DANIEL 6:26 - DAÜLANGPÜ LAIHING (BSI)

²⁶ Ngei hapa shahkungnyü yannyüpeih; ngelei ong ongching kü nyupü nanglak peü Danielei Kahvang kü nyemtuh hatü dhüm shuohtuh: ‘Mehenangkü büpayü vanyangyem Kahvang nyüke, hatü büpai denden vanglem lemkahen; Büpalei ongching mechemao nemahhen, büpa vanglem lempü dohpütenpü neshiüküpih.’

DANIEL 6:26 Referans Kwoze

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.

LUK SHAHSHA APPÜ 1:33

Büpai den kü Jakob am phang shak kü vanglem lemhen, hatü büpalei ongching dohpü neshiühen” shei e.

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

DANIEL 4:3

Büpalei yashanyale meshük longpüang! Büpalei thamapü dou mekei wong kohpüang! Büpalei ongchingü nedohnetenpü ongching nyüke; büpa vanglem lempü hüdenhalenshi nyuhen.

DANIEL 3:29

Hanangkü ngei shahkungnyü hük lingnyüpeih: Üam nanglaki, jathili-i nevaijü shahlemi Shadrakh, Meshakh hatü Abednego hathülei Kahvang thaüvaüei langmaanhenshang, lakjaang lajaang laaishi shaaktükhen hatü jomei shemthü benei nyüphinya leitükhen; mehenangkü hapakei jangaokhen mü lebü kahvang meleiyao neshiü” shei eteke.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

MENVIH KESHO 29:10

Shembüpai yungnyü büng kao uoshing vaishi uonyeih; Shembüpayü den kü ong vaishi ong uoshing kü uonyeih.

MENVIH KESHO 2:11

Nyempai Shembüpa chongphotuh, hatü mongongpai kheütuh.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

ROM SHAHSHA APPÜ 9:26

“hatü jomphong kü, ‘Amphongü ngelei nanglak nevai’ shei epü shing kü jomphong kü, ‘Vanyangyem Kahvangei hathü’ shei ehen.”

MALAKI 3:6

Ngeiyü Shembüpa, ngei nejeileinyih. Hanangkü, Oh Jakobei hühihathü, ngei am nemahtükpih.

HOSEA 1:10

Israel amü ienüng neaok, shethen neaoki yungching bhihhiphang kei daei leihen. “Amphong ngelei nanglak nevai” shei jom kü epü nangjei, “Amphongü vanyangyem Kahvangei hapeüthü” shei nyükhen.

DANIEL 7:27

Vangsho phangkü nyupü ong hean, hatü ongching hean hatü ongching kü lupülongpü hean kemei Jaipüba Kahvangei nanglakthü kü shuohtükhen; jomei ongchingü nedohneteni nyuhen, hatü ongchingthü peüi jomei ven bangei chongphohen.

JEREMIAH 10:10

Shejao Shembüpayü hingshangpü Kahvang; büpayü vanyangyem Kahvang, nedohnetenpü Ongpa. Mechem büpa mongshihhen, kahdok jennyüpeih; jatthüi büpa mongshihpü nenenaoknyih.

SHAKEI VAMPÜ 5:14

Hatü yemmü nyupü yemhathüi, “Amen!” shei e, hatü behethüi aümei shaei khümteke.

SHAKEI VAMPÜ 4:10

behethü hapüali-i aümei shaei ong uoshingei uopü den den kü nyupüba kü khüm; jomi jomei athen yah-ei ong uoshing touei shüktü lokei,

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

HEBREW 12:29

mehenangkü jenei Kahvangü laiyeilungei hahpü aw.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

DANIEL 6:20

Mechem büpa mailang khok ngoipa, büpai mongshangei Daniel kü wongmü lenei, “Oh Daniel, vanyangyem Kahvang chongphobü, nüngi lanei shuoh-ei chongphopü Kahvangi nüng mailangthü kübüao yangphaaokpü je?” shei e.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

MENVIH KESHO 146:10

Shembüpai düngei vanglem lemhen, ammei Kahvang, Oh Zion, den kü ong vaihen Shembüpa vihtuh.

MENVIH KESHO 119:120

Nüng kü nyempai ngelei büm kheünyüke, hatü ngei nüngei shahphenpü kü nyemnyeih.

1 SAMUEL 17:36

Hapa keiha nüngei chongphobüi shahnyü hi sheptao jühampeih. Hapa nejaptükpü Philistia naühayao hathü kei-üng nyukahen; mehenangkü büpai vanyangyem Kahvangei veshanthü kü chengteke.

1 SAMUEL 17:26

Davidi büpa touei chemi yaongpüthü kü “Hapa Philistia naüha jüpü hatü Israel am kü ne-ienelempü kübü yangpü shennyak kü mehe shuohhen epa? Vanyangyem Kahvangei veshanthü kü vehok chenghen üpa nejaptükpü Philistia naüha ang?” shei phe.

SHAHKÜP 5:26

Vanyangyem Kahvangi aw kübü vamei shah epü danpheikü yemmü amphong kei nyuphei je?

1 THESALONIKA 1:9

mehenangkü ammi ham mekei mongongshi yah, ha jom nyingi shah-om shuohteke. Vanyangyem hatü hingshangpü Kahvang chongphohen shingvaishi am mekei lajei kübü mong lepei Kahvang touei leipa,

PHONGSHANTHÜ DOU 17:25

nevaijü büpai lemhük nanyu kei hangkulei laki büpa chongnephonyih; büpaiang hangku peü kü yangnyu, ngü hatü dou peü shuohnyeih.

LUK SHAHSHA APPÜ 12:5

Shejao üpa kü nyemhen, ha ngei shahvüng shuohnyeih: Üpai jüpheikü molo awlei deishihhen wong nyu, büpa kü nyemtuh. Hih, ngei am kü enyeih, büpa kü nyemtuh!

ISAIAH 66:2

Hathü douthü kemei ngelei laki lingpeih; hanangkü hathü kemei ngelei shei Shembüpai enyüke. Shejao üpai maanpü leiyei mong lepnya, hatü nyemei ngelei shah bangnya, ngei henüng shennyak lümnyeih.

EZRA 1:3

Amphong khong mü nyupü büpalei nanglak Kahvang jom mü nyute! jom shaang Judah kahdok Jerusalemei Shembüpa, Israel Kahvang, Jerusalemei nyupü Kahvangei phopshem vehen shingvaishi leishihtuh,

EZRA 7:21

Shaang ngei, Artaxerxes ongpai Euphrates heshüphi kü nyupü mop kü khei vaipüthü peü kü ngongpa Ezra, vangsho Kahvangei shahkung nyuhbüi mehe mehe yüphahen meishi hengei shuohhen ngeükhüam shuohnyeih.

MENVIH KESHO 42:2

Ngelei laanghai Kahvang, vanyangyem Kahvang ongyangnyeih. Mechem ngei peiyei Kahvangei dhe eehen?