DANIEL 9:13 - DAÜLANGPÜ LAIHING (BSI)

¹³ Mosa shahkungnyü kü nyangei nyupü hanghi kemei ham kü hetteke, shejao hamei mang kübü mong lepei, nüngei shahhing phei müei Shembüpa, hamei Kahvang bampü yemei nelei.

DANIEL 9:13 Referans Kwoze

DANIEL 9:11

Israel am peüi nüngei shahkungnyü kü pungteke, hatü nüngei shah nebanghahhüei lemnyong kü lüdai. Hami nüng khüei mang thahpü nangkü nüng chongphopü Mosa homei shuohpü shahkungnyü kü nyangei nyupü thaüvaü kemei ham kü hetteke.

JEREMIAH 2:30

Angsha kü ngei ammei nanglakthü kü shüveipü khih, shejao jomi yeanpü neyahnyu. Aeipü mailangi keiha ammi ammei thibüthü ammei yani jütükpeih.

ISAIAH 9:13

Shembüpai hajük Israel am kü hanghi shuohjao, mong lepei nelei, nevaijü büpa neyemnyu.

HOSEA 7:10

Israel am changmeipai jom khüei denpü nyüke, shejao jomi jomei Shembüpa, Kahvang touei mong nelep, nevaijü büpa yemei nelei.

JEREMIAH 31:18

Ephraim ami khümei epü ngei dantepih: Ngeiyü han hokhen mangnyuhpü mohoh cheha kei nyushingkü nüngi ngei kü nyuh, hatü ha ngei nyingei yahpeih. Ngei müei leituh, ngei nyokei leiküshah, mehenangkü nüngü ngelei Shembüpa Kahvang.

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

MENVIH KESHO 119:27

Nüngei shahkungnyü lem ngei kü nyinghütuh, hatü ngei nüngei thamapü douthü jung yemhen.

JOB SHAHSHA APPÜ 36:13

Kahvang nenyingpüthülei mong kü düngei mongshih-ei mon nyunyeih, hanghi ponglangmao jomi sheühpü yüei nephopnyih.

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

EPHESIA 4:21

Hingmei ammi büpa jung danteke, hatü Jisu kü nyupü shahhing keiha büpa phei müpü amphong kü nyuhteke.

JOHAN 10:35

Üam touei Kahvangei shah pei, hathü kü ‘Kahvangthü’ shei nyükjema laihing shah mangtüknüng neaok–

JOHAN 8:32

hatü ammi shahhing nyinghen, hatü shahhingi am bümei leihühen” shei e.

JOHAN 6:45

Thibüthüi ha nyangei nyüke: ‘Jom peü kü Kahvangi nyuhnyeih. Üpai Pa kü bangnya, hatü büpa leipü nyinghahnya, ngei touei peinyeih.

LUK SHAHSHA APPÜ 24:45

Hapheikü laihing nyingaokhen büpai jomei mong aphü,

HOSEA 7:14

Jomei mong kempai ngei kü nephop, shejao yangtü jomi thepnyüke; Mechem jomi nükhiyiü yüei phophenshang, jomi ngei khüei yaongnyüke.

HOSEA 7:7

Jom peü awdep kei shaampai jomi jomei ongthü jütüknyüke. Jomei ongthü hük pheikü hük jütüknyüke, shejao üpaiyao ngei kü sheühpü yiüei nephopnyu.

YOUNG LAI 5:21

Oh Shembüpa! Ham nüng touei müei leihahtuh, sheleipü hamei müknyinshekhang nyokei yahshih.

JEREMIAH 44:27

Mehenangkü ngei jom kü mei shing nevai, shanghah shuohhen nangkü veishi nyuhen; Ijiplei nyupü Jehoda am peü mangmahkem thahshi yan hatü münghishaü homei dihükemhen.

ISAIAH 64:7

Nüngei men kü üpaiyao nenyük, nevaijü nüng kü neshong; Mehenangkü nüngei dhe ham toueipü jolang, hatü hamei mang tata kü ham yakphongteke.

ISAIAH 42:9

Veituh, sheleipü douthü peü dhaümei peiteke, hatü shaang ngei doujathü enyeih; hathü vamshe kü-üng ngei am kü hathü nang enyeih.

MENVIH KESHO 119:73

Nüngei laki ngei ling, hatü yeanei lingpeih. Nüngei shahkungnyü nyinghen ngei kü danaokpü kon yahshih.

MENVIH KESHO 119:18

Nüngei shahkungnyü kübü thamapü douthü kü veiaokhen shangmü ngelei mük apshih.

MENVIH KESHO 85:4

Ham müei leituh, Oh ham yemleipü Kahvang, hatü nüngi ham kü mongshihpü yaktükshih.

SHAHKÜP 29:4

Shejao shinnyih thahshi Shembüpai am kü danaokhen mongdang, eehen mük hatü danhen dhaong mangshuoh.

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

2 ONGPATHÜ 22:16

‘Shembüpai hapakei enyüke, ngei hapa shing hatü halei nyupüthü kü ongpai iepü hapa Lailei nyupü shanghah peü koei peihen.

ISAIAH 43:22

Shejao amphongi ngei kü nenyük, Oh Jakob; Ammi ngei kü tengei nyupeih, Oh Israel!

ISAIAH 64:6

Ham peüi mang thahteke, hatü hamei daülangpü douthü kemei ashakten kei leidai; Ham peü phenlak lei kaudai, hatü vanglüki keiha hamei mangi ham maoei lüdai.

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

JEREMIAH 44:23

Ammi ayingshü jakei Shembüpa khüei mang thah hatü büpalei shah nebang nevaijü büpalei shahkung hatü vanglem kü nemüpü nangkü ammi shaang ponghahpü shanghah am kü peipeih” shei e.

EZEKIEL 16:43

Mehenangkü ammei thehila nyihthü ammi deih-ei nedang, shejao hathü doui ngei mongshihhüpeih. Hanangkü ammei douthü ammei shangjing kü kohüpeih shei Shembüpa Kahvangi enyüke. Ammei jiühitnalai douthü mü ammi shao mükbongjuyung nedükangpü je?