14 Hanangkü Shembüpai ham kü hanghi shuohteke; mehenangkü Shembüpa Kahvangi dükpü lemphüli jiüpü nyüke; shejao hami büpalei ven nebang.
Oh Shembüpa, nüngü daülangpü, shejao shinnyih hamü veüi jümtü nyüpeih– Judah shennyakthü hatü Jerusalem nanglakthü yopailei hatü tailuei Israel nanglakthü kung kahdokei nüngi haitükpeyü jomi nüng kü hingnelempü nangkü khih.
Ham kü dhaümpü peü kü nüngü shahhing nyuhampeih, nüngi jiüshi dükpeih, shejao hami nejiüi dükpeih.
Mehenangkü ngei jom kü mei shing nevai, shanghah shuohhen nangkü veishi nyuhen; Ijiplei nyupü Jehoda am peü mangmahkem thahshi yan hatü münghishaü homei dihükemhen.
Iy yenhüpü mang kübü ngei yangshih, Oh Kahvang, ngei yangpü Kahvang, hatü ngelei jui nüngyemleipü jung kesho wongmü lokhen.
Ngei jom bhitükhen, vütükhen, yaktükhen, mangtükhen hatü shanghah koei peihen lishi dükpü keiha jom linghen hatü sheihenao lishi dükhen.
Hahepak kü Israel am lakchongbüthü hatü ongpa jom peü maanpü leitü, “Shembüpai dükpeyü jiüpeih” shei e.
Phahjipü hatü daülangpeyü Shembüpa; jenei Kahvangü phahjinyeih.
Nüngü daülangpü, Oh Shembüpa, hatü nüngei shahkungü shahhing.
Hahepak kü Pharaoh-i Mosa hi Aaron nyi nyükei, “Shinnyih-ü ngei mang thahteke; Shembüpayü jiüshangpü nyüke, shejao ngei hatü ngelei nanglakthü nejiüpü khih.
Oh Shembüpa, Israel Kahvang, nüngü shahhing! Shinnyih nüngi ham yangei tuhteke. Hamei mang nüng kü lahnyüpeih; ham nüng touei peihen jiüpü neshiüpih” shei phopei e.
Büpalei lakdou-ü shahhing, hatü jiüshangi nyüke; büpalei shahkungthü hinglembenüng.
Jomü kah yompü am kei shinei thainyüke; mehenangkü pinnyüi ngei khüei yaongteke, shei Shembüpai enyüke.
Oh Shembüpa, ngei paoh nüng khüei ngelei nang shah deikülangmeyü, nüng-üng jiüshi chongkahen. Shejao nüng touei shahhing nang shah pheshah. Mehekei mangthüang daeishehünya? Mehekei shahhing ne-epüthü aokpü danghünya?
Pinnyülei vepathüang shembü leidai, pinnyü kü khüpüthüang daeishenyüke; Mehenangkü pinnyülei mang ahshi longpü nangkü, Shembüpai pinnyü shangponghü, pinnyülei moihiyangthü sheteishangei wüpküpei deilangteke.
Mehenangkü ammei thehila nyihthü ammi deih-ei nedang, shejao hathü doui ngei mongshihhüpeih. Hanangkü ammei douthü ammei shangjing kü kohüpeih shei Shembüpa Kahvangi enyüke. Ammei jiühitnalai douthü mü ammi shao mükbongjuyung nedükangpü je?
Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.