DANIEL 8:11 - DAÜLANGPÜ LAIHING (BSI)

¹¹ Vangsho phongshan hük hapa mübü longpü leiteke, hatü nyihjeih büpa kü jakpü moila shuohpeyao yahlang, hatü Phopshem dangkao nyettük.

DANIEL 8:11 Referans Kwoze

DANIEL 12:11

Nyihjeih moila shuohpü dohtükpü hatü benpülangpü peihüpü jiühitnalai chongpangpü hepak kübü pangei nyih 1, 290 chongkahen.

DANIEL 11:31

Büpai shompü veshanthüi Phopshem nyettükhen. Jomi nyihjeih moila shuohpü dohtükhen hatü benpülangpü peihüpü jiühitnalai halei tuhhen.

DANIEL 8:25

Büpalei kon nemeipai lueilemei shemmei leihen, büpai ngeiyü peü mü longpü shei changmeihen. Büpai shahvüng neshuoh-i shennyak longi jühen, büpai ongthü khongkü ongpa kü dangkao khüei yaonghen; shejao büpayü hangkulei laki nehongpü kü mahdaihen.

EZEKIEL 46:14

Büpai düngei dhom mü hahying moila atta dok nyi mü hapa atta kü nyethen shingvaishi olive mainga dok hük shuohhen. Shembüpa kü shuohpü hapa moilayü den kü dükhen.

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

ISAIAH 37:23

Üpa kü nüngi yaüeilungei thaüvaünya? Üpa khüei nüngi langmaannya, hatü changmeiyei veinya? Hapayü daülangpü Israel Kahvang khüei enyu khih!

HEBREW 2:10

Kahvang, üpa shing hatü üpa homei kahdoknyü nyunya, hapeüthü longi müknyinshekhang touei mühen shingvaishi jomei yemleipüba shangpong homei changhüshahühen jiüpü nyuteke.

LUK SHAHSHA APPÜ 21:24

Jomphong yani mahhen, hatü jatthü peü touei wüpküpei müei daihen, hatü Jerusalemü Kung amei hepak mangngoi thahshi Kung ami la-i shouptükhen.

DANIEL 8:12

Mang dükpü nangkü phongshanthü hatü jomei nyihjeih moila shuohpeyao omshi hapa kü lanei shuohtük. Hapa vaungi dükpü lemphüli kü dapüshepü nyu.

DANIEL 7:25

Büpai Jaipüba Kahvang khüei ehen hatü Jaipüba Kahvangei nanglakthü kü shüveidoideihen. Büpai jomei shahkungnyüthü hatü daülangpü mohitapthü yeiyatükhen khehen, hatü Kahvangei nanglakthü büpalei vanglem phangkü vangbong jem mü hükkeishing nyuhen.

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

JEREMIAH 48:42

Moab am mahtükhen hatü jat hük shei netuhhen; mehenangkü pinnyüi Shembüpa khüei yaongteke.

JEREMIAH 48:26

Moab am yiüi chokhütuh; mehenangkü büpai ngei khüei yaongteke; Moab am laophüi bhaipü kü lepeilükei lemhütuh hatü mihnyiyangnyai am leihen.

ISAIAH 37:29

Nüngi ngei khüei yaongpü, hatü nüng changmeipü ngelei dhaong thahshi aongpü nangkü ngei nüngei shong kü nyiamphaak shihhen, hatü nüngei ju kü ngelei nyiamphak ühhen; nüng peipü lem kü ngei nüng nyokei leishihhen.”

BHEI-IE 28:3

Hathüyü nyihjeih Shembüpa kü aw kü jakei shuohhen moilathü shei jom kü etuh: Kawhikang neshiüpü bong nyi lompü mi chebaongha nyi nyihjeih moilahen.

2 THESALONIKA 2:4

Büpai khüei yaonghen hatü büpa laophü nyingi kahvang shei epü hatü khümpü dou lemphü shak kü longei aonghen, shejüang büpai kahvang hih shei eshi Kahvang phopshemei uohen.

DANIEL 8:24

Büpa longi wong kohshi leihen, büpai nyemshi bentüklangtükhen, hatü büpai dükpü lemphü kü aokpü danghen. Büpai wong kohpü shennyakthü, hatü Kahvangei nanglakthü mahtükhen.

DANIEL 9:25

Hapa nyingtuh: Jerusalem lingei leihen ngeükhüam shuohpü hepak mebü thiteiphutükpü ongpa peipü thahshi hapta nyet nyukahen; hapta pejempünyi kü Jerusalem chingshongthü hatü veyomshing ne-yei linghen shejao hapayü shangpong yakyingpü hepak vaikahen.

DANIEL 11:22

Veshanthü hatü vangpüshuwpü ongpa dangkao chemjalak kü maotükhen hatü thittükhen.