DANIEL 9:12 - DAÜLANGPÜ LAIHING (BSI)

¹² Nüngi ham hatü hamei vanglem lembüthü khüei dükhen shei epü shahthü peü ham kü shangpong longpü shuohpai jiüteke, hatü mepa Jerusalem khüei nyüpa, hapa keiha vangsho phangkü mechemao nedükangpih.

DANIEL 9:12 Referans Kwoze

EZEKIEL 5:9

Ammei jiühitnalaipü douthü nangkü ngei shelei chemao nedükpü dou hatü ngoikahen kao nedükhen dou ngei am kü dükhen.

YOUNG LAI 1:12

Ngei kü veihümao, amphong peihpü leipüthü; Shembüpa, büpai mongshih anei ngei kü shuohpü hanghi kei üpaiyao nepongangpih.

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.

YOUNG LAI 2:17

Shembüpai mehe dükhen shei tem, büpai ha dükteke; Büpai shelei mebü epü keiha, phahji neshiüi am mahtükteke. Büpai ammei vepathü kü aokpü danghüteke; Am dopü nangkü jom kü mongong shuohteke.

YOUNG LAI 2:13

Oh Jerusalem, ngei nüng kü mehe ephahenang? Ngei nüng mekei nyiumeihühen? Nüng kei üpaiyao shangnepongangpih, Oh Zion nelanyü. Nüngei shangpong yakying yungching kei chüshi nyüke, üpai ha meitükphahen?

JOB SHAHSHA APPÜ 12:17

Büpai vanglem lempüthü kon neshiüi leitüknyeih, hatü shahphenbüthü ngapathü kei leitüknyeih.

ROM SHAHSHA APPÜ 15:8

Bühipathü kü lahpüthü büpai jiühühen nangkü Kahvangei shahhing men kü Khristayü japtükpüthülei chongphobü leipeih shei ngei am kü enyeih,

LUK SHAHSHA APPÜ 21:22

Mehenangkü hathüyü nyangei nyupü peü jiüei bhüh yempü nyih.

MARK 13:19

Mehenangkü hathü nyih kü Kahvangi kahdoknyü linghinüng chemao mangvampü hatü shao mechemao nevamhen shanghah hük nyuhen.

MATHI 24:21

Mehenangkü hapa hepak keyü kahdoknyü chongpanghinüng shaang thahshi kü mechemao hapakei nenyupü hatü mechemao hapakei nenyukahen shanghah hük nyuhen.

MATHI 5:18

Hingmeipa ngei am kü enyeih, vangsho hatü kahdok mangpeih thahshi shahkungnyülei nyangpü hatü pinpü shah maanpü hük dangkao mangjiü thahshi ha peih-ei nedaihen.

ZEKHARIAH 1:8

Yanüng ngei manghkhang hük kü shennyak hük koyei hakla kü uoshi ee. Büpa myrtle püying shoshowlei yaongshi, hatü büpa pheikü koyei hakla, manghshemi hakpü hatü shola shei eeteke.

ZEKHARIAH 1:6

Ngelei shahthü hatü ngelei shahkungnyüthü ngei chongphopü thibüthü homei eteke, shejao ambü ampai ha bangphei hiang hatü hanghi nepongangpü je? Hanangkü jom mong lep, hatü eteke, “Jeiyong Shembüpai jen kü jenei lemthü hatü douthü kü shangpükei büpai dükhen shei tempükei jen kü dükphüteke.”

AMOS 3:2

Kahdoknyü jatthü peü khongkü ngei am mon nyingpeih; Hanangkü ammei mang lemphü nangkü ngei am hanghihühen.

JOEL 2:2

Hapayü vangnyak hatü vang yimpü nyih hük, phumnyaki jümpü shangmang nyih hük vaikahen! Vang mangei kahshangthü banglangpü keiha, longpü, hatü wong kohpü veshanthü kei shouk peikünyüke; Aivang den kao jom mechemao hapakei nenyu, nevaijü ngoikahen denhivan kao hapakei nechongkahen.

EZEKIEL 13:6

Jomei manghkhangü nejiü, hatü jom tetpüvanpü kemei shahshem. Shembüpai jom neshomshomi, “Shembüpai hapakei enyüke” shei enyüke hatü jomi epü nyemjiüja shei deihnyüke.

YOUNG LAI 4:6

Sodom am kü hanghihüpü kao nyeishi, ngei ngelei nanglakthü kü hanghi shuohteke; Sheühhen neshiüi kansho hük mong aa kü noei yaktükteke.

KANDOK 8:16

Ngei-i vanglem lempüthü vanglem lemhünyeih;

MENVIH KESHO 148:11

Kahdoknyü hatü nanglak peüi; ong hatü vanglem lempüthü peüi;

MENVIH KESHO 2:10

Hanangkü ongthü, kon kohtuh; shahvüng bangtuh, amphong vanglem lempüthü.

1 ONGPATHÜ 3:9

Hanangkü nüngei chongphobü kü nanglakthü shak kü vanglem lemhen hatü mang hi mei baong hanei yao-aokhen kihikon yahshih. Hei nevaijema mekei etü hajükpü nüngei nanglakthü shak kü vanglem lemaokhen?” shei e.

JEREMIAH 30:7

Hapa nyih meshük nyembenüng nyuhenang! Mepa nyih-ao hapa mü shetteihen neaokpih. Hapayü Jakob shing shanghah hepak nyuhen, shejao ha kübü büpa yangdaihen.”

JEREMIAH 32:23

Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”

JEREMIAH 39:16

“Daituh, hatü Ethiopia am Ebed-Melekh kü, ‘Jeiyong Shembüpa, Israel Kahvangi hapakei enyüke’ shei etuh: Ngei epü shah keiha hapa chingnyü kü moihimani nevai, shanghah dhaümkahen. Hapa vampü hepak kü nüngao ha eehen mü halei nyuhen.

JEREMIAH 44:23

Ammi ayingshü jakei Shembüpa khüei mang thah hatü büpalei shah nebang nevaijü büpalei shahkung hatü vanglem kü nemüpü nangkü ammi shaang ponghahpü shanghah am kü peipeih” shei e.

DANIEL 12:1

Hahepak kü longpü vangsho phongshan Mikhael, üpai nüngei nanglak yomnya, büpa peikahen. Jatthü chongpanghinüng hapakei chemao mangvampü shangpong yakying hepak hük peikahen. Shejao shangpong hepak kü nüngei nanglakthü üamei men laitap kü nyangei nyu, yanghen.

ZEKHARIAH 7:12

Shahkungnyü hatü Jeiyong Kahvangi büpalei laanghai thibüthü homei shompü shahthü nebangnüng shei jomei mongdang yaong kei vaandai. Hanangkü Jeiyong SHEMBÜPAleipü mongshih longpü peiteke.

2 ONGPATHÜ 22:16

‘Shembüpai hapakei enyüke, ngei hapa shing hatü halei nyupüthü kü ongpai iepü hapa Lailei nyupü shanghah peü koei peihen.

ISAIAH 43:28

Hanangkü ngei phopshem leipü pameithü veühüpeih; Jakob chemjalak kü mangtükhen, hatü Israel am mih-i shahlong ehahhen hanpeih.