DANIEL 7:14 - DAÜLANGPÜ LAIHING (BSI)

¹⁴ Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

DANIEL 7:14 Referans Kwoze

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

DANIEL 7:27

Vangsho phangkü nyupü ong hean, hatü ongching hean hatü ongching kü lupülongpü hean kemei Jaipüba Kahvangei nanglakthü kü shuohtükhen; jomei ongchingü nedohneteni nyuhen, hatü ongchingthü peüi jomei ven bangei chongphohen.

JOHAN 3:35

Pa-i Ha kü bampü nangkü lemphüli büpalei lak kü shuohteke.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

HEBREW 12:28

Hanangkü jenphongü nejenbenüng ongching hük dangnyu vütei-i jeni menvih shuohshah, hatü dhüm shuoh-ei nyempai yah-aokbenüng mü Kahvang kü khümshah;

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.

LUK SHAHSHA APPÜ 1:33

Büpai den kü Jakob am phang shak kü vanglem lemhen, hatü büpalei ongching dohpü neshiühen” shei e.

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

OBADIAH 1:21

Yangpüthüi Edom kü vanglem lemhen shingvaishi Zion kahshangei aonghen, hatü ongchingü Shembüpalei nyukahen.

DANIEL 3:4

Hahepak kü lenbü hüki ngeüwong anei, “Oh jatphü kübü nanglakthü, mükhiphang laolao kübü hatü shahlem laolao epüthü!

DANIEL 2:35

Hahepak kü nyiam, ashem, melangnyiam, ngin hatü hon kemei chemi khih mü nihdai, hatü shaonyü hepak kü hah tenshing leipü hahbhang kei lei, hatü hapa shing khih shei nelekaokhen mü vanglüki maoei lüdaiteke. Shejao yaong payü kahdok peü küppei kahshang longpü leiteke.”

ISAIAH 60:12

Mepa jat nevaijü ongchingi am chongnephohenshang mahhen; hathü jatthüyü chemjalak kü mangtükhen.

MENVIH KESHO 146:10

Shembüpai düngei vanglem lemhen, ammei Kahvang, Oh Zion, den kü ong vaihen Shembüpa vihtuh.

MENVIH KESHO 145:13

Nüngei ongchingü nedohnetenpü ongching, hatü nüng vanglem lempü hüdenhalenshi nyunyeih. Shembüpai büpalei shahthü peü jiüshi düknyeih, hatü büpai phahjipai douthü peü düknyeih.

MENVIH KESHO 45:6

Nüngei ong uoshing denden kü nyuhen, Oh Kahvang, shahhing lenshuoh-ü nüngei ongchingei lenshuoh nyuhen.

MENVIH KESHO 8:6

Nüngi lingpü lakdouthü shak kü nüngi büpa vanglem lembü leihü; nüngi lemphü büpalei la phangei tuhphong:

JOHAN 12:34

Khongi büpa kü, “Messiah-ü den kü nyunyeih shei hami shahkung leipü danpeih. Nüngi mekei etü Shennyak Ha shangei anshihhen shei enya? Shennyak Ha shei epeyü üpaang?” shei e.

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

DANIEL 7:18

Shejao Jaipüba Kahvangei nanglakthüi hapa ongching yah-ei den dok kü den jom lompü vailanghen.”

DANIEL 6:26

Ngei hapa shahkungnyü yannyüpeih; ngelei ong ongching kü nyupü nanglak peü Danielei Kahvang kü nyemtuh hatü dhüm shuohtuh: ‘Mehenangkü büpayü vanyangyem Kahvang nyüke, hatü büpai denden vanglem lemkahen; Büpalei ongching mechemao nemahhen, büpa vanglem lempü dohpütenpü neshiüküpih.’

DANIEL 4:3

Büpalei yashanyale meshük longpüang! Büpalei thamapü dou mekei wong kohpüang! Büpalei ongchingü nedohnetenpü ongching nyüke; büpa vanglem lempü hüdenhalenshi nyuhen.

MENVIH KESHO 102:22

Nanglak hatü ongchingthü chemi Shembüpa khümnüng thainyüke.

MENVIH KESHO 72:17

Büpalei men den kü nebetüki nyuhütuh, vanghenyü nyupü thahshi büpalei menmei nyuhütuh. Jatthü peüi büpa kü moihiman danghen, jomi büpa kü mongongpü baonghen.

MENVIH KESHO 72:11

Ongthü peü büpa touei aümei khümhen, jatthü peüi büpa chongphohen.

1 PETER 3:22

Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.

SHAKEI VAMPÜ 1:6

hatü jen ongching hük leihü, hatü büpalei Pa Kahvang chongphohen ngongpathü leihü, büpa kü müknyinshekhang hatü vanglem lempü den den kü nyute. Amen.

ISAIAH 16:5

Bampai ong uoshing linghen, hinglempai shennyaki hapa kü uohen; David phang kübü hük shahphen shingkü shahhing yempü, hatü jiüshangpü shülangi dükpü hük uohen.

DANIEL 2:37

Oh Ongpa, nüngü ongthü khongkü ong khih. Vangsho Kahvangi nüng kü ongching hean, ngan, wong hatü müknyinshekhang shuohteke;

MENVIH KESHO 103:19

Shembüpai büpalei ong uoshing vangshothülei lingei nyüke, hatü büpalei ongchingipeü kü vanglem lemnyüke.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.