DANIEL 6:4 - DAÜLANGPÜ LAIHING (BSI)

⁴ Ha nyingei, vanglem lembü nyi hatü governorthü peü Danieli ongching kü dükpülingpü lemphü kü mang yephen lem yem, shejao jomi büpa kü shaipü pungpü meheyao neyepaok; mehenangkü büpayü shahhing epü, nehetnewongi nenyupü nevaijü meheyao ten neshiüpü shennyak nyuteke.

DANIEL 6:4 Referans Kwoze

1 PETER 3:16

Shejao hapayü inyainyempai dhüm kohshi etuh. Am kü yaüpüthüi ammi Khrista kü doumei dükpü eeyei thaüvaüpüthü veühühen shingvaishi ammei chudeih mongdeih daülangi tuhtuh.

PHILIPPI 2:15

shejüang kaokdaipü hatü nyongdaipü den kü amphong eela neshiüpü, daülangpü, kawhikang neshiüpü Kahvang hathü vaihen; hapa kü amphong lithathü kei kahdoknyü kü nyahen.

1 PETER 2:12

Kung am touei ammi dhüm kohshi düktuh; jomi am kü ten dükpü am shei ejao büpa shahphenhen yiüshingkü jomi ammei dhüm kohbenüng doumei eeyei Kahvang müknyinshekhanghen.

LUK SHAHSHA APPÜ 20:20

Hanangkü jomi büpa kü mükhingshi vei, hatü hingshangpüthü keiha yawhdou shuohtü büpai epü shah kü mang yephen hatü jomi büpa governorlei wong kü lanei shuohhen gühshukpüthü shom.

TITUS 2:8

hatü meipü shah mechemao nyonghününg neaok; shejüang jen kü khüpüthüi ten ehen meheyao neshiüi jom veühen.

MATHI 27:18

Hapayü mükhakpü homei büpa yepei shuohpü khih shei büpai nyingdai.

JEREMIAH 20:10

‘Nyemhihan peü lemei nyüke! Büpa kü eshuohshah! Jeni büpa kü eshuohshah’ shei nümnümpü ngei dannyüke.” Ngelei mongkhen küphüthü peüi ngei huluh nyemshuohja shei dannyüke. “Üpai nyingpa, büpa kü lueilemhen aokpeih, hatü jeni büpa kü neütü bhüh yemhen aokpeih” shei enyüke.

1 TIMOTI 5:14

Hanangkü vaümnyü naüeethüyü shem yemei, hapeü angei laophülei shemong lingei nyemnyu shei deihnyüke; shejüang vepathüi jen khüei ten ehen lem nedanghen.

CHONGVENBÜ 4:4

Hangkui dükpülingpü hatü dangaokpü kemei laophülei chingyow leipü kü mükhühpü nangkü khih shei ngei nyingteke. Hapayao angsha; vanglük phei changteipü mon khih.

KANDOK 29:27

Daülangpüthüi nedaünelangpüthü kü jiühitnyeih, hatü nedaünelangpüthüi daülangpüthü kü jiühitnyeih.

SHAHPHENBÜTHÜ 14:4

Chenyü chepai hapayü SHEMBÜPAleipü khih shei nenying; mehenangkü büpai Philistia am khüei dou dükhen lem yempü shiüteke. Hapa nyihhihe kü Philistia ami Israel am shak kü vanglem lemei nyuteke.

KAHBHAO 43:18

Shaang jomphong Josephei shemei müei shüpü nangkü longi nyem hatü jomphongi, “Shelei jenei hanggolei lop hüpü jeni ha koei leidaipü nangkü jenphongü shemongei shüpü vaaishang; jomi jen kü nemei-i düktü jen aa leihühen hatü jenei gaduthü yahlangphahen khih” shei etei.

2 KORINT 11:12

Lebü phongshanthüi changmeihen hatü hami dükpü dou hükkeipü jomiyao düknyeih shei ngam yahhen kübü bangtükhen shingvaishi ngei shaang mehe dou düknya, ha nedoh-i dükei daihen.

JOHAN 19:4

Shao chem Pilat chingshelei vamei khong kü, “Veituh, büpa nyonghühen mü ngei meheyao nedangang shei am kü nyinghühen shingvaishi ngei büpa am touei ngaikünyeih” shei e.

LUK SHAHSHA APPÜ 22:2

Ngongpathü hatü shahkung nyuhbüthüi Jisu jühen lem yemei nyu; mehenangkü jomi nanglak kü nyemei nyu.

MATHI 26:4

hatü jomphongi Jisu joei yepei jühen phaüshah showteke.

DANIEL 3:8

Hahepak kü Babylon am hanei-i Jehoda am nyonghühen peiteke.

JEREMIAH 18:23

Shejao nüng, Oh Shembüpa, Ngei jühen jomi lingpü kon nyingei nyüke, nüng toueipü jomei mang tethittük. Nüng toueipü jom noei yaktüktuh; nüng mongshih hepak küang jom kü dou dükeishuoh.

JEREMIAH 18:18

Hahepak kü jomi, “Kei, jeni Jeremiah khüei phaüshah showshah; mehenangkü ngongpai nyuhpüvenpü, nevaijü nyingpüthüi epü shah, nevaijü thibüthü leipü shah nemahnyu. Kei, jenei shah-i büpa yepshah hatü büpai epü kü mong neshuoh-i tükshah” shei eteke.

1 SAMUEL 22:14

Ahimelekh-i ongpa kü, “David keiha nüngei chongphobüthü khongkü mong kemei shuohpü, nüngei yiükha yahpü shennyak, nüng yompü veshanthü kü mübü, hatü nüngei ongching kü peüi longi dhüm shuohpü shennyak üpa nyüpa?

1 SAMUEL 18:14

Büpai dükpü lemphüli kü aokpü dang mehenangkü Shembüpa büpa mü nyu.

LUK SHAHSHA APPÜ 20:26

Büpai epü shah kü nanglakthü touei jomi meheyao neyep-aok; büpalei shah kü jom thama hatü jek neshei.

JEREMIAH 29:7

Ngei am wüpküpei deiyei tuhpü chingnyü chingmeivangmei hatü dapüshepü kü anghen kentuh, hatü hapa shing Shembüpa kü phoptuh; mehenangkü hapa daeisheyei nyujema amao daeishehen.

DANIEL 6:22

Mailangthüi ngei kü neshükhen shingvaishi ngelei Kahvangi büpalei vangsho phongshan shomei jomphongei ju kümtükpeih; mehenangkü ngei büpa touei mang neshiü, hatü nüng toueiyao pungpü neshiüpü nangkü büpai hapa dükpeih, Oh Ongpa” shei e.

KAHBHAO 41:38

Pharaoh-i büpalei chongphobüthü kü, “Jeni hapa keipü Kahvangei laangha kohpü hük dangaokhen je?” shei e.

1 SAMUEL 12:4

Jomi büpa kü, “Nüngi mechemao ham kü lueilemei nevaijü ühingei nenyupih, hatü nüngi üpalei lak kübüao meheyao yah-ei neshiü” shei e.

DANIEL 5:12

Mehenangkü Daniel, üpa kü ongpai Belteshazzar shei nyük, büpayü nyingpühingpü, mangh tet-aokhen kon, neyaoaokbenüng yaoei nih-aokpü hatü mongshang peü nyingei eaokpü shennyak hük nyuteke. Shaang Daniel kü nyüktuh hatü büpai nüng kü ha lappü tetei ephahen.”