DANIEL 6:8 - DAÜLANGPÜ LAIHING (BSI)

⁸ Shaang, Oh Ongpa, hapa shahkung yankütuh; Media hatü Persia shahkungnyü neyeiyapükei neyeiyaaokhen mü nyangei yankütuh” shei eteke.

DANIEL 6:8 Referans Kwoze

DANIEL 6:15

Hahepak kü ongpa touei shennyakthü peiyei büpa kü, “Oh Ongpa, Media hatü Persia amei shahkungnyü ai meyü, ongpai yanpü shahkungnyü yeiyahen neaok” shei e.

ESTHER 1:19

Hanangkü ongpai ha mongei deihjema, ongpai büpalei shahyan hük neyeiyahen mü Persia hatü Media amei shahkung kü nyangtü sheyü Vashtiyü Xerxes ongpa touei hajük kü nepeihen, hatü ongpai pinnyü mao meipü hanei am kü hapa ongla hean nyemshuohtük.

DANIEL 6:12

Hahepak kü jomphong ongpa touei peiyei shahkungnyü yanpü nang eteke: “Oh Ongpa, nyih hapüan mongkü, nüng kü nevaipheikü üpaiyao mehe kahvang kao nevaijü üpa shennyak kao nephophen, üpai ha nebanghen, mailang khok kü yepei shüktükhen shei nüngi shahkung neyanangpü je?” Ongpai, “Hih, shahkung wongshongi shuohtepih; Media hatü Persia shahkung mechemao neyeiyaaokhen” shei eteke.

ISAIAH 10:1

Shahhing ne-epü shahkung lingpüthü, ühinghen vanglem lingpüthü onyükei!

ESTHER 8:10

Mordekai-i Xerxes ongpalei men kü nyangtü ongpalei füoshang shingtü hathü lai koei longi shülangi mokpü ongpalei koyeithü kü uotü shomteke.

ESTHER 3:12

Hapheikü shongpü len nyih anpüjempabü kü ongpalei laknyangbüthü nyük hatü jomphongi ongching phangkü noteipü shahlem laolao, nyangpü vanglem laolao aimü lepei Hamani epükei nyang, hatü vanglem lembüthü, governorthü, hatü lakchongbüthü peü kü shom. Hapayü Xerxes ongpalei men kü nyang hatü ha kü büpalei füoshang shingteke.

ESTHER 8:8

Shaang ongpalei men kü am kü meipü aimü Jehoda am nangkü shahkung hük nyangtuh, hatü ha kü ongpalei füoshang shingtuh; mehenangkü ongpalei men kü nyangpü lai hatü büpalei füoshang shingtükpü lai üpaiyao bentüknüng neaokpih” shei e.

ESTHER 8:3

Hapheikü Esther-i shao ongpa touei doei shatü thepei e. Jehoda am khüei Agag am Hamani lingpü nemeipü küpjan dohtükshih shei pinnyüi khüm.

MATHI 24:35

Vangsho hatü kahdok peihdaihen, shejao ngelei shah nepeihdaihen.

DANIEL 5:28

Peres: Nüngei ongchingü hantü Media hatü Persia am kü shuohtükteke.”

MENVIH KESHO 94:21

Jom chemi daülangpüthü khüei shah shownyüke, hatü mang neshiüpüthü jütüknyüke.