DANIEL 6:23 - DAÜLANGPÜ LAIHING (BSI)

²³ Hahepak kü ongpa longi mongong hatü mailang khok leipü Daniel yah-ei ngaihen ngeükhüam shuoh. Hanangkü jomphongi Daniel mailang khok leipü ngaiteke; Danieli Kahvang kü hinglempü nangkü meleiyao makaw ne-ee.

DANIEL 6:23 Referans Kwoze

1 SHÜPPÜKENGPÜ 5:20

Hathü khüei hokhen shingvaishi Kahvangi jom kü sheüh, hatü Kahvangi Hagar hatü jom kü khüambakpüthü peü jomei lak kü shuoh; mehenangkü jomi vehok shingkao Kahvang kü len, hatü büpai jom kü jang.

DANIEL 3:25

Shejemü, “Veihümao! Ngei shennyak ali awbhaongei kamteiyei, nesha-i hatü awyei-i dangkao nelai-i eenyüke, hatü alipabü-ü veiheni vangsho phongshan leshi eenyüke” shei e.

MARK 9:23

Jisui büpa kü, “Nüngi dükaokjema shei! Hinglempü shennyak shingvaishi peü dükaokhen” shei e.

DANIEL 6:18

Sheyü ongpa shemei leiyei neshinechongi, hatü meheyao nehahneyingi vangnyak paümteke.

ISAIAH 26:3

Üami mongdangi nüng kü hinglemnya, nüngi jom den ngoipü chingmei kü tuhnyeih; mehenangkü jomi nüng kü hinglemnyüke.

KANDOK 18:10

Shembüpalei menü wong kohpü shangdü; daülangpüthü halei mokei shünyeih hatü yangdainyeih.

MENVIH KESHO 37:40

Shembüpai jom kü sheühnyeih, hatü yangnyeih; büpai jom nemeipü am toueipü yangnyeih, mehenangkü jomi büpa kü loinyeih.

2 SHÜPPÜKENGPÜ 20:20

Jom dhom mü lomi paoei Tekoa jahpan lemei heih. Jom layaong shingkü Jehoshaphati yaongtü e, “Judah hatü Jerusalem nanglakthü, ngei epü banghümao! Shembüpa, ammei Kahvang kü hinglemtuh, shejüang wong kohshi yaongaokhen; büpalei thibüthüi epü kü hinglemtuh, shejüang am aokpü danghen.”

HEBREW 11:33

Jomi hinglempü homei ongchingthü neütük, shahhingi vanglem lem, lahtükpü dang, mailangthülei juao küptük,

DANIEL 6:14

Mechem ongpai ha danpa, büpa longi mongmang hatü vanghe mangshü thahshi büpai Daniel yanghen lem yemteke.

1 ONGPATHÜ 5:7

Mechem Hirami Solomonei shah danpa, büpa longi mongmei, “Shinnyih Shembüpalei men longtuh; mehenangkü büpai hapa longpü jat shak kü vanglem lemhen kon kohpü hapeü hük David kü shuohteke” shei e.

MÜLANGPÜ 18:9

Jom Ijip leipü yanghen nangkü Shembüpai Israel am kü meipü dükpü nangkü Jethro mongong.

DANIEL 3:17

Nüngi hamphong awbhaong kü yepei shükphülangmao, hamphongi chongphopü Kahvangi haleipao ham yangphaaokhen, hatü büpai nüngei lak kübüao yangphaaokhen hih, Oh Ongpa.

MENVIH KESHO 18:21

Mehenangkü ngei Shembüpalei lem kü kam; ngelei Kahvang toueipü yanei ngei mang dou nedük.