DANIEL 8:13 - DAÜLANGPÜ LAIHING (BSI)

¹³ Hahepak kü Daülangpü Hüki epü ngei danteke, hatü lebü Daülangpü Hüki shelei epü hük kü eteke, “Manghkhang kü nyihjeih moila shuohpü yahlangpü, mangi chingyan kahpaan koei peipü, Phopshem lanei shuohtükpü hatü phongshanthü la-i shoupei eepü meshük lushi nyukahenang?”

DANIEL 8:13 Referans Kwoze

SHAKEI VAMPÜ 11:2

shejao phopshem chingshe teshet; ha tuhphongtuh, mehenangkü hayü jatthü kü shuohtükpeih, hatü jomi hapa daülangpü chingnyü kü len pinyipünyi thahshi la-i shouphen.

SHAKEI VAMPÜ 6:10

Jomphongi ngeüwong anei, “Jeiyong Shembüpa, daülangpü hatü hingshangpü, kahdoknyülei nyupüthü kü hamei iy nangkü nüngi shahphenhen hatü bhüh yemhen shekü meshük lushi nyuhen?” shei lenteke.

LUK SHAHSHA APPÜ 21:24

Jomphong yani mahhen, hatü jatthü peü touei wüpküpei müei daihen, hatü Jerusalemü Kung amei hepak mangngoi thahshi Kung ami la-i shouptükhen.

DANIEL 9:27

Hapa ongpai hapta hük shingvaishi shennyak longi mü vangpüshuwpü linghen hatü hapa hapta hükkei shing daishi büpai jakpü moila hatü moilathü dohtükhen; hatü hathü shing nangjeiyei benpülangpü shuohpübai büpa shing temtükpü dohpütenpü mangngoi thahshi Phopshemei jiühitnalaibenüng tuhhen.

DANIEL 11:31

Büpai shompü veshanthüi Phopshem nyettükhen. Jomi nyihjeih moila shuohpü dohtükhen hatü benpülangpü peihüpü jiühitnalai halei tuhhen.

DANIEL 4:13

Ngei mechem lüngei lemtü manghkhang jung deih-ei nyupa, phongshan hük, thamashi, vangsho leipü yiükei-ei eeteke.

1 PETER 1:12

Thihivamthüi jom shing chongphonyu nevai, shejao vangsho leipü shompü Laangha Daülangpai am kü shahjangmei chongvenpü ami am kü shaang ephopü douthü jung epai jomi am chongphoteke. Hathü dou vangsho phongshanthüi dangkao veihen ongyangnyüke.

HEBREW 10:29

Üami Kahvang Ha kü la-i shoup, jom daütükpü vangpüshuwpü iy sheihtük, hatü phahjipü Laangha kü ne-ienelempüthü kü meshük nemeipü hanghi danghen shangpeih shei ammi deihnya?

1 THESALONIKA 3:13

Jenei Shembüpa Jisu, büpalei daülangpüthü peü mü yiüshingkü jenei Kahvang hatü Opa touei am eela neshiüi hatü daülangi nyuhen shingvaishi büpai ammei mongdang wong nyemkohhüma.

LUK SHAHSHA APPÜ 21:20

Mechem ammi Jerusalem shinei veshanthü eehenshang, hapa lavüngtoiyei tuhhen hepak ngoiteke shei nyingtuh.

MARK 13:14

Shejao mechem ammi nyembenüng jiühitnalai neyaonghen shingei yaongshi eehenshang (iepüthüi ha nyingtuh), Judealei nyupüthüi kahshangthülei nyaidaituh;

MATHI 24:15

Hanangkü Daniel thibüi epü keiha mechem amphongi daülangpü shingei nyembenüng jiühitnalai yaongshi eehenshang (iepüthüi ha nyinghahtuh),

ISAIAH 63:18

Kanja shing mon nüngei nanglakthüi daülangpü shing khüamei nyuteke, shejao hamei vepathüi hapa shing nyeütükteke.

ISAIAH 6:11

Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

MENVIH KESHO 79:5

Meshük lushi, Oh Shembüpa, nüngi den kü mongshihhen? Nüngei mongshih aw kei bahhen je?

JUD SHAHSHA APPÜ 1:14

Adam kübü hüshomhülai nyetpabü Enokh-i hathü nang hei tetei epeih: “Veituh, Shembüpai büpalei daülangpü vangsho phongshan haja dok kü haja müei yiükünyüke;

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

ZEKHARIAH 14:5

Judah am ongpa Uzziah hepak kü pedi jenpü kü nyaipükei kahshang handaitü Azel thahshi vampü kahji kü am nyaiyei daihen. Hahepak kü Shembüpa, ngelei Kahvang büpalei phongshanthü büpa mü yiükahen.

ZEKHARIAH 1:19

Ngei mü shah eteipü vangsho phongshan kü, “Hapa mehe lappüang?” shei phe. Büpai ngei kü, “Hathüyü Judah, Israel hatü Jerusalem yantükpü vaungthü khih” shei jangei e.

DANIEL 12:11

Nyihjeih moila shuohpü dohtükpü hatü benpülangpü peihüpü jiühitnalai chongpangpü hepak kübü pangei nyih 1, 290 chongkahen.

DANIEL 7:23

Büpai ngei kü hapa nihpü ephüteke: Alipabü yemhayü kahdoknyü ongching hük vamkahen hatü hapayü lebü ongchingthü peü mü hayaoha chongkahen hatü hapai kahdoknyü peü la-i shoupei ngümei yaktükhen.

DANIEL 7:16

Ngei halei yaongshi nyupüthü hük touei thah-ei heih-ei hapa lappü meheshang nih-ei eshih shei phe. Hanangkü büpai ngei kü hapa lappü ephüteke.

DANIEL 4:23

Oh Ongpa, mechem nüngi veishi nyupa, vangsho leipü vangsho phongshan hük yiüei, ‘Hapa pü agtüktuh, hatü khih mü haümtüktuh, shejao püchong payü nyiam hatü melangnyiami shatü kahdokei thüng chi kü tuhphongtuh, hatü tünglangü kahmongei tuhphongtuh. Bong nyet mangpeih thahshi büpa vangsho nyien kü haaishi nyuhütuh, hatü büpa phaüyemthü kei nyuhütuh’ ” shei eteke.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

MENVIH KESHO 74:9

Halei hamei khüamlung ne-eenyu; sheyü halei thibü neshiü, ha meshük hapakei nyuhen ha nyingpü üpayao ham mü neshiü.

SHAHPHENBÜTHÜ 13:18

Shejao Shembüpalei phongshani büpa kü, “Nüng ngelei men mehekei phenya? Hapa nyinghenü longi thamabenüng nyüpeih” shei e.

SHAHKÜP 33:2

Shembüpa Sinai Kahshang leipü peiteke, hatü jom shak kü vanghe keiha Edom leipü aongteke; Büpai Paran kahshang leipü khangteke. Büpai vangsho phongshan longi mü peiteke. Büpalei lakdah philei büpalei phongshan khong nyüke.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

MENVIH KESHO 74:10

Oh Kahvang, hepak meshük vepathüi nüng kü nyihen? Jomi düngei nüngei men yaühen je?

ISAIAH 28:18

Ammi dipü mü vangeishuwpü mahdaihen, hatü Sheol mü ammi shah shetpeyü nenyukahen. Mechem shanghah vongshüh peihen, amü hapai lomohhen.

JEREMIAH 12:10

Kung am vanglem lempüthü longi peiyei ngelei nyalingngupai kah mangtük; jomi ngelei kah nyeütük; Jomi ngelei bamhüpü kahdok bhih kahdok leitükpeih.

DANIEL 12:8

Büpai epü ngei danteke, shejao nenyingaok. Hanangkü ngei, “Ngelei shembü, hathü mekei dohhen hatü ha kübü mehe vamkahen?” shei pheteke.

DANIEL 4:10

Ngei lüngei lemshi nyushingkü eepü manghkhangü hapa khih: Ngei veishuohshingkü, ngei shekü kahdok jiam kü pü hük eeteke, hatü hapa longi shaoshi shiüteke.