hai dangteke.

ISAIAH 65:24

Jomi nyükshekü ngei janghen, jomi mang-e shekü ngei danhen.

ISAIAH 6:5

Ngei, “Onyükei!” shei lenteke. “Ngeiyü yahlak neshiü! Mehenangkü ngeiyü jubenyeijaang nedaüpü shennyak, hatü ngeiyü jubenyeijaang nedaüpü shennyakthü mü nyunyüpeih; shejao ngelei müki Ongpa, Jeiyong Shembüpa eeteke.”

MENVIH KESHO 32:5

Hapheikü ngelei mang nüng kü nyinghü, hatü ngelei mang nejolang; Ngei, “Shembüpa kü ngelei mang lahhen” shei e, hatü nüngi ngei pungpü mang tüktükpeih.

SHAKEI VAMPÜ 21:10

hatü laangha kü büpai ngei longpü, shaopü kahshangei müei dai, hatü ngei kü daülangpü chingnyü Jerusalem Kahvang leipü vangsho aptüktü vamei yiükei-i huphüteke.

SHAKEI VAMPÜ 21:2

Hatü ngei Daülangpü Chingnyü ja Jerusalem vangsho leipü vamei yiükjingla hük laophülei baha mü ponghen ow tempükei temtüktü Kahvang leipü yiüküpü ee,

JAKOB 3:2

Jen peüi longi pungnyüpeih. Üpai epü kü nepung, büpayü changpüshapü, hatü laophülei büm kemei shümei tuhaokpü nyüke.

PHONGSHANTHÜ DOU 4:31

Jom phopei tempheikü jom thaipü shing jenteke, hatü jom peü Laangha Daülangpai ma hatü Kahvang shah mong longei e.

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

DANIEL 10:2

Hahepak kü ngei, Daniel hapta jem thepeiyoungei nyu.

ISAIAH 56:7

Hathü peü ngelei daülangpü Zion Kahshangei anhen, hatü ngelei phoppü shemei jom kü mongong shuohhen. Ngelei moidülei jomi shuohpü moila peü ngei yahhen; Mehenangkü ngelei shemü hangkuli peü shingvaishi phoppü shem shei nyükhen.

CHONGVENBÜ 7:20

Kahdoknyü kü mang nethah-i jiüpü mon dükpü daülangpü shennyak üpayao neshiü.

EZRA 10:1

Mechem Ezra-i phopei, mang lah-ei, thepei Kahvangei phopshem chingshelei shükshi nyupa, Israel am khong longinyüha, baha hatü hashihthü büpa shonei thai, hatü jomao shahyaki thep.

NEHEMIAH 1:6

shaang ngei nyakhingai thüngei nüngei chongphopüthüi Israel nanglakthü shing, nüng khüei Israel ami thahpü mang lah-ei phopnyüpeih; nüngei dhaong shaangshih, nüngei müki veishih hatü ngei phoppü danlangshih. Ngei hatü ham shemi mang thahteke.

DANIEL 10:12

Hahepak kü büpai ngei kü, “Daniel, nüng tenyem. Shongpü nyih kübü pangei kihikon danghen shingvaishi nüng nyingi Kahvang touei nenteiaokei leihen mü ngei mong kü temteke, hatü nüngi phoppü dantepih, hatü shaangao nüngi phoppü kü jangei peinyüpeih.

DANIEL 11:45

Büpai yungching hatü nethe meipü kahshang nyi aa kü longhiongei ashakshem longpü vehen. Shejao üpaiyao büpa kü sheühhen neshiüi büpa hammü dihen.