DANIEL 9:16 - DAÜLANGPÜ LAIHING (BSI)

¹⁶ Oh Shembüpa, peihdaipü hepak kü nüngi dükpü daülangpü douthü keiha, nüngi Jerusalem chingnyü kü, nüngei daülangpü kahshang kü hamei mang hatü bühipa ami pungpü nangkü nüng mongshihpü yahlangshihma. Mehenangkü hami mang thahpü nangkü chingyowyüpi jatthü touei ham hai dangteke.

DANIEL 9:16 Referans Kwoze

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

JOEL 3:17

Hanangkü ngeiyü Shembüpa, ammei Kahvang, Zion, ngelei daülangpü kahshangei nyunyeih shei ammi nyinghen, hatü Jerusalemü daülangpü shing vaihen, hatü kong ami hajük kü ha ching nehahhen.

DANIEL 9:20

Mechem ngei shah eyei, phopei, ngelei mang hatü ngelei nanglakthülei mang lah-ei, hatü Shembüpa, ngelei Kahvang kü büpalei daülangpü Phopshem nangkü ngei phopei nyupa,

MENVIH KESHO 31:1

Oh Shembüpa, ngei nüng kü loishing yemnyeih; nüngi ngei teveühü, nüng daülangshemshepai ngei yangtuh.

MENVIH KESHO 79:4

Hamü hamei chingyowthü touei ne-ienelempü, hatü ham shinei nyupüthü touei yaüeilungtükpü douthü leidaiteke.

MENVIH KESHO 71:2

Nüng daülangshemshepai ngei kü sheühshih hatü yangshih; ngei kü nüngei dhaong shaangshih, hatü ngei yangshih.

MÜLANGPÜ 20:5

Ammi hathü kü aümei tesha nevaijü ha kü tekhüm; mehenangkü ngeiyü Shembüpa, ammei Kahvangü mükhühpü Kahvang. Ngei yaktükpü nyühipathülei hühihathü kü denshem jem, ali thahshi ngei hanghi shuohnyüpeih,

1 JOHAN 1:9

Jeni jenei mangthü lahjema, jenei mang peü tükphahen hatü nedaüpü lemphü kübü daüphahen büpayü monglemaokpü hatü shahhing nyüke.

2 THESALONIKA 1:6

Kahvangü shahhing: Büpai am kü shanghah shuohpüthü kü shanghah,

EZEKIEL 5:14

Mih peihpü leipü peüi eeshi am shonei nyupü jatthüi am kü eelahen hatü ngei amü lavüngtoiyei leitükhen.

JEREMIAH 32:32

mehenangkü Israel hatü Judah nanglakthü mü jomei ongthü, lakchongbüthü, ngongpathü, thibüthü, Judah shennyakthü hatü Jerusalemei nyupüthülei mangi ngei mongshihhüpeih.

JEREMIAH 29:18

Ngei jom kü yan, münghishaü, hatü chamhilemi changhen, hatü melei ngei jom shomhen hatouei jomü kahdoknyü ongchingthü peü touei jiühitbenüng, thaüvaütükpü dou, nyembenüng, eelanyongnya leihühen;

JEREMIAH 24:9

Ngei jomü kahdoknyü jatthü peü touei nyemhübenüng, mang dou leihühen, ngei metouei jom changei deishihhen, halei jomü peüi yaüpülungpü, mihnyi pü, eelanyongnya dou hatü thaüvaüthemthe leihühen.

MENVIH KESHO 143:1

Oh Shembüpa, ngei phoppü bangtuh; nüng shahhing epai banglangshih; nüng daülangshemshepai ngei kü jangshih.

MENVIH KESHO 41:13

Shembüpa, Israel Kahvangei men hüdenhalenshi vihtuh, Amen! Amen!

NEHEMIAH 9:8

Büpalei mongdangi nüng kü hinglempü nüngi nying, hatü nüngi büpalei hühihathü kü Kanan, Hit, Amor, Perizz, Jebus hatü Girgash amei kahdok shuohhen büpa mü vangpüshuwpü lingteke. Nüngi lahtükpü lakshing tuh; mehenangkü nüngü shahhing nyüke.

1 SAMUEL 2:7

Shembüpai taohünyeih, hatü anghünyeih; Büpai maanpü leihünyeih hatü longei anshihnyeih.

MENVIH KESHO 85:4

Ham müei leituh, Oh ham yemleipü Kahvang, hatü nüngi ham kü mongshihpü yaktükshih.

ISAIAH 5:25

Hanangkü Shembüpa mongshihpü laophülei nanglak khüei nyüke; büpalei lak noei büpai jom kü üpnyüke; kahshangthü jennyüke, hatü mahngthüyü chingshong leipü nyüphinya keiha nyüke.

JEREMIAH 32:31

Hapa chingnyüi ngei lingei tuhpü nyih kübü shinnyih thahshi ngei mongshih vamhüpeih; hanangkü ngei toueipü hapa nüngtükhen,

DANIEL 11:45

Büpai yungching hatü nethe meipü kahshang nyi aa kü longhiongei ashakshem longpü vehen. Shejao üpaiyao büpa kü sheühhen neshiüi büpa hammü dihen.

MENVIH KESHO 89:51

Mepa homei nüngei vepathüi ne-ienelemnya, Oh Shembüpa, mepa homei jomi nüngi jelangpülei lameen kü yaünya!

EZEKIEL 22:4

Ammi yenhüpü iy homei am pungteke, hatü ammi lingpü lajei homei am sheihdaiteke; ammi-üng nyih shoh-ei leihahteke; dohhen ittükpü ammei vangbongthü ngoiteke. Hanangkü ngei jatthü touei amphongü ne-ienelempü dou hük, hatü kahmükthü peü touei mihnyipü leitükhen.