DANIEL 7:20 - DAÜLANGPÜ LAIHING (BSI)

²⁰ Hatü hapalei shangjingei vaung an vampü hatü vaung jem bhagei yaktüktü hapheikü vampü vaungha kü mük hatü ngam epü ju kohpü, hatü hapayü lebüthü mü nyeinya nyemshi eepü ha vaung jung nyinghahhüei nyuteke.

DANIEL 7:20 Referans Kwoze

DANIEL 7:23

Büpai ngei kü hapa nihpü ephüteke: Alipabü yemhayü kahdoknyü ongching hük vamkahen hatü hapayü lebü ongchingthü peü mü hayaoha chongkahen hatü hapai kahdoknyü peü la-i shoupei ngümei yaktükhen.

DANIEL 7:8

Mechem ngei ha vaungthü nang deihhah-ei nyupa, hatü hathü khongkü shao lebü maanpü vaung hük vam, hatü hapa shingvaishi shing linghen shelei nyupü vaung jem bhitük. Hapa vaung kü hangkulei mük kei mükthü kohshi, hatü ngam epü jubenyeijaang kohshi nyuteke.

DANIEL 7:11

Hapa vaungi changmeipü shah epü kü ngei veishi nyushingkü hapa yemhayü jütük, hatü hapalei büm khih mü dehtü awlom kü shüktükteke.

SHAKEI VAMPÜ 12:3

Hahepak kü shao vangsholei lebü nenyingaokbenüng nyangeihepü hük vam: Dragon hakla longpü hük shangjing nyet, vaung an hatü athen nyet shangjing ieyei kü athen thentü nyu.

DANIEL 7:7

Hapheikü yanüng ngei manghkhang kü alipabü yemha hük, nyemshi hatü hanshi, longi wong kohshi ee. Hapa kü nyiambha longpü shiüteke, hatü hapai khih mü shaaitü lühtük shejao aopüthü peü la-i shouptükei ee. Shelei eepü yemhathü peü mü hapa hayaoha shiüteke, hatü hapa kü vaung an kohshi shiüteke.

DANIEL 7:19

Hahepak kü ngei alipabü yemha, mepa lebü mü hayaoha, nyemshi, hapalei nyiambha-i hatü melangnyiam lakdheni khih mü nihtüknya, hatü aopüthü kemei la-i shouptüknya, ha jung meishi nyinghahhüei nyuteke.

DANIEL 7:21

Ngei veishi nyushingkü, hapa vaungi Kahvangei nanglakthü mü hok hatü neüteke.