DANIEL 9:11 - DAÜLANGPÜ LAIHING (BSI)

¹¹ Israel am peüi nüngei shahkungnyü kü pungteke, hatü nüngei shah nebanghahhüei lemnyong kü lüdai. Hami nüng khüei mang thahpü nangkü nüng chongphopü Mosa homei shuohpü shahkungnyü kü nyangei nyupü thaüvaü kemei ham kü hetteke.

DANIEL 9:11 Referans Kwoze

JEREMIAH 9:26

Hathüyü Ijip, Judah, Edom, Ammon, Moab hatü jomei sho shohloh-i jappüthü peü. Mehenangkü bhih kahdokei nyupü jatthü peü, hatü Israel am kemei jomei mongdang shuw nejapi nyüke.

2 ONGPATHÜ 22:16

‘Shembüpai hapakei enyüke, ngei hapa shing hatü halei nyupüthü kü ongpai iepü hapa Lailei nyupü shanghah peü koei peihen.

ISAIAH 1:3

Mohoh-i laophülei shembü, gadui laophülei shembüi het ühshing nyingnyüke, shejao Israel ami ha nenyingnyu, ngelei nanglaki ha nedanaoknyu.

ISAIAH 43:28

Hanangkü ngei phopshem leipü pameithü veühüpeih; Jakob chemjalak kü mangtükhen, hatü Israel am mih-i shahlong ehahhen hanpeih.

JEREMIAH 2:29

Mehekei ammi ngei khüei eelanya? Ammi ngei khüei yaongteke, shei Shembüpai enyüke.

JEREMIAH 32:23

Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”

JEREMIAH 40:3

hatü shaang büpai ha düknyu khih; büpai dükhen shei epükei shaang büpai ha dükteke. Hathü kemeiyü am nanglakthüi Shembüpa khüei mang thah, hatü büpalei ven nedanpü homei vampeih.

JEREMIAH 44:23

Ammi ayingshü jakei Shembüpa khüei mang thah hatü büpalei shah nebang nevaijü büpalei shahkung hatü vanglem kü nemüpü nangkü ammi shaang ponghahpü shanghah am kü peipeih” shei e.

DANIEL 9:5

hami mang thahteke hatü nejiüpü düktükteke. Ham ahshi-üng nemei hatü nüng kü khüteke; nüngi kangpü douthü yakphongtü ham lemnyong kü lüdaiteke.

DANIEL 9:13

Mosa shahkungnyü kü nyangei nyupü hanghi kemei ham kü hetteke, shejao hamei mang kübü mong lepei, nüngei shahhing phei müei Shembüpa, hamei Kahvang bampü yemei nelei.

ZEKHARIAH 7:12

Shahkungnyü hatü Jeiyong Kahvangi büpalei laanghai thibüthü homei shompü shahthü nebangnüng shei jomei mongdang yaong kei vaandai. Hanangkü Jeiyong SHEMBÜPAleipü mongshih longpü peiteke.

ZEKHARIAH 8:13

Oh Judah hatü Israel phang, jatthü khongkü am thaüvaütükpü jat nyuteke, shejao ngei am yanghen, hatü amü moihimanpü hük vaihen. Tenyem, shejao monglongtuh.”

SHAHKÜP 8:20

Shembüpa, ammei Kahvangei shah nebangjema, ammi eeshi Shembüpai lebü jatthü mahtükpükei amphongao mahtükhen.

2 ONGPATHÜ 18:12

Hathü kemei jomi jomei Kahvangei ven nedanpü homei vam; jomi büpa mü vangteishuwteipü Shembüpalei chongphobü Mosa homei shuohpü mangtük. Jomi shahkungnyü nebang nevaijü nedük.

JEREMIAH 6:19

Bangtuh, Oh kahdoknyü; Veituh, ngei hapa nanglak kü shanghah koei peihen, hayü jomi linghahpü kü vampü betjük; mehenangkü jomi ngelei shah kü nehaka, hatü ngei nyuhpüvenpü kü nenyakneken, jomi ha yaktükteke.

JEREMIAH 16:11

nüngi jomphong kü hapa etuh: Mehenangkü shejema ambü ampai ngei yakphongtü lebü kahvangthü phei müei, chongphoei hatü khümpü nangkü ha vampeih shei Shembüpai enyüke. Jomi ngei yakphong hatü ngelei shahkung nebang.

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

JEREMIAH 44:22

Shembüpai ammi dükpü mang dou hatü jiühitbenüng douthü nenenaokpü nangkü ammei kahdokü lavüngtoiyei shennyak nenyu-i thaüvaü dou hük shinnyih thahshi leitükpeih.

ZEKHARIAH 1:6

Ngelei shahthü hatü ngelei shahkungnyüthü ngei chongphopü thibüthü homei eteke, shejao ambü ampai ha bangphei hiang hatü hanghi nepongangpü je? Hanangkü jom mong lep, hatü eteke, “Jeiyong Shembüpai jen kü jenei lemthü hatü douthü kü shangpükei büpai dükhen shei tempükei jen kü dükphüteke.”